In vandag se episode gesels Dirk met Connie Mulder oor Bidvest se rassisme, wat as regstelling vermom word. Die beursprogram se bestaan kom nou eers aan die lig, maar is in werklikheid al vir 22 jaar in werking – en Bidvest is trots daarop. Kyk hier om uit te vind hoe president Cyril die begin en einde van die rasmalheid is.

Die 30%-tariewe wat die VSA op Suid-Afrikaanse uitvoerprodukte wil hef, kan ʼn verwoestende uitwerking op ons land hê. Die ironie is dat die kwessie met ʼn politieke skikking opgelos kan word – wat die VSA graag wíl toestaan. Die bal is nou in president Ramaphosa se hande; wat gaan hy daarmee doen? Hierdie is nie ʼn onoplosbare probleem nie, maar die regering het ons gefaal. Kyk hierdie week se episode, waar Dirk met Jaco Kleynhans gesels oor die moontlikhede – en wat Solidariteit gaan doen om hierdie situasie te probeer ontlont.

Die digitale platform wat Solidariteit in 2023 geskep het werk só goed dat selfs regeringsdepartemente daarvan gebruikmaak! In hierdie week se episode gesels Dirk met Hennie Bierman oor die opwindende nuwe funksionaliteit wat binne die volgende paar maande op Solidariteit beskikbaar gaan wees.

“Bela is ʼn aanval op ons siel!” – Dit was die eerste woorde aan president Ramaphosa tydens onderhandelinge oor die Bela-wet. Dié week se episode bied ʼn kykie agter die skerms van Dirk en Kallie se gesprek met die president, asook hoe die boek Sielstryd tot lewe gekom het. Volg die skakel om ʼn e-weergawe van die boek af te laai: https://soli.online/5nu

Ramaphosa pak sy sogenaamde ideale ooreenkoms in sy G7-tassie, maar Trump stuur hom leë hande terug. In dié week se episode bespreek Dirk en Jaco hul kommer oor die regering se ‘wag-en-sien’-benadering – eerder as daadwerklike optrede!

Dit is geen geheim dat daar meer ongelykheid as gelykheid in ons land is nie. Die Solidariteit Navorsingsinstituut (SNI) het ʼn skokkende verslag vrygestel wat bewys hoe SEB mense in werklikheid ontmagtig. Skakel in by hierdie week se episode saam met Dirk Hermann en Theuns du Buisson, wanneer hulle oor al hierdie ontnugterende bevindings gesels.

Die somme is gemaak, maar die antwoorde maak nie sin nie. Suid-Afrika se konsep van ras is absurd. Dirk Hermann en Connie Mulder bespreek Solidariteit se verslag oor die regering se rasregulasies. Kyk die week se episode om te hoor hoe jy in jou sektor vervang gaan word.

Beteken hierdie die einde van rassewetgewing in Suid-Afrika? Ons land is meer ongelyk as ooit tevore. Die vraag is nou, moet ons nóg 25 jaar wag vir ekonomiese groei? Hierdie week gesels Dirk met Connie Mulder oor hoekom die ANC nooit genoeg rasregulasies sal hê nie.

President Ramaphosa het gedink dat sy “sjarme” voldoende sou wees om die gesprek in die rigting van vennootskap, handel en die G20-beraad te stuur. Toe wys pres. Trump weereens dat slegs hy die agenda vir gesprekke in sy kantoor bepaal. Ramaphosa is gedwing om oor onderwerpe te praat wat hy liefs wou vermy, en is veroordeel omdat hy Malema se “Kill the Boer” toelaat. Solidariteit hou van eerlike dialoog, en sit dit ook in hierdie week se episode voort.

Is jy te wit om welkom te wees? In hierdie week se episode gesels Dirk met Willie Spies, direkteur van Hurter Spies, oor die 49 vlugtelinge wat in Amerika aangekom het en of hy saam met hulle gaan vlug. Is ons dalk te vinnig om hulle te oordeel? Verder vra Dirk vir Willie uit oor sy debat met Pieter du Toit en hoe hy werklik daaroor gevoel het. Klik hier om dié week se episode te kyk!