ဝိ ဋီကာ (၁)

ဗြိတိသျှကိုကိုမောင်

ဒီတပတ်တော့ ကျွန်တော်တို့ နည်းနည်းတရားမဥပဒေနဲ့ မလွတ်ကင်းတဲ့ဘက် သွားကြတာပေါ့ဗျာ။ ဝိ အကြောင်းပေါ့။ ဝိ ဆိုတာကတော့ ကျွန်တော်တို့ လူငယ်တွေကြားမှာ ဘန်းစကားအနေနဲ့ “ဆရာကြီး” လို့လည်းခေါ်တယ်၊ “မုတ်” လို့လည်း‌ခေါ်တာပေါ့နော် ကျွန်တော်တို့ကတော့။ ဒါပေမယ့် ဟိုးအရင်ခေတ်ကတော့ ဝိ ကို ကျွန်တော်တို့ “ဘင်း” လို့လည်းခေါ်တာပေါ့နော်  “ဘိန်း၊ ဘင်း၊ ကစော်” ဆိုတာ … 

နွေဦးထဲက ကဗျာ ကဗျာထဲက နွေဦး ၁၀၆

ဗညားမော်

နွေဦးတော်လှန်ရေးကာလမှာ ကျွန်တော်တို့ သူငယ်ချင်းတွေဟာ  သူငယ်ချင်း ဖြစ်နေသေးရဲ့လား။ ရန် ငါ ဆိုတဲ့ ကိစ္စကို အခု ခေတ်တိမ်သွားသလိုလိုရှိတဲ့ လက်ဝဲသမားတွေရဲ့ အရေးစိုက်ကြတဲ့ အရာဆိုပြီး မေ့ထားလိုက်ခဲ့ကြသေးသလား။ နိုင်ငံရေးမှာ ထာဝရရန်သူ ထာဝရမိတ်ဆွေဆိုတာ မရှိဘူးလို့ သဘောထားသူတွေကရော နိုင်ငံထဲမှာ ထာဝရ အာဏာရှင် လုပ်ထားချင်တဲ့ စစ်ဂိုဏ်းအင်အားစုကို ဘယ်လိုသဘောထားခဲ့ကြသလဲ။ ရန်သူက မိတ်ဆွေအဖွဲ့မခံခဲ့ဘဲ အစွယ်ရှိသူမို့ အစွယ်ကို အားကိုးထုတ်ပြလိုက်တဲ့ ဇာတ်ဝင်ခန်းရောက်တဲ့အခါကျ သူငယ်ချင်းတွေဟာ သူငယ်ချင်းဖြစ်နေသေးရဲ့လား ဆိုတဲ့ မေးခွန်းဟာ မရှောင်လွှဲပဲ ဖြေဖို့ ဖြစ်လာရတော့တယ်။ နိုင်ငံ့အာဏာကို အဓမ္မ ဘလက်ကာယ လုပ်ယူထားတဲ့ စစ်ဂိုဏ်းအုပ်စုကတော့ ရှင်းတယ်။ စစ်အာဏာနဲ့ အုပ်စိုးတာကို မလိုလား ဆန့်ကျင်တဲ့ ပြည်သူလူထုရဲ့ ရန်ဘက်ဖြစ်သွားခဲ့ပြီးဖြစ်ပါတယ်။ အာဏာ ပလ္လင်ကို အတင်းတက်ထိုင်ပြီး အစိုးရနေရာကို ဝင်ထိုင်လိုက်တဲ့ သူတွေရဲ့ အောက်မှာ မလွှဲမရှောင်သာ အနီးကပ်ကျရောက်သွားတာက အစိုးရယန္တရားထဲက အဆင့်နေရာအသီးသီးမှာရှိတဲ့ အစိုးရဝန်ထမ်းတွေဖြစ်ပါတယ်။ ဒီဝန်ထမ်းပြည်သူတွေထဲက ထမ်းပိုးကို ခါချပြီး ထွက်လာနိုင်တဲ့ သူတွေက အကြမ်းမဖက် အာဏာဖီဆန်ရေးလှုပ်ရှားမှု စီဒီအမ်ဝန်ထမ်းတွေ ဖြစ်ခဲ့ပြီး စစ်အာဏာကို လက်မခံတဲ့ ပြည်သူလူထုနဲ့ တဘက်တည်း ဖြစ်သွားခဲ့ပြီး လိုလား၍သော်လည်းကောင်း၊ မလွန်ဆန်နိုင်၍သော်လည်းကောင်း အစိုