Waxaan ka qeyb galo xuska sanad guurada 25-aad ee Shirkii Nabadda ee Carta iyo daahfurka taallada nabada. Taallada ayaa laga dhisay isla goobtii uu ka dhacay shirkii Carta 25 sano kahor. Waan ku faraxay in aan ogaado dadaallada la sameeyay si loo diiwaangaliyo diiwaankii shirkaas muhiimka u ahaa Soomaaliya ee horseeday dhalashada Jamhuuriyadda saddexaad.

Xalqadan lixaad ee #DiiwaankaMahad Podcast waxa aan kusoo koobayaa maqaal aan daabacay bishii November ee sanadkan oo aan uga hadlay safar aan ku tagay magaalada Carta ee dalka Jabuuti. #DiiwaankaMahadPodcast

7-dii Abriil ayaan kamid noqday dad kooban oo loo xushay in ay ka qeyb galaan koorso Transformational Leadership ah ee la qorsheeyay in lagu qabto 9–20 June magaalada Caruusha ee dalka Tansaaniya. Waxay ahayd markii iigu horreysay ee aan tago Caruusha oo ah magaalada inta badan lagu xuso taariikhda Soomaalida.

Xalqadan shanaad ee #DiiwaankaMahad Podcast waxa aan kusoo koobayaa maqaal aan daabacay bishii Juun ee sanadkan oo aan uga hadlay safar aan ku tagay magaalada Caruusha ee dalka Tansaaniya iyo waaya-aragnimadii aan kasoo helay muddadii labada isbuuc ahayd ee aan joogay magaalada. #DiiwaankaMahadPodcast 

Waxaan u safray Kismaayo maalin Jimce ah, 23-ii May. Safarka ayaa qeyb ka ahaa kulamo ay hay’adaha Somali Public Agenda iyo PDRC wada qabanayeen oo lagu sahminayay sida xal loogu heli karo arrimaha siyaasadda dalka ee cakiran oo ay kamid yihiin xiriirka dowladda federalaka & dowlad-goboleedyada, dib-u-eegista dastuurka & doorashooyinka. 

Xalqadan afaraad ee #DiiwaankaMahad Podcast waxa aan kusoo koobayaa maqaal aan daabacay horraantii June oo aan uga hadlay safar aan ku tagay Kismaayo, iyo horumarrada kaabayaasha dhaqaale iyo dadaallada bulshada rayidka ah ee aan kusoo arkay. #DiiwaankaMahadPodcast 

Sanadka 2025 waxa uu iigu billowday safar isbuuc ah oo aan ku tagay degmada Buuloburte. Markii iigu dambeysay ee aan magaalada tago waxa ay ahayd Agoosto 2023. Inkastoo culeysyo iyo duruufo badan ay ka jiraan magaalada, haddana waa magaaladeyda. Waa meesha aan dareemo lahaansho. 

Xalqadan saddexaad ee #DiiwaankaMahad Podcast waxa aan kusoo koobayaa blog aan daabacay bishii January ee sanadkan 2025 oo aan uga hadlay safar aan ku tagay Buulaburte. #DiiwaankaMahadPodcast 

Saaxiibkey Maxamed Cumar ayaa uu igu casuumay Shirwaynaha Dhalinyarada Soomaaliyeed (Somali Youth Summit), kaasoo ka dhacay magaalada Jigjiga intii u dhexeysay 25 iyo 27 Nofeembar 2023. Horey uma aan tegin Jigjiga. Ma jirto diyaarad toos ah oo Muqdisho ka baxda oo tagta Jigjiga. Labada waddo oo aan ku tagi karay waxa ay kala ahaayeen in aan Addis Ababa sii maro & in aan diyaarad ku tago Hargeysa kadibna aan safar dhulka ah ku gaaro Jigjiga. Waxaan rabay in aan dhulka sii barto, waxa aanan go’aansaday midda dambe.

 Xalqadan labaad ee #DiiwaankaMahad Podcast waxa aan kusoo koobayaa maqaal aan daabacay bishii Diseembar 2023 oo aan uga hadlay waaya-aragnimadii aan ka helay safar dhulka ah oo aan ku tagay Jigjiga, aqoon-is-weydaarsiyadii aan goobjoogga u ahaa maalmihii uu socday Shirweynaha Dhalinyarada Soomaaliyeed (Somali Youth Summit) iyo waxyaabihii aan kusoo arkay Jigjiga. #DiiwaankaMahadPodcast

Aaladda TikTok ayaan mararka qaar isticmaalaa. Waxaa jira muuqaallo badan oo aqoon kororsi ah eel aga heli karo iyo kuwo kale oo madadaallo ah oo aan daawado mar kasta ee aan isticmaalo aaladdan. Sikastaba ha noqotee, waxa aan aaladdan ka daawaday sawirro hore oo hees Hindi ah la dul saaray. Qaar ka mid ah sawiradan ayaa ah sawirro qof, dhowr qof ama goob ku taalla Muqdisho oo la qaaday sanado ka hor. 

Markii aan dhowr post oo noocan ah daawaday, waxa aan bilaabay in aan dib u milicsado nolosha iyo sida duruufahayga ay si tartiib tartiib ah isu beddeleen sanadihii lasoo dhaafay. Waxaan billaabay inaan ka fikiro waayihii wacnaa ee aan ku soo koray degmada Buulaburte, wakhtihii aan waxbarashada ku joogay Beledweyne, kubbadda cagta, iyo sida hawl maalmeedkaygii isu beddelay wakhtiba wakhtiga ka dambeeyay. Wax badan ayaa is beddelay aniga oo aan dareemin.

Xalqadan koowaad ee #DiiwaankaMahad Podcast waxa aan uga hadlayaa maqaal aan daabacay September 2024 oo aan uga hadlay casharrada uu na barayo wakhtiga.