Í þættinum er rætt við Martin Freile hljómsveitarstjóra og stjórnanda Alþjóðlegu tónlistarhátíðarinnar í Bariloche og stofnanda og aðalstjórnanda Fílharmóníusveitarinnar í Rio Negro og argentíska tónskáldið Alejandro Iglesias Rossi, sem stjórnar Hljómsveit frumbyggjahljóðfæra með nýrri tækni. Lesarar í þættinum eru Guðmundur Felixson og Heiðar Örn Sigurfinnsson.

Rætt er um fræðslu og barnastarf Sinfóníuhljómsveitar Íslands - rætt við Hjördísi Ástráðsdóttur fræðslustjóra, Hallfríði Ólafsdóttur flautuleikara og höfund Maxímús Músíkús og Halldóru Geirharðsdóttur leikkonu sem kynnt hefur fjöldan allan af tónleikum hljómsveitarinnar m.a. sem trúðurinn Barbara.

Rætt er við Árna Heimi Ingólfsson tónlistarfræðing um Endurreisnartímabilið í tónlist og leikin viðeigandi tóndæmi. Umsjón: Arndís Björk Ásgeirsdóttir.

Í þættinum er rætt um Richard Wagner og tónlist hans - sérfræðingar eru Selma Guðmundsdóttir píanóleikari og formaður Wagnerfélagsins á Íslandi og Júlíus K. Einarsson verslunarmaður og Wagneraðáandi.

Í þættinum verður spjallað um Mahler og tónlist hans og leikin nokkur tóndæmi. Sérfræðingar þáttarins eru Magnús Lyngdal Magnússon og Guðni Tómasson.

Í þættinum er forvitnast um Stradivarius fiðlur - og fiðlusmíði, þróun hennar og stöðuna í dag. Rætt er við Hans Jóhannsson fiðlusmið og einnig hljóma viðtalsbrot við Itzak Perlman, Anne Sofie Mutter og Joshua Bell sem öll leika á Stradivarius fiðlur.

Í þættinum verður semballinn skoðaður í sögulegu samhengi með aðstoð Guðrúnar Óskarsdóttur semballeikara.

Veist þú hvað kontrapunktur er ? Í þættinum er rætt við Guðmund Hafsteinsson tónskáld sem útskýrir fyrirbærið og einnig hljóma viðeigandi tóndæmi.