Día a Día

O próximo martes, 29 de decembro, de 11h a 14h, celebrase no pavillón deportivo do IES San Paio de Tui, o I Torneo Exhibición de Bádminton, organizado polo Club Bádminton Tui, en colaboración coa Federación Galega de Bádminton e o Concello de Tui. No mesmo xogadores federados realizarán partidos de exhibición, poderán participar tamén tanto nenos/as como adultos interesados en coñecer este deporte sen pertencer ó club de Bádminton de Tui. Así nolo explicou Marisa Giráldez, coordinadora de Bádminton Tui.

Na Praza do Seixo en Tomiño está xa instalada unha carpa onde se celebran obradoiro infantís gratuítos este Nadal de 17 a 20h gratuítos. Tamén os domingo 27 e 3 de xaneiro haberá teatro infantil no Auditorio de Goián. O Mercado é outro dos eixos da actividade cultural deste Nadal coma nos explicou a alcaldesa, Sandra González. Tamén deu conta de que os Reis Magos chegarán de novo este ano ao Seixo logo do remate das obras na Praza

A música é a gran protagonista das actividades de Nadal en Tui organizadas polo Concello de Tui ao través da concellería de Cultura e da de Turismo. Este xoves, día de Noiteboa, amenizará as rúas de Tui a Rondalla de Pexegueiro, e nestas datas podemos viaxar en tren turístico pola Eurocidade. Amais este sábado, actuarán as pandereteiras Tambaluca e o grupo folclórico Inquedanzas. Pero tamén está previsto un pasarrúas da Rondalla. Do programa completo falábanos hoxe a concelleira de Cultura de Tui, María José González.

As actividades xa comezaron no Rosal co festival de nadal da Agrupación Musical do Rosal, con cantos e panxoliñas. Para este sábado hai dúas actividades, un espectáculo infantil e familiar, o Zampa Libros, no Auditorio ás 18h. Ese mesmo día, a Coral da Agrupación Musical do Rosal vai dar un concerto na Igrexa Parroquial ás 19h. Este domingo haberá un concerto de corais de Ecos do Folón. Charo Tabales é a concelleira de Cultura do Rosal.

Elena Baz, concelleira de Cultura da Guarda, destacou que a Axenda para estas datas é ampla e variada, destinada a todos os públicos. En canto ó teatro para adultos, haberá nestas datas 3 obras no Centro Cultural. Para os máis pequenos, haberá mañá cinema infantil ás 17.30h Los Boxtrolls; o 30 de decembro Laranxus ás 17.30h, o 4 de xaneiro ás 17.30h Big Hero 6 e diferentes obradoiros.

Mañá preséntase Receitas con Historia ás 20.30h no Auditorio de Salceda de Caselas. Trátase dun libro no que o seu autor, Alejandro Da Cuña, recompilou ao longo dos últimos dous anos e medio receitas tradicionais que se elaboraban nas casas de Tui e da contorna. Síndrome de Rett, e Síndrome deleción 1p36 son as asociacións ás que irán destinadas os fondos da venda deste libro.

O Espazo Xove de Tui finalmente non levará a cabo as actividades de xogo destinadas para os nenos no día de hoxe e mañá, debido a que non se cubriron as prazas dispoñibles. Como novidade, Mónica Bugarín explicou que os días 4 e 5 de xaneiro, o Espazo Xove só estará aberto en horario de mañá. Lembramos que o día 24 e 31 permanecerá pechado este centro xuvenil. O resto dos días, o Espazo Xove terá o seu horario habitual.

Relativo a outras citas, está aberta a convocatoria do Parlamento Xove ata o 10 de xaneiro, destinada a alumnado de 3º e 4º da ESO e de 1º e 2º bach Ademais, tamén se abre a trixésimo edición das bolsas da Fundación Barrié de posgrao no estranxeiro.

O Café Museu de Tui, recolleu máis de 1000 xoguetes na Campaña Solidaria que vén de organizar co gallo do Nadal. Ata mañá aínda se poden entregar xoguetes, e a cambio, o Café Museo regálanos un café. Para pechar a campaña, mañá farán unha festa na Rúa Ordóñez, de 16.00h a 19.30h, con inchables, espectáculo de danza aérea, monitoras realizando globoflexia e talleres de maquillaxe, Rematará a tarde coa entrega de xoguetes ó Concello de Tui.

A Banda de música e orquestra de corda do Conservatorio Profesional de Música de Tui ofrece un concerto ás oito desta tarde no Liceo Casino de Tui. Rubén López, director do Conservatorio e Eva Iglesias presidenta do Liceo Casino, nolo contaban esta mañá.

Mañá sábado celébrase o I Torneo de Xadrez da Eurocidade, organizado polos clubes de xadrez de Tui, en colaboración coa Eurocidade Tui-Valença e Xadrez Galego.

Este torneo comezará ás 11.00 horas españolas, na carpa instalada na praza da República de Valença, onde se xogarán as tres rondas matinais. Xa pola tarde, a partir das 16.00 horas españolas, na sala de exposicións da Área Panorámica en Tui, disputaranse catro rondas finais. O acto de clausura está previsto a partir das 20.00 horas españolas. Roberto Paramos, xerente de Xadrez Galego e organizador do trofeo.