En lur disc nov «S isch äbe e Mönsch uf Ärde» prenda il Chor Svizzer da giuvenils nus sin in viadi musical tras la Svizra. 25 chanzuns cuntegna il disc nov dal chor da giuvenils. Exact 25 pervia dal giubileum d'in quart tschientaner dapi la fundaziun dal chor. Quellas chanzuns derivan – sco era las chantaduras ed ils chantadurs – da l'entira Svizra. Il viadi cumenza en il Grischun cun quatter tocs rumantschs. Davent da là sa fermà il viadi tranter auter cun chanzuns tudestgas a Berna, cun franzosas en il Valais e cun talianas en il Tessin. In disc cun bleras fassettas ed ina bella survista dal stgazi musical da la Svizra.