“Bela is ʼn aanval op ons siel!” – Dit was die eerste woorde aan president Ramaphosa tydens onderhandelinge oor die Bela-wet. Dié week se episode bied ʼn kykie agter die skerms van Dirk en Kallie se gesprek met die president, asook hoe die boek Sielstryd tot lewe gekom het. Volg die skakel om ʼn e-weergawe van die boek af te laai: https://soli.online/5nu

Ramaphosa pak sy sogenaamde ideale ooreenkoms in sy G7-tassie, maar Trump stuur hom leë hande terug. In dié week se episode bespreek Dirk en Jaco hul kommer oor die regering se ‘wag-en-sien’-benadering – eerder as daadwerklike optrede!

Dit is geen geheim dat daar meer ongelykheid as gelykheid in ons land is nie. Die Solidariteit Navorsingsinstituut (SNI) het ʼn skokkende verslag vrygestel wat bewys hoe SEB mense in werklikheid ontmagtig. Skakel in by hierdie week se episode saam met Dirk Hermann en Theuns du Buisson, wanneer hulle oor al hierdie ontnugterende bevindings gesels.

Die somme is gemaak, maar die antwoorde maak nie sin nie. Suid-Afrika se konsep van ras is absurd. Dirk Hermann en Connie Mulder bespreek Solidariteit se verslag oor die regering se rasregulasies. Kyk die week se episode om te hoor hoe jy in jou sektor vervang gaan word.

Beteken hierdie die einde van rassewetgewing in Suid-Afrika? Ons land is meer ongelyk as ooit tevore. Die vraag is nou, moet ons nóg 25 jaar wag vir ekonomiese groei? Hierdie week gesels Dirk met Connie Mulder oor hoekom die ANC nooit genoeg rasregulasies sal hê nie.

President Ramaphosa het gedink dat sy “sjarme” voldoende sou wees om die gesprek in die rigting van vennootskap, handel en die G20-beraad te stuur. Toe wys pres. Trump weereens dat slegs hy die agenda vir gesprekke in sy kantoor bepaal. Ramaphosa is gedwing om oor onderwerpe te praat wat hy liefs wou vermy, en is veroordeel omdat hy Malema se “Kill the Boer” toelaat. Solidariteit hou van eerlike dialoog, en sit dit ook in hierdie week se episode voort.

Is jy te wit om welkom te wees? In hierdie week se episode gesels Dirk met Willie Spies, direkteur van Hurter Spies, oor die 49 vlugtelinge wat in Amerika aangekom het en of hy saam met hulle gaan vlug. Is ons dalk te vinnig om hulle te oordeel? Verder vra Dirk vir Willie uit oor sy debat met Pieter du Toit en hoe hy werklik daaroor gevoel het. Klik hier om dié week se episode te kyk!

Dirk gesels met Jaco Kleynhans wat tans in Straatsburg by die Europese Parlement is, waar hy namens Solidariteit 'n memorandum oor rassewetgewing in Suid-Afrika ingedien het. Die werklikheid is dat die rassewette Suid-Afrika elke jaar duisende rande aan werksgeleenthede kos. Die werkloosheidsyfer het nie minder geword as gevolg van rassewetgewing nie; dit het baie meer geword. Daarom moet internasionale rolspelers standpunt begin inneem.

Die hele wêreld skarrel rond oor die VSA, behalwe die Suid-Afrikaanse regering. Volgens die regering het Afrikaners waninligting in die VSA gaan versprei, en nou wil hulle ’n Afrikaner as ambassadeur in die VSA aanwys, maar gaan dit 'n kader-Afrikaner op 'n siek perd wees?

Die regering maak rassisme weer wet! In hierdie week se episode gesels Dirk met Anton van der Bijl oor hoe die regering doelbewus bepalings in hul ooreenkoms verander het en hoe die president hom aan minagting van die hof skuldig maak. Hulle bespreek ook die doel van ʼn Suid-Afrikaanse oplossing vir ʼn Suid-Afrikaanse probleem as die regering nie daarby gaan hou nie. Klik hier om dié week se episode te kyk!