အပြောင်းအလဲ ဖြစ်ချင်ရင် ကြီးကြီးမားမား လုပ်ပြစရာမလိုဘူး။ ကိုယ့်ရဲ့ နေ့စဉ်ရွေးချယ်မှုတွေက ကိုယ်ရောက်မယ့် ပန်းတိုင်ကိုဆုံးဖြတ်ပေးသွားလိမ့်မယ်။ မနက်ဖြန်မှာ မသာယာနဲ့။ ဆိုလိုချင်တာကတော့ ဒီနေ့လုပ်နိုင်တဲ့အလုပ်ကို မနက်ဖြန် ဘယ်တော့မှ မရွှေ့နဲ့။ တစ်ရက်‌ နောက်ဆုတ်ရင် ရည်မှန်းချက်တွေဆီက တစ်ရက် နောက်ကျတတ်တယ်။ လုပ်စရာရှိတာ နိုင်အောင် လုပ်ပြီး နောက်တစ်နေ့ကို ဆက်သွားဖို့ပဲလိုတယ်။   တိုးတက်မှုရဲ့နောက်မှာ ပေးဆပ်မှုတွေရှိတယ်။ ဒါတွေကသွေးနဲ့ ချွေးတွေဖြစ်မယ်၊ ကိုယ့်ဘဝရဲ့ နာရီပေါင်းများစွာ ဖြစ်မယ်။ တိုးတက်မှုတိုင်းကဈေးမပေါဘူး။ အမြဲထင်ထားတာထက် ပိုပေးရတယ်။ အနိုင်ရချင်ရင် တုံးတိုက်တိုက်ကျားကိုက်ကိုက် ဖြစ်အောင်လုပ်မယ်ဆိုတဲ့ စိတ်ဓာတ်မွေးဖို့လိုတယ်။                                                                                                                       

လူတစ်ယောက်ကို ချစ်နေရင်းနဲ့ ဖြတ်သန်းရတဲ့ နေ့ရက်တွေကပိုပြီး အဓိပ္ပာယ် ရှိလာတတ်တယ်။ တစ်စုံတစ်ယောက်ကို ချစ်ရင်းနဲ့ ကိုယ်ဟာ ပိုပြီး လိမ္မာလာတာမျိုး၊ဘ၀ကို ပိုပြီးကြိုးစားချင်လာတာမျိုး၊ ကိုယ့်ကိုယ်ကိုယ် ပိုပြီးကောင်းမွန်တဲ့လူတစ်ယောက် ဖြစ်ချင် လာမျိုးပေါ့။ ချစ်ခြင်းမေတ္တာတွေ စစ်မှန်တဲ့အခါ ဘဝတွေကိုပြောင်းလဲစေနိုင်တဲ့အထိ အင်အားကြီးမားပါတယ်။      ချစ်သူရည်းစားပဲ ဖြစ်ဖြစ်၊ အိမ်ထောင်တစ်ခုပဲ ဖြစ်ဖြစ် သူစိမ်းနှစ်ယောက် ချစ်ကြိုက်၊ ပေါင်းသင်းကြရတာမိုလို့ညှိနှိုင်း ယူကြရတာ တွေ အများကြီး ရှိပါတယ်။ လူနှစ်ယောက် ချစ်ကြိုက်ကြတယ် ဆိုတာကပါးစပ်ကနေ ချစ်တဲ့ အကြောင်းတွေပဲ ထိုင်ပြောလို့ မပြီးပါ ဘူး။ ဘ၀တစ်ခုကိုရည်ရွယ်ပြီး အတည်တကျ တွဲကြတဲ့အခါ ချစ်တယ်ဆိုတဲ့ စကားလုံးထက် ပိုတဲ့ ခေါင်းစဥ်တွေပိုလာပါတယ်။                                                                                                                                                      

ကိုယ့်ကိုယ်ကိုယ် ယုံကြည်မှု ရှိပါသလား။ယုံကြည်မှုလို့ ပြောလိုက်ရင် အရိုးရှင်းဆုံး အဓိပ္ပာယ်ဖွင့်ဆိုချက်ကတော့တစ်စုံတစ်ခု ကို ယုံကြည်တဲ့ ခံစားချက် ဖြစ်ပါတယ်။ ကိုယ့်ကိုယ်ယုံကြည်ချက်ရှိခြင်းဆိုတာကတော့ ကိုယ်ကိုယ်တိုင်နဲ့ ကိုယ့် အရည်အချင်း ဒါမှ မဟုတ်အသိပညာကိုယုံကြည်စိတ်ချတယ်ဆိုတဲ့သဘောပါပဲ။ ဘဝတိုးတက်အောင်မြင်ဖို့ဆိုရင်ကိုယ့်ကိုယ့်ကိုယ် ယုံကြည်မှုက မရှိမဖြစ်လိုအပ်ပါတယ်။   ကိုယ့်ကိုယ်ကိုယ် ယုံကြည်မှုရှိသူတွေဟာ များသောအားဖြင့် သူတို့ဘဝရဲ့ကိုယ်ပိုင်ဘဝနဲ့ ပရော်ဖက်ရှင်နယ် ရည်မှန်းချက်တွေ ကိုအောင်မြင်အောင်စွန့်စားနိုင်စွမ်းရှိကြပြီး သူတို့ရဲ့အနာဂတ်အတွက်အကောင်းမြင်စိတ်နဲ့ လျှောက်လမ်းကြပါတယ်။ ကိုယ့်ကိုကိုယ်  ယုံကြည်မှု ကင်းမဲ့သူတွေကတော့ သူတို့ရဲ့ ဘဝကိုအောင်မြင်နိုင်စွမ်းမရှိဘူး မလုပ်နိုင်ဘူးဆိုတဲ့ ခံစားချက်တွေရှိကြပြီး အပျက် သဘောဆောင်တဲ့အတွေးအမြင်များ ရှိကြပါတယ်။ ကိုယ့်ကိုယ်ကိုယ်ယုံကြည်မှု (Self Confidence) ဟာ ဘဝကို တိုးတက် အောင် မြင်စေဖို့ သော့ချက်တစ်ခု ဖြစ်ပြီးကိုယ့်ကိုယ်ကိုယ် ယုံကြည်မှု အားနည်းနေတယ်ဆိုလည်း ပြန်လည် တည်ဆောက်မြှင့်တင်လို့ရပါတယ်။  

တကယ်လို့ ကျွန်တော်တို့ရဲ့ ဦးနှောက်ကသာ အိမ်အကြီးကြီးတစ်လုံး ဖြစ်မယ်ဆိုရင်ဆိုပြီး တွေးမိဖူးပါသလား။ အဲလိုတွေးမိခဲ့ ရင် အဲဒီအိမ်အကြီးကြီးထဲမှာ ဘာတွေကို ဖြည့်သွင်းထားရမယ်လို့ ထင်ပါသလဲ။ တကယ်တော့ ကျွန်တော်တို့ရဲ့ ဦးနှောက်စာ လှပပြီး သန့်ရှင်းသပ်ရပ်တဲ့ အိမ်တစ်လုံးအနေနဲ့ မဟုတ်ဘဲ အချိန်တိုင်း ထပ်ခါထပ်ခါ ပြင်ဆင်မှုတွေ ပြုလုပ်နေရတဲ့ အိမ်အို ဟောင်းကြီး တစ်ခုလိုဖြစ်နေပါလိမ့်မယ်။ဒီအိမ်ကြီးလိုပဲ ကျွန်တော်တို့ရဲ့ ဦးနှောက်ထဲမှာအချက်အလက်တွေ အပြည့်နဲ့ ရှုပ်ပွ နေပါတယ်။ မှတ်သားထားခဲ့တဲ့ မှတ်ဉာဏ်တွေ၊ ချမှတ်ခဲ့တဲ့ အစီအစဉ်တွေ၊ စိတ်ကူးတွေ အစရှိတဲ့ အရာတွေနဲ့ ပြည့်နေပါတယ်။ နောက်ပြီးဒီအချက်အလက်တွေ အကုန်လုံးက သေချာ အစီအစဥ်တကျ ရှိနေတာမျိုး မဟုတ်ပါဘူး။     