“Agora” é o título do primeiro disco dunha nova formación chegada dende Teis: Sun Iou. O grupo mestura rock, música tradicional, punk e pop nun disco autoproducido e no que a amizade e o amor á música son o motor fundamental do proxecto.

A creación musical galega do presente, retratada nun libro ilustrado. ‘Galicia Musicalidade’, do divulgador radiofónico NoelTurbulencias, recolle algúns dos nomes máis relevantes da escena actual e rastrexa as súas raíces nos últimos sesenta anos.

Soco Vara de Rey explícanos as claves da súa exposición no Palacete das Mendoza de Pontevedra: "Color y vida".

As editorais Laiovento e Cuarto de inverno presentan as reedicións do ensaio 'O Don Hamlet de Cunqueiro: Unha ecuación teatral' e a novela 'As chaves do tempo'. Falamos da edición da obras de Luísa Villalta con Prudencio Viveiro e Andrea Jamardo.

Afonso Becerra tráenos un híbrido de festival, feira e festa: o Dansa València. Na súa 37ª edición este festival quixo estreitar lazos con Galicia cunha programación na que destaca Marcia Vázquez co seu 'Onde pousa a humanidade' ou Paula Quintas con 'Multiperspectivas#2'.

A programación do Teatro Rosalía Castro da Coruña mantén dende hai 22 anos unha atención continuada á danza. Falamos co director do Rosalía Castro, Paulo Rodríguez.

Moncho Lemos tráenos as estreas da semana: a secuela '+Cuñados', dirixida por Luis Avilés coa participación da TVG; e 'Civil War', do director Alex Garland.

Comeza en Braga o XIV Congreso da Asociación Internacional de Estudos Galegos co título Horizontes de Estudos Galegos e/na Lusofonía.

Luís Miguel Crespo dános as claves do programa da Real Filharmonía para esta semana: "A cor da memoria", dirixida por Baldur Brönnimann e Wu Wei ao sheng. Composta por "Ecos vermellos", "A cor amarela para sheng e orquestra" e "O paxaro de lume, suite (versión 1945)".

Comezan as Residencias Artísticas de Literatura e Pensamento e Música que organiza a Deputación da Coruña en Mariñán. Falamos de comisariados e proxectos con Roberto Abuín, Aitana Cuétara, Su Garrido Pombo e Carmen Marina Vidal Valiña.

Dolores Vilavedra tráenos unha experiencia agrícola para animar a calquera a través de 'A noite das cebolas', unha novela de Rosa Aneiros editada por Xerais.

'A cousa eterna' é o novo libro de poemas do escritor e narrador oral. Os movementos poéticos do diafragma nun libro publicado por Apiario editora.

Falamos do vindeiro concerto de Xosé Manuel Budiño no Teatro Principal de Ourense presentando o seu oitavo álbum: 'Branca vela'. Imos tamén ata Pontevedra, onde a finais de mes vai ter lugar a Aña Urbana na Praza do Concello, con grupos da Asociación Cultural Trépia e Comando Curuxás, entre outros. Ademais, escoitamos un anaco do último de Noites de Rock e Meigas: "Cando o Ebro Sona".

A Asociación Labra organiza en Compostela o Encontro que reúne aos profesionais da luthería galega. Falamos con Ana Fariña e Pablo Sánchez.

Con Afonso Becerra abordamos as dificultades dos artistas emerxentes para facerse un oco en modalidades marxinadas como a danza contemporánea. Facémolo a través da obra 'Nova Dança', coproducida e estreada polo Teatro Diogo Bernardes.

O Legado Berta Cáccamo doa ao Museo de Pontevedra o arquivo documental da artista. Cadernos, diarios, obxectos, correspondencia que se presentan na exposición que se inaugura no edificio Castelao. Falamos con Juan de Nieves e Xosé M Alvarez Cáccamo

Lembramos a figura do director Jaime de Armiñán, falecido esta semana. Por outra banda, afondamos na última película de Benito Zambrano: 'O Salto'.

“Tod@s abandonamos persoas e principios no camiño marcado para o éxito, para chegar”. O CDG estrea a obra central do seu 40 aniversario, Os actos e as profecías. Falamos con directora, Tamara Canosa e cunha das intérpretes, Mónica Camaño.

Luz Castro explícanos en que consisten as novelas visuais, un xénero de videoxogos de aventura conversacional. "Ti Primeiro" foi a primeira novela visual en galego, creada por Roberto Alvite e producida e publicada por Melgo Cinema.

Boloña convértese cada primavera en espazo de encontro para os distintos ámbitos profesionais implicados no mundo do libro infantil e xuvenil. A Asociación Galega de Editoras conta cun espazo propio dentro desta Feira Internacional do Libro Infantil e Xuvenil. Falamos co seu presidente, Henrique Alvarellos, co director de Kalandraka, Xosé Antonio Ballesteros, e con Fina Casalderrey, candidata Premio Astrid Lindgren.

Con Emilio Españadero repasamos o cartel do VII Festival Son Cervexeiro de Ortigueira, con nomes destacados como os Ailá ou Os Carecos.