A parroquia de Areas, en Tui, recupera a súa Festa da Zorza tras máis de 20 anos sen realizarse. Este domingo, a partir das 10.30 horas, o torreiro vello de Areas acollerá este festexo. Carlos Diz, tesoureiro da Comisión de Festas de Areas, organizadora do evento, deunos todos os detalles desta cita gastronómica.

O espectáculo para público familiar “Asdomare” pecha este domingo, ás 12.30 h, no Mercado de San Antonio a programación do 8M organizada polo Concello de Tui.

Sonsoles Penadique e Vero Rilo contarán unha historia que levará ao público a coñecer a realidade das mulleres do mar. Vero Rilo referíase hoxe, na nosa sintonía, á relación que estas historias teñen co Día internacional da Muller e de como os máis pequenos conectan con este espectáculo.

Carmen Blanco Sanjurjo presenta hoxe, ás 19.30 h, na Sala de Exposicións en Tui a súa primeira novela "Gorriones y halcones. El viento en la piedra". Na Radio Municipal de Tui explicaba que está ambientada no século XV no periodo anterior á gran Revolta Irmandiña. Hoxe na presentación contarase cos actores Tania Villamarín e José Blanco representanto á Condesa de Zúñiga e á Conde de Lemos, nun dos capítulos do libro. As persoas asistentes poderá además degustar un viño especiado elaborado cunha recita familiar de Carmen Blanco, que podería ser similar ao que tomaban os protagonistas da novela.

Xunto a Carmen Blanco esta tarde estará tamén Rafael Sánchez Bargiela, historiador e secretario do Instituto de Estudos Tudenses.

O grupo Old Bridge, formado por músicos de Tui e Valença, actuará este sábado, ás 22.30 horas, no Bar Liceum no Porriño. Interpretarán temas de blues, funky, reggae e rock&roll dende os anos 50' até a actualidade. Así nolo contaron hoxe Chus López e Jorge Lima, membros da banda, que destacaron a importancia de que os establecementos aposten por acoller actuacións musicais en directo.

A entrada para este concerto ten un prezo de 3 euros.

A música encherá de novo mañá dende ás 21 h o espazo sociocultural da rúa Camilo José Cela coa segunda Jam Session froito da colaboración entre o Concello de Tui e FB Produxion. A banda base volverá ser Red Duck Blues formada por Fiz Novoa, Mike Trompi, Juanmma Ons, Frans Banfield e Diego García, que interpretarán temas de soul, jazz, e funky, xunto a todos aqueles músicos e músicas que queiran sumarse. Así nolo contou hoxe Frans Banfield de FB Produxion.

Tamén dende o cine visibilízase e promociónase o patrimonio cultural inmaterial de Galicia e o Norte de Portugal. Testemuña disto é a cineasta tudense Diana Gonçalves, que dende os seus primeiros filmes apostou por visibilizar, dende unha perspectiva de xénero, a historia das trapicheiras e das mulleres da raia. Con ela compartimos hoxe espazo no 30 aniversario de Ponte... nas Ondas!.

O antropólogo Álvaro Campelo foi un dos ideólogos que no 1995 comezou a imaxinar Ponte... nas Ondas! Hoxe, no 30 aniversario deste proxecto, coñecemos con el como foron os comezos e a importancia de continuar promocionando o patrimonio cultural inmaterial na nenez e na mocidade.

Ponte... nas Ondas! leva trinta anos conectando os centros educativos e o alumnado coa radio e co impulso do patrimonio cultural inmaterial de Galicia e Portugal. Hoxe coñecemos o proxecto radiofónico e pedagóxico do IES Indalecio Pérez Tizón co profesor Alberte Valverde e dúas alumnas, Mara Argüelles e Micaela Passos.

No 30 aniversario de Ponte... nas Ondas!, facemos balance da súa historia e poñemos o foco no futuro co seu presidente, Santiago Veloso; e coa secretaria, Chus Álvarez.

Ponte... nas Ondas! comezou as súas emisións no ano 1995. Hoxe 26 de marzo o edificio da antiga alfándega de Valença acolleu un programa especial para celebrar estes 30 anos de historia, e dende a Radio Municipal de Tui sumámonos cun especial Día a Día.

Conversamos co alcalde de Tui, Enrique Cabaleiro; e co presidente da Cámara Municipal de Valença, José Manuel Carpinteira, sobre esta unión entre ambos países e sobre a creación do Centro do Patrimonio Cultural Inmaterial de Galicia e Norte de Portugal.