Xose Antonio Touriñán continua xira por Galicia co seu monólogo 'Aquí tou!', no que realiza un percorrido polos momentos clave da súa vida, nunha mestura de realidade e ficción en clave cómica. Con el conversamos sobre o espectáculo, a súa traxectoria... e dános unha primicia sobre 'Somos criminais'!

Afonso Becerra tráenos un chisco de solidariedade co 'NOSO' d'Os Náufragos Teatro. Con texto e dirección de Gustavo del Río, trátase dunha obra que conxuga o posesivo do pobo, da comunidade e do territorio.

En colaboración coa Cinemateca Portuguesa, entre o 24 de abril e o 3 de mayo proxéctanse unha serie de documentais filmados nos días da revolución portuguesa.

Tamén se proxectan ficcións que retratan á xente nas rúas e as manifestacións, así como o proceso de reforma agraria.

Entrevista a Jaime Pena, responsable de programación.

María Villamarín e Óscar Senra fálannos do ciclo "A aldea desmedida", organizado Numax en Santiago e comisariado por Maos Innovación Social. O que pretende é precisamente botar unha pensada a esta cidade dende distintos puntos de vista e entender o lugar que habitamos.

Anton Bruckner centra os concertos desta semana da Orquestra Sinfónica de Galicia. Afondamos na vida do compositor austriaco con Luís Miguel Crespo.

A Organización Internacional do Libro Xuvenil marcou o 2 de abril - co gallo do nacemento de Hans Christian Andersen -como o Día do Libro Infantil. Un día para falar de contos, novelas, poesía ou teatro para a cativada. Facémolo con Monste Pena, profesora da USC e investigadora especializada en Literatura Infantil e Xuvenil; e David Cortizo, presidente de Galix. Con elas afondamos nas reivindacións do sector, nos datos, no ensino, na corrección de textos clásicos... e recomendan algunha lectura ben interesante!

Outra recomendación ben da man da nosa experta Dolores Vilavedra, que hoxe nos fai unha pequeña reseña de 'Ubasute', unha obra de Paula Carballeira editada por Galaxia.

Co gallo do “Día das Artes Galegas 2024” deu comezo na Coruña un ciclo composto por catro conferencias dedicado ao escultor Francisco Asorey, un dos renovadores da arte galega, cunha obra espallada por toda Galicia.

Nun mes moi especial para os nosos veciños portugueses Emilio Españadero tráenos as melodías e as voces de varios artistas do país luso: Espiral e "Pantagruel", Ana Moura e "Janela Escancarada", Luís Peixoto e "Please Take Care" e María Ana Bobone e "Barco negro".

A mostra “A inquietude creativa” percorre 50 anos do traballo do pintor lugués Joaquín García-Gesto. Unha exposición antolóxica que se pode ver na sede de AFundación en Lugo.

"Sobre" de Teatro Ensalle no comentario de artes escénicas de Afonso Becerra.

Nun 27 de marzo de 1984, coincidindo coa celebración do Día Mundial do Teatro, anunciábase a posta en marcha por parte da Xunta de Galicia dunha compañía teatro que tería por obxectivo contribuír á normalización e regularización da actividade teatral galega. Eduardo Alonso, Fran Nuñez, Xulio Lago e Tamara Canosa falan da historia e do presente do CDG.

Con Luz Castro falamos dos últimos traballos de dous estudos galegos. O incipiente Under Castle está a piques de sacar 'Xelatina ten fame' e o xa consolidado Madruga Works lanzou o pasado ano 'The Mobius Machine'.

'O Corno' con 7, 'Matria' con 5 con e 'Rapa' con 3 foron as gañadoras dos premios Mestre Mateo nunha das galas máis celebradas da historia dos galardóns que convoca a Academia Galega do Audiovisual. Conversamos coa directora de 'O Corno', Jaione Camborda, a actriz María Vázquez, protagonista de 'Matria' e Alfonso Blanco, director de Portocabo, productora de 'Rapa'.

Con Emilio Españadero falamos da banda sonora orixinal do documental 'Un guerrillero llamado Santiso' a cargo de Jorge Prada: "O camín do Carral". Tamén escoitamos "La Palmira" do grupo Carrión de Palencia e os "Ruliños" d'A Roda.

Os Premios María Casares de Teatro que outorga a Asociación de Actores e Actrices de Galicia entregáronse onte no Rosalía da Coruña. Nunha festa chea de música e de mar, a gran triunfadora foi 'Unha inimiga do pobo', de Talía Teatro. Falamos co seu director, Tito Asorey, e coa actriz protagonista premiada: Marta Lado. Ademais, conversamos tamén con Artur Trillo e Quico Cadaval, mellor dirección xunto con Tito, por 'O auto do Castromil'. Todo coa colaboración do noso experto Afonso Becerra.

Dj Mil vén de sacar “Osos & pandeiretas”, un EP formado por seis temas nos que as músicas que conforman as súas influencias empapan cada "beat". A través dunha sesión en directo, e posterior conversa, vainos amosar as claves da súa música.

Moncho Lemos tráenos as estreas da semana: 'Cazafantasmas: Imperio Helado', de Gil Kenan, e 'La familia Benetón', de Joaquín Mazón.