Jou gesondheid is goud werd, en die gevolge kan ernstig wees wanneer dit verswak. Die staat probeer reeds jare lank om jou gesondheidsorg te sentraliseer deur die Wet op Nasionale Gesondheidsversekering (NGV) in werkingte stel. Die werklikheid is egter dat jy waarskynlik meer vir die NGV sal betaal as wat jy tans vir ʼn privaat mediese fonds betaal.

Dirk gesels in hierdie week se episode van Die SolidariteitWêreld met Theuns du Buisson oor waar ons tans staan in die stryd teen die NGV, asook oor die werkbare alternatief wat ons voorstel.

[0:00] Wat is die NGV en is dit op ys?

[2:13] Huidige uitdagings met die openbare gesondheidstelsel.

[4:00] Die implikasies van die instelling van die NGV.

[6:12] Hoe gaan gesondheidsorg lyk indien die NGV ingestel word?

[8:30] Regsaksies teen die NGV.

[11:38] Die sertifikaat van behoefte en gesondheidswerkers se uitdagings met die NGV.

[13:40] Solidariteit se werkbare alternatief vir die NGV.

[16:55] Gevolgtrekking en die pad vorentoe.

Mense vra: “Gaan daar ʼn Derde Wêreldoorlog wees?” In hierdie week se episode gesels Dirk met Jaco Kleynhans oor die moontlikheid van ʼn oorlog wat kan uitbreek. Is lande besig om voorbereiding te tref en is Suid-Afrika gereed daarvoor? Suid-Afrika gaan waarskynlik nie die G20 bywoon nie, wat ʼn groot gaping vir onderhandeling laat. Kom luister na dié week se insiggewende gesprek op Die Solidariteit Wêreld.

Skoenmaker (of is dit eerder hoofstroommedia), hou jou by jou lees! Oor die jare heen het Solidariteit allerlei nuus oor ons doen en late, en dit wat in ons gemeenskap gebeur op verskillende maniere verpak. Maar soos wat ons gemeenskap se behoefte om nuus in te neem verander, moet ons manier van nuus deel ook verander. Dirk gesels in hierdie episode met Pieter Jordaan oor hoe ons ons eie nuus- en mediageleenthede skep, en hoekom ons die nuus wat ons lewer meer geloofwaardig beskou word as dié van die hoofstroommedia. Kyk hierdie week se episode en gesels saam in die kommentare.

[0:00] Inleiding oor alternatiewe media[1:00] Die skuif van tradisionele media na alternatiewe media.[3:00] Solidariteit se mediastrategie en die platforms wat gebruik word.[6:50] Die sukses van 'n Solidariteit-podsending.[9:17] Die balans tussen voorspraak en geloofwaardigheid[13:35] Toekomstige mediaplanne en betrokkenheid[16:03] Gemeenskapsmedia, vir die gemeenskap

Die afgelope tyd moes 13 mediahuise verskoning vra vir waninligting wat oor Solidariteit en AfriForum gepubliseer is. In hierdie week se episode gesels Dirk Hermann met Susan Lombaard, uitvoerende hoof van Maroela Media, oor die stand van media in Suid-Afrika. Wie kan jy vertrou as waninligting versprei word? Niemand wil hê dat ʼn mediahuis namens hulle moet dink nie, maar mense soek steeds ʼn bron waar hul betroubare inligting kan kry. Is alternatiewe media die oplossing? Luister en gesels saam in hierdie week se episode van Die Solidariteit Wêreld.

Wat ʼn jaar! Soos wat ons aan die begin van 2026 staan, kyk ons eers bietjie terug na die jaar wat was – met Donald Trump as president. Wat is sy groot plan? In hierdie week se episode gesels Dirk Hermann met Jaco Kleynhans oor hoe Suid-Afrika in die groter Trump-prentjie inpas, en watter foute moontlik gemaak is. Het president Trump die rekkie té vêr getrek? Kom gesels saam in hierdie week se episode van Die Solidariteit Wêreld.

Elkeen wat wíl werk, moet kán werk! In hierdie week se episode van Solidariteit Wêreld gesels Dirk oor die krag van eendrag. Solidariteit-lede help ons jaarliks om groot projekte te bou, en 2026 is geen uitsondering nie. Julle veg, bou en beskerm sáám met ons. Kyk hierdie week se episode op enige van Solidariteit se sosialemediaplatforms.

Dankie, dankie, duisend maal dankie! Van verskeie afsprake oorsee tot ʼn wêreldbekende banier – 2025 het weereens gewys dat verandering die enigste sekerheid is. Ons moes aanpas by die ekonomie, die regering se besluite en steeds stap ons as ʼn gemeenskap sterker uit aan die ander kant! Solidariteit wil dankie sê vir al die lede wat saam met ons gestaan het hierdie jaar. Wat was jou hoogtepunt gewees?

Vroeër die week het Max du Preez ʼn plasing op X gemaak waar hy wou weet of hy deur ʼn woedende swart mob aangeval sou word as hy ʼn winkel besoek om ʼn ciabatta te gaan koop. Hierdie plasing word deur Dirk Hermann as uiters onsensitief beskou. Hy rig in hierdie week se episode van die Solidariteit Wêreld ʼn antwoord aan Max. Wat sou jy vir Max gesê het?

In hierdie week se episode van die Solidariteit Wêreld voer Dirk Hermann, ʼn bankgesprek met Francois van Vuuren, Henk Schalekamp en Marthinus Visser oor die grootste Afrikaner-bouprojek in die geskiedenis – buite die staat! Francois vertel meer oor die proses wat agter die skerms afgespeel het om die perfekte grond te kry. Henk gee ʼn blik op die finansies en Marthinus vertel meer oor nuwe kursusse wat wag op studente by die splinternuwe kampus. Kyk saam en vertel ons waarna jy die meeste uitsien op dié nuwe kampus.

Tydens vanjaar se G20-beraad is daar ʼn merkbare afwesigheidvan verskeie wêreldleiers – die grootste sedert die beraad in 2008. Waarom wilhierdie leiers nie met Suid-Afrika geassosieer word nie? Dit is geensins redetot vreugde nie, maar wel ʼn duidelike teken van ʼn verlore diplomatiekegeleentheid vir ons land.

In hierdie week se episode gesels Dirk en Jaco Kleynhans oordie G20-ontwikkelings, en ook oor daardie omstrede oranje banier.