ဦးနှောက်က သူ့ထဲကို ဝင်လာသမျှ အချက်အလက်တွေ အကုန်လုံးကို အဆင်ပြေသလို မှတ်သားယူလိုက်ပါတယ်။ ရှုပ်ထွေးတဲ့ လုပ်ဆောင်မှုစနစ်တွေနဲ့ အရေးကြီး ဦးစားပေးသင့်တဲ့ အရာတွေ၊ သိုလှောင်ထားရမယ့် အရာတွေ၊ ပြန်လည် ထုတ်သုံးရမယ့်အချက်အလက်တွေဆိုပြီး ခွဲခြမ်းလုပ်ဆောင်လေ့ ရှိပါတယ်။ တစ်ခါတစ်လေမှာ ဒီလိုစနစ်နဲ့အလုပ်လုပ်ဆောင်နေရာကနေ ပုံမှန်မဟုတ်ဘဲ ရှုပ်ရှုပ်ထွေးထွေး ဖြစ်သွားတာမျိုးတွေလည်းရှိတတ်ပါတယ်။ ကိုယ်က စိတ်ချလက်ချ ယုံကြည်ထားလို့ မရပါဘူး။ ဥပမာ – ကိုယ့်ရဲ့သော့ကို ဘယ်နေရာမှာ ထားမိမှန်း မသိဘဲ မေ့နေတာမျိုးတွေ၊ လူကြားထဲမှာ စကားပြောနေရင်းတန်းလန်း ဘာဆက်ပြောရမလဲ မသိတော့တာမျိုးတွေ၊ ကိုယ်ပြောနေတဲ့ အကြောင်းအရာတွေကို မေ့လျော့သွားတာမျိုးတွေ၊အလုပ်တစ်ခု လုပ်ဆောင်တဲ့အခါ အလုပ်ပြီးမြောက်မှု နည်းနေတာမျိုးတွေ ဖြစ်လေ့ရှိပါတယ်။

ကိုယ်ရည်ကိုယ်သွေးကို ဆုံးဖြတ်ပေးတဲ့ အဓိကလက္ခဏာကြီး၅ ခုရှိပါတယ်တဲ့။ အဲဒီPersonality Test တွေကလူတစ်ယောက် ရဲ့ ကိုယ်ရည်ကိုယ်သွေးကို အတိုင်းအတာ တစ်ခုအထိဖော်ပြပေးနိုင်တဲ့အတွက်ကိုယ့်ကိုယ်ကိုယ်တိုးတက်စေဖို့ အထောက်အကူပြုနိုင် ပါတယ်။

Personality Test မှာ အဆုံးအဖြတ်ပေးတဲ့ အဓိကလက္ခဏာတစ်ခုက Conscientiousnessလို့ခေါ်တဲ့ အသိဉာဏ်ရှိရှိ လုပ် ဆောင် တတ်တဲ့ တာဝန်သိစိတ်ဖြစ်ပါတယ်။ အရာရာကို စနစ်တကျ လုပ်ဆောင်တတ်ပြီး ဆုံးဖြတ်ချက်ပြတ်သားတဲ့ ပန်းတိုင် ကိုရောက် အောင် လုပ်နိုင်တဲ့ စွမ်းရည် ဖြစ်ပါတယ်။ တာဝန်သိစိတ် မြင့်မားတဲ့လူတွေကအတန်းပညာနဲ့ အသက်မွေး ဝမ်းကျောင်းဆိုင်ရာ တွေမှာ အောင်မြင်တတ်ကြပါတယ်။                                                                                                                   

