Viaxamos á Coruña, concretamente ao Kiosko Alfonso. Alí pódese visitar ata o 21 de xullo a exposición "Peteiro", unha ampla mostra da obra do pintor coruñés Jorge Peteiro que agrupa 94 pezas que permiten obter unha ampla panorámica do artista. Pedro Vasco é un dos comisarios da exposición.

Ademais, seguiremos ao cineasta pontevedrés Ángel Santos na rodaxe da súa terceira película, "Así chegou a noite".

O Festival Pórtico do Paraíso naceu hai xa 17 anos para encher un baleiro na vida musical de Ourense. Nesta nova edición contan con grandes artistas do panorama nacional e internacional da música clásica cun novo escenario: o castelo de Castro Caldelas. Juan Enrique Miguéns é o presidente da Asociación Pórtico Musical e director artístico do encontro.

Afonso Becerra vén falarnos da décima edición do Escenas do Cambio, un festival de teatro, danza e arte en acción que se celebra durante toda a fin de semana na Cidade da Cultura.

Marchamos a Tui, onde o festival Play-Doc celebra dúas décadas buscando novas estéticas e apostando pola experimentación audiovisual. A sección oficial inclué este ano 7 películas do cine máis recente, entre eles a fita póstuma de Jean Luc Godard, "Guerras de broma".

Moncho Lemos tráenos dúas estreas: o 'Garfield' de Mark Dindal e 'La casa', dirixida por Álex Montoya.

Entrevista con Margarita Ledo polo Día das Letras

Colaboración de Luis Miguel Crespo

A exposición "Lousas dun mesmo mundo", do artista compostelán Denís Estévez, inclúe un percorrido visual e poético por un total de 20 montaxes fotográficas en branco e negro. Creadas coa técnica da colaxe, convidan ao espectador a unha dobre lectura crítica, tanto das composicións amosadas coma do mundo no que vivimos.

Ademais, a nosa experta literaria Dolores Vilavedra tráenos unha obra de Xosé Luís Méndez Ferrín con escolma e introdución de Daniel Salgado: 'En Espiral'.

Conversamos coa cineasta Sonia Méndez sobre Luz Fandiño, falecida o pasado domingo. Referente do feminismo, muller loitadora, comunista, pobre e comprometida coas causas xustas e con Galicia.

Por outra banda, celebramos o Día Internacional da Danza recibindo a Jaime Pablo, coreógrafo e director de Nova Galega de Danza; e mais a Julia Laport, que fai danza urbana e contemporánea.

Ademais, Emilio Españadero avánzanos ao grupo que estará esta semana en Lume na Palleira: Brúa, que presentan o seu primeiro disco homónimo.

Visitamos a mostra "A táctica do colibrí" que, inspirada nos antigos gabinetes de curiosidades e galerías de pinturas, afonda no activismo educativo en defensa dos dereitos humanos. A través das experiencias de varios artistas contemporáneos, convida ao espectador a elixir o seu propio percorrido por corredores labirínticos. Falamos co seu director, Chema Mesías, e cun dos artistas participantes, David Catá.

Con Afonso Becerra coñecemos a peza 'Millo Vello', o debut da compañía de danza Ay, Cariño!, que nos propón reconectar coa terra e coa clase traballadora galega.

João Afonso - sobriño de Zeca Afonso - e Uxía Senlle promoven unha xira de concertos en conmemoración do 50 aniversario da Revolución dos Caraveis. Fan parada tamén en Galicia. En Santiago arredor de 1000 persoas están apuntadas para cantar o Grândola nas inmediacións do Burgo das Nacións.

Moncho Lemos tráenos dúas estreas: 'O especialista', con Ryan Gosling como protagonista; e 'Rivais', un trío de deportistas no que manda Zendaya.

Morreu a música punk? Hai futuro? Son preguntas que responde Julen, vocalista do grupo The Eskarallas. Cunha forte pegada do punk da vella escola de Eskorbuto, Cicatriz ou La Polla Records, esta banda vén de presentar o seu primeiro disco, que xa están xirando, e no que non falta a retranca, a irreverencia e a crítica social.

Con Luz Castro poñemos en primeiro plano os videoxogos, desta vez afondando naqueles que están inspirados en clásicos como Alicia no Pais das Marabillas, A Volta Ao Mundo ou Tintín.

Pese a cambiar as formas, os soportes ou os consumos, hai algo que non cambia nunca: a sensación de salto ao baleiro cando se comeza un libro ou de melancolia cando este remata. Polo Día do Libro mantemos o foco nestes elementos de valor incalculable pero a través dun fenómemo que nos últimos anos está a experimentar un notable crecemento: o dos "bookstagamers". Facémolo da man de dúas delas: Miguel García Fernández e Adela Touriñán.

Dolores Vilavedra tráenos un clásico de Marilar Aleixandre: 'Lobos nas illas'. Esta obra foi publicada por Xerais en 1996 e foi reeditada e traducida ao castelán por Galaxia en 2022.