Día a Día

A Asociación de Comerciantes e Industriais de Tui , ACITUI, celebrou o pasado mércores, 20 de xaneiro, asemblea xeral ordinaria na Sala Félix Rodríguez, na que se decidiu que o novo vicepresidente de Asociación é Carlos González, os nomes dos tres novos vocais, e na que se decidiu a renovación da súa secretaria.

Juan Carlos Blanco, presidente e Sergio Casal, tesoureiro, déronnos conta destes nomeamentos e adiantaron algunhas das actividades que plantexan para este ano.

A conselleira do Medio Rural, Ángeles Vázquez, visitou hai uns días as instalacións da conserveira A Rosaleira, que forma parte do Grupo Terras Gauda. O vicepresidente de Terras Gauda, Antón Fonseca, falounos desta visita que calificou como moi positiva e da actividade da empresa, que se centra na elaboración de conservas vexetais de produtos artesanais como os grelos, os mirabeles ou o tomate.

Dende hoxe ata o domingo a parroquia de Estás, en Tomiño, festexa a San Sebastián. Hoxe venres haberá verbena amenizada polo grupo Adredde. Mañá a verbena correrá a cargo da orquestra Panamá e o grupo América S.L. O domingo haberá as tradicionais poxas e música do grupo de percusión Logika Acústica ás 22h. Así nolo contou Mino Álvarez, responsable do Centro Cultural.

Mañá sábado ás 19:30 no Auditorio Municipal de Salceda terá lugar a presentación do segundo traballo discográfico do grupo salcedense Donicelas. O traballo leva o nome do mesmo grupo. O disco está formado por nove temas de carácter popular, e algúns de autor, como o de Paulo Nogueira. Rosa González, membro do grupo Donicelas, deunos conta de máis datos desta cita musical

Hoxe cita coa risa e o humor no White Clover ás 23.30hcomonologuista Tito Rober. Presentará “Vida y milagros del zumo de naranja”. Hoxe fíxonos un avance do seu espectáculo.

Iván Alonso vén de gañar na modalidade sénior de K1 a Regata do Río Negro na Arxentina despois da súa segunda participación. O padeeiro do Kaiak Tudense recoñeceu que regata é unha das máis esixentes do mundo, dado que son un total de 274 quilómetros a remar en 6 etapas, aos que se lle debe sumar a calor e a soidade de remar en moitos tramos só no río.

Ás oito desta tarde a casa da Cultura de Salceda de Caselas unha charla sobre as medidas que se poden adoptar no caso de ter palmeiras afectadas polo 'picudo vermello'. Correrá a cargo da enxeñeira agrícola Clara Pousa Ortega, quen explicará as medidas que se poden tomar para paliar os efectos da praga. Clara Pousa falou hoxe do Picudo Vermello na RMT

Este xoves dará comezo o primeiro dos cursos deste novo cuadrimestre na aula UNED de Tui. Trátase de “Introdución á Viticultura” a cargo de Jorge Marcote Gil, especialista en viticultura e enoloxía. Celebrarase dende este xoves, 21 de xaneiro ao 25 de febreiro de 2016, os xoves de 18:00 a 20:00h, e as sesións prácticas os sábados de 10 a 14h. O prezo do curso é 40€.

Jorge Marcote explicou que este curso vai dirixido a un público moi amplo e que teña inquedanzas no mundo da vide, incluso teñan experiencia ou non, xa que sempre se pode mellorar a calidade da uva cunhas boas prácticas.

O Espazo Xove de Tui, na rúa Sanz, é punto de información de interese para a mocidade con convocatorias de bolsas, certames, actividades... A súa directora Mónica Bugarín deunos conta hoxe do concurso para elixir o cartel do Certame Xuventude Crea, e tamén de axudas para estudantes universitarios. Esta información pode ampliase no seu teléfono 886 110 797 ou no seu Facebook.

A Eurocidade Tui-Valença presentarase mañá ás 18h no posto de Turgalicia en Fitur, a Feira Internacional de Turismo que esta semana se celebra en Madrid.

Esta é a primeira da citas co Turismo que ten a Eurocidade neste 2016, á que se sumará o feito de contar con posto de exhibición propio no mes de marzo na BTL de Lisboa