Día a Día

Os escolares de Tui, dende os máis pequenos das Escolas Infantis ata os dos Institutos, celebraron ao longo desta semana o Dia Escolar da Paz e da non Violencia con diversas actividades que culminan no día de hoxe. Coñecemos as actividades de cada centro educativo nunha reportaxe da nosa compañeira Lucía González.

Hai uns días presentouse no Porriño a campaña “Pan do Porriño, Pan de Panadaría, proxecto que ven da man da Asociación de Comerciantes (ACIPOR) e de Panadeiros do Porriño, co que queren impulsar a imaxe do tradicional pan porriñés. Iván Vaqueiro, encargado da comunicación de ACIPOR e representante das dúas asociacións, quixo explicar as razóns que os levaron a pór en marcha esta campaña, na que a actriz Areta Bolado é a súa representante.

Repoblar trátase da Rede Pontevedra Banda Larga Rural, unha Rede sen fíos que a Deputación de Pontevedra está a despregar na provincia para romper coa fenda dixital no rural, a través do proxecto Wimax Rural. No Baixo Miño, Javier Rozas explicou que hai unha cobertura do 90%, debido á singularidade da orografía e que todos os concellos que forman parte da comarca se poden inserir ó programa

O Banco de Tapóns do Baixo Miño pecha este sábado a súa décima campaña na que reuniron 42 toneladas de tapóns para axudar a tres nenos Cristian, Sofía e Alejandro, e o sábado 30 presentarán aos beneficiarios da nova campaña.

Manuel Pardo é o presidente da BANTA, explicaba o peche desta campaña e cómo van a axudar a cada neno.

A primeira hora da mañá saíron camiñando do centro urbano de Tui, máis de medio centenar de tudenses cara o Monte Aloia para participar na Romaría de San Xulián. Tras unha para nos muíños do Tripes para tomar as papas de millo seguiron ata o cumio do Aloia. Manuel Crisóstomo é un destes tudenses que dende hai dúas décadas suben andando ata o monte por San Xulián.

Gran asistencia de xente esta mañá á romaría de San Xulián no Monte Aloia. Centos de persoas danse cita hoxe no cumio do Parque Natural para participar nesta celebración. Cheo na capela nas misas celebradas ao longo da mañá, e tamén nos distintos locais que acollerán grupo para xantar cocido no día de hoxe. Así nolo contaba esta mañá Sebastían Gómez, do Restaurante do Monte Aloia.

Mañá celébrase no cumio do Monte Aloia a romaría de San Xulián. Mañá haberá misas ás 10 e ás 11 da mañá e a solemne celebrarase ás 12.30h con posterior procesión arredor da capela coas imaxes tanto de San Xulián coma da Virxe das Angustias.

Precisamente mañá ás 9h sairán dende o centro urbano de Tui, da rúa Casal Aboy, un grupo de tudenses para subir camiñando ata o cumio do Monte. Manuel Crisóstomo é un destes tudenses que dende hai dúas décadas suben andando ata o monte.

Hoxe comeza un novo programa na Radio Municipal de Tui. Nas noites dos martes e dos sábados os gustosos do Jazz e os amantes da música en xeral teñen unha cita ás 23h na Radio Municipal de Tui, no programa Tempo de Jazz, conducido por Luís Cuntín.

Con Tempo de Jazz Luís Cuntín pretende presentar artistas e xéneros para crear afección no Jazz, descoñecido para moitos de nós.

As altas temperaturas dos últimos días están a provocar que a procesionaria baixe dos piñeiros, polo que hai que ter coidado ao levar os cans ao monte ou a zonas arboradas. Así nolo contou José Antonio Rodríguez da Clínica Veterinaria Tui. No caso de que o can entre en contacto cunha procesionaria hai que levalo ao veterinario de xeito inmediato.

O concelleiro de Turismo de Tui, Laureano Alonso, valorou positivamente a presenza da Eurocidade en FITUR a pasada semana, fixando obxectivos máis ambiciosos para a próxima edición. Xa para a BTL que se celebrará en Lisboa en marzo a Eurocidade terá presenza máis destacada con posto propio.

Laureano Alonso tamén deu conta da gravación onte en Tui de parte do documental "De Rosendo a Rosendo" por parte dun equipo australiano.