Día a Día

O Mago Berto actúa ás once e media desta noite no White Clover de Tui. O seu é un espectáculo con maxia e humor no que non falta a interacción co público. A entrada é gratuíta. O Mago Berto leva máis de nove anos actuando por toda Galicia e compartindo escenario con grandes artistas como Moncho Borrajo, Carlos Blanco ou Javier Veiga.

O hotel A Torre do Xudeu en Tui é o segundo hotel mellor valorado en Galicia, en relación as opinións dos clientes que usan a aplicación Trivago. Na provincia de Pontevedra, é o que recibe mellores valoracións, cunha puntuación de 92,64 décimas, e a tan só catro do establecemento Alén do Mar, en Fisterra, que encabeza el ránking de toda Galicia.

A xerente do hotel tudense, Ana Isabel Mariño, explicou que abriron este establecemento na cidade sen experiencia previa no sector, hai pouco máis de dous anos. Ana Isabel Mariño expresou o orgullo e satisfacción ao recibir este premio.

O arqueólogo Gustavo Pascual Hermida descubriu nas serras da Groba e Argallo os restos da primeira canle romana que abastecía de auga as minas de ouro do Baixo Miño. Gustavo Pascual incidiu que a zona do Baixo Miño é rica en mineiría e ouro e que grazas a este feito houbo un tráfico comercial moi activo, demostrado nos restos de varios barcos de tipo Mediterráneo na zona de Oia.

Catorce cursos son os que oferta a Aula da UNED de Tui para este primeiro cuadrimestre do ano. Para todas eles está xa aberto o prazo de inscrición na web www.unedpontevedra, na propia Aula no antigo convento de Santo Domingo ou no teléfono 986 60 51 50 polas tardes de 16:00h a 22:00h. Dos mesmos deunos conta a coordinadora da Aula da UNED de Tui, Margarita Pino quen sinalou os bos datos de participación que rexistran as actividades desta aula.

Salceda de Caselas ve máis cerca a construción dun novo centro de saúde para a vila, dado que a Xunta de Galicia desbloqueou o proceso de licitación para construír un novo centro sanitario na parcela cedida polo concello no ano 2011. Marcos Besada, alcalde de Salceda, deu conta ante os nosos micrófonos da reunión que mantivo co conselleiro de Sanidade, Jesús Vázquez Almuíña, onde acordaron dar os primeiros pasos neste ano 2016 para a asunción da parcela por parte da Xunta e tamén da redacción do proceso definitivo.

A Sala de Exposicións Municipal, na Área Panorámica de Tui, acollerá esta fin de semana a I Mostra da Camelia Cidade de Tui. A mostra está organizada por un grupo de tudenses amantes da camelia que convidan ao público a participar tanto coa presentación de flores coma acudindo á exposición na fin de semana. Participarán arredor de 60 expositores chegados de Galicia, Portugal e Asturias. Este sábado a primeira hora da mañá será montada a exposición por parte dos participantes. Ás 13h está prevista a inauguración oficial. Poderá visitarse o sábado de 16.30h a 20h e o domingo de 10 a 14h e de 16 a 19.30h.

O número de visitantes que accederon ó monte Santa Trega entre o 15 de febreiro e o 31 de decembro do 2015 foi de 180077 persoas, o que significa un incremento de 13029 persoas con respecto a temporada de 2014. O concelleiro de Patrimonio da Guarda, Javier Crespo, refírese así ás boas cifras de visitantes

Debido ás fortes chuvias rexistradas nestes días, os cauces dos ríos sufriron desbordamentos tanto en Tui como na súa contorna. O presidente da Confederación Hidrográfica Miño- Sil, Francisco Marín, apuntou que o río Miño, ó seu paso por Tui, está en nivel de activación polos asulagamentos, aínda que non descartou que suba a prealerta, polas precipitacións destes días.

Ata o mes de febreiro deste ano, a programación do Espazo Xove de Tui non dará comezo, debido a que aínda non se sabe o orzamento destinado a cada unha das actividades. Independente da programación, os servizos do Espazo Xove, como a aula de informática, a de xogos, a de música e a xestión de carnets continúan operativos.

Mónica Bugarín adiantou que en breves mudarán o teléfono do Espazo Xove, que pasará a ser o 886 110 797.

O alcalde de Tui, Enrique Cabaleiro, explicou hoxe na Radio Municipal de Tui que ten unha sensación agridoce tras a aprobación do orzamentos porque lle gustaría ter tido máis apoios dos que tiveron. A aprobación das contas permitirá tomar medidas coma a contratación de persoal. En marzo agardan levar a pleno o remanente de tesourería que se destinará a investimentos. Por outra banda anuncia que se pospón o cambio de sentido nas rúas de San Bartolomé ata humanizar a zona, e avanzou que coa apertura da rúa Ourense eliminarase o dobre sentido de circulación en Augusto Glez Besada e Avda. da Concordia. Deu conta tamén de melloras en parques infantís do municipio, entre outras cuestións.