ကိုယ့်ကိုယ်ကိုယ် ဆင်းရဲတယ်လို့ ထင်ပါသလား။ ပုံမှန်ဝင်ငွေတစ်ခုရှိပြီးလူတန်းစေ့နေနိုင်တာနဲ့ ကိုယ့်ကိုကိုယ် မဆင်းရဲဘူးလို့ ထင်ကောင်းထင်နေနိုင်ပါတယ်။ ကိုယ့်ရဲ့ဝင်ငွေ ဘယ်လောက်ပဲရှိရှိ၊ လက်ရှိပိုင်ဆိုင်မှု ဘယ်လောက်ပဲများများ၊ လက်ရှိဘဝ နေထိုင်မှုပုံစံနဲ့ အချိန်သုံးလလောက် ဘာမှမလုပ်ပဲ ရှင်သန်ရပ်တည်နေနိုင်လား။ ကိုယ့်ကိုယ်ကိုယ်ပြန်မေးကြည့်ပါ။ အဖြေက မဖြစ်နိုင်ဘူး ဆိုရင် ကိုယ်တိုင်တောင်မသိပဲ ဆင်းရဲနေတာပဲဖြစ်ပါတယ်။  လက်ရှိဝင်ငွေ မရှိတော့တာနဲ့ နောက်သုံးလထက်ပိုပြီး မရပ်တည်နိုင်ဘူးဆိုရင်ကိုယ်ဟာဆင်းရဲနေတဲ့လူတစ်ယောက်လို့ သတ်မှတ် လို့ရပါတယ်။ အခုလက်ရှိဝင်ငွေရနေတဲ့အလုပ်အကိုင်၊ လုပ်ငန်းတစ်ခုခုကိုဆုံးရုံးလိုက်ရမယ်ဆိုရင်နောက်ထပ်အချိန်သုံးလလောက်အခြေမပျက်ဆက်နေနိုင်မလားဆိုတာ ကိုယ့်ဘာသာပြန်မေးကြည့်ပါ။ အဖြေကမဖြစ်နိုင်ဘူးဆိုရင် ဆင်းရဲသားလို့သာ မှတ်ထား လိုက်ပါတော့။

သူစိမ်းတစ်ယောက်နဲ့မိတ်ဆွေဖွဲ့ပါ၊ စကားစမြည်ပြောပါ။ သူစိမ်းတစ်ယောက်နှင့်စကားစမြည်ပြောခြင်းကနှစ်ဦးစလုံးအနေနဲ့အကြောက် တရားဇုန်ထဲသို့ ဝင်ရောက်ပြီး သင်ယူမှုဇုန်တွင် ရောက်နေပါပြီ။ ပုဂ္ဂိုလ်ရေးချိတ်ဆက်မှုဖြစ်စေတာဒါမှမဟုတ် အသစ် အဆန်းတစ်ခုကို သင်ယူ ရရှိနိုင်ပါတယ်။ ကိုယ့်ကိုယ် ကို ယုံကြည်မှုလည်းတိုးတတ်လာစေပါတယ်။သေးငယ်တဲ့ အလုပ်ကနေ စတင်တတ်လှမ်းပါ။ လုပ်ရိုးလုပ်စဉ်ကို အနည်းငယ်ပြောင်းလဲဖို့ လိုပါတယ်။ သေးငယ်သော ဒါမှမဟုတ် အောင်မြင်နိုင်ခြေ ရှိတဲ့ အလုပ် ကနေစတင်ပြီး ပြီးမြောက်အောင်လုပ်ပါ။ တစ်နည်းအားဖြင့် ပိုမိုသိသာထင်ရှားတဲ့  ခြားနားချက်တစ်ခုကို ဖန်တီးပြီး Comfort Zone ကနေ ရုန်းထွက်နိုင်ဖို့လုပ်ဆောင်နိုင် တဲ့  သေးငယ်သော အရာတစ်ခုကိုရှာဖွေလုပ်လိုက်ပါ။ ထိုမှ တစ်ဆင့် ပိုမို ကြီးမားသော အောင်မြင်မှုများဆီသို့ တတ်လှမ်းနိုင်ပါတယ်။ ကျွမ်းကျင်မှု အသစ်တစ်ခုကို ကြိုးစားပါ။ အသစ်အဆန်းတစ်ခုခုကိုစမ်းကြည့်ခြင်းဖြင့် သင်ယူမှုဇုန်ထဲသို့ ဝင်ရောက်နိုင်ပါ တယ်။ ကယုံကြည်မှုနှင့်ပုဂ္ဂိုလ်ရေးတိုးတက်မှုကို တည်ဆောက်ဖို့  ဘယ်လို လုပ်ဆောင်ချက်ကိုကြိုးစားမလဲ ဆိုတာ ရှိရင်း အရည်အချင်းများထဲမှ တစ်ခုကို စမ်းကြည့်ပါ။ Comfort Zone ထဲက ရုန်းထွက်နိုင်ဖို့ ကျင့်သုံးသင့်တဲ့ နည်းလမ်း ကောင်းတွေထဲကသင့်တော်မယ့် နည်းလမ်းတွေကို သုံးပြီး Comfort zone ထဲကနေ Growth zone ကို ရုန်းထွက်လိုက်ပါ။                                                                                                                                         

လူသားတွေဟာ တစ်ဦးနဲ့တစ်ဦး အပြန်အလှန်ဂရုစိုက်ချစ်ခင်မှုကို အခြားအရာတွေထက် ပိုမိုလိုလားကြပါတယ်။ချစ်ခင်ဂရုစိုက် ခံရတဲ့ ခံစားချက်ဟာ လူတစ်ယောက်အတွက် ဘာနဲ့မှ အဖိုးဖြတ်လို့မရအောင်တန်ဖိုးရှိတဲ့ ခံစားချက်ပါပဲ။ လူအများစုက သူတို့ ပတ်ဝန်းကျင်က အခြားသူတွေကိုချစ်ခင်ဂရုစိုက်ကြပေမယ့် မြင်သာအောင် မပြသတတ်ကြပါဘူး။ ကိုယ်တိုင်ရော ချစ်ရတဲ့သူ တွေကိုဂရုစိုက်ကြောင်း ဖော်ပြဖို့ အခက်တွေနေပါသလား။                                                                                                        ကိစ္စတွေ များမြောင်လှတဲ့ လောကကြီးထဲမှာ အချိန်ဟာ ပေးနိုင်တဲ့အရာတွေထဲကတန်ဖိုး အရှိဆုံးနဲ့ အလှပဆုံးအရာတစ်ခုလို့ ဆိုနိုင်ပါတယ်။ ကိုယ့်အတွက် အလေးထားပြီးလိုအပ်သူတွေကို အချိန်ပေးပါ၊ အတူတူ စားသောက်ဖို့ ဖိတ်ခေါ်တာ၊ အပြင်သွား တာ၊နောက်ဆုံး ကော်ဖီတစ်ခွက်လောက် အတူသောက်ပေးတာကိုက ဂရုစိုက်မှု ကိုဖော်ပြလိုက်တာပါပဲ။ ချစ်တဲ့သူတွေကို လက်ဆောင် ဝယ်ပေးပါ။ လက်ဆောင်တွေဟာချစ်ခြင်းရဲ့သင်္ကေတာအဖြစ် သတ်မှတ်ကြပါတယ်။ လက်ဆောင်ပေးခြင်းဟာ ချစ်ရတဲ့သူကို ဘယ်လောက်ထိဂရုစိုက်ကြောင်း ဖော်ပြဖို့ အကောင်းဆုံးနည်းလမ်းတစ်ခုပါပဲ။ အမြဲတမ်းတန်ဖိုးကြီး လက်ဆောင်တွေပေးဖို့ကို မဆိုလိုပါဘူး။ ကိုယ့်ရဲ့ ချစ်ခင်ကြင်နာမှုနဲ့ ဂရုစိုက်မှုကိုဖော်ပြနိုင်တဲ့အရာဖြစ်ဖို့ပဲလိုပါတယ်။                                                               

ကိုယ့်မှာရှိတဲ့ မကောင်းတဲ့အမူအကျင့်တွေကိုသိပါသလား။ ကိုယ့်ရဲ့ ကိုယ်ရည်ကိုယ်သွေးကို ပြောင်းလဲနိုင်မယ်လို့ ထင်ပါ သလား။ကောင်းမွန်တဲ့ အမူအကျင့်ကောင်းတွေ ပိုင်ဆိုင်ချင်ပါသလား။ လူတစ်ယောက်ရဲ့အမူအကျင့်တွေဆိုတာဟာ နှစ်ပေါင်းများစွာ အချိန်ယူဖြစ်တည်လာတဲ့အရာတွေဖြစ်ပါတယ်။တစ်မျိုးအမူအကျင့်တွေက လူကောင်းတစ်ယောက် ဖြစ်စေနိုင်ပြီး တစ်ချို့တွေက တော့မကောင်းတဲ့လူတစ်ယောက်လို ဖြစ်လာစေနိုင်ပါတယ်။ အဆိုးမြင်စိတ်များတယ်ဆိုတာ ဘယ်ကိစ္စကိုပဲဖြစ်ဖြစ် မကောင်းတာတွေ၊ အဆိုးတွေပဲမြင်တတ်တာကို ဆိုလိုပါတယ်။ ကိုယ့် အနေနဲ့အဆိုးမြင်စိတ်များသူတစ်ယောက်မဖြစ်ချင်ဘူးဆိုရင် အရာရာတိုင်းကို အကောင်းဖက်နေအပြုသဘောဆောင်ပြီး မြင်တတ် အောင် လေ့ကျင့်သင့်ပါတယ်။ သင့်ပတ်ဝန်းကျင်မှာထိတွေ့ဆက်ဆံနေရသူတွေကလည်း အကောင်းမြင်စိတ်များသူ တွေ ဖြစ်နေဖို့ လိုပါတယ်။အကောင်းမြင်စိတ်မွေးပါ။ ဖြစ်နိုင်ချေတွေကို အာရုံစိုက်ပါ။ 

သာမန်လူတစ်ယောက်က ဘဝသက်တမ်းရဲ့ သုံးပုံတစ်ပုံကိုအလုပ်လုပ်ရင်း ကုန်ဆုံးနေရပါတယ်။ နောက်ပြီး လူအများစုက သူတို့ရဲ့ အလုပ်မှာမပျော်ရွှင်ကြပါဘူး။ ဒါကြောင့် သင်က ဒါတွေကို ရှောင်ရှားချင်တဲ့ အခုမှအလုပ်ခွင်ကို စဝင်မယ့် လူတစ်ယောက်၊ ဒါမှ မဟုတ် အလုပ်မှာ မပျော်ရွှင်ရဘဲပိတ်မိနေတဲ့ လူတစ်ယောက်ဆိုရင်တော့ အခုချိန်ကစပြီး သေချာလေးတွေး ကြည့်သင့်ပါပြီ။ အလုပ်မှာစိတ်တိုင်းမကျဖြစ်ပြီး စိတ်ဓာတ်ကျနေရတာတွေကြောင့် စိတ်ကူးထဲက Dream Job ကို ရဖို့ မဖြစ်နိုင်ဘူးလို့ ထင်နိုင်ပါ တယ်။ ဒါပေမဲ့ ကိုယ်တိုင်က ပြင်ဆင်မှုတွေ ပြုလုပ်ထားမယ်ဆိုရင်တော့ မရနိုင်စရာ မရှိပါဘူး။ အစီအစဥ်ဆွဲပါ။ ပန်းတိုင်တွေကို ရောက်ဖို့အတွက်ပထမဆုံးအဆင့်က ကိုယ့်ရဲ့ ပန်းတိုင်ကို သေချာသတ်မှတ်ရပါမယ်။ သိရပါ မယ်။ Careerနဲ့ ပတ်သက်ပြီး ပန်းတိုင်ကို ရောက်ဖို့ဆိုရင် ရည်မှန်းချက်ပန်းတိုင်ကို ချမှတ်ပြီး ရောက်ရှိဖို့အတွက် အစီအစဥ် ချမှတ်ရပါ မယ်။ ကိုယ်နောက်၅ နှစ်၊ နောက် ၁၀ နှစ်မှာ ရောက်နေချင်တဲ့ နေရာတစ်ခုကို စဥ်းစားကြည့်ပါ။ကိုယ်အလုပ်လုပ်ချင်တဲ့ အလုပ်ခွင် မျိုး၊ ရာထူးမျိုးကို ဆုံးဖြတ်ပါ။ တချို့အရာတွေကရယူဖို့ လွယ်ပြီး တချို့ကတော့ ကြိုးစားရပါလိမ့်မယ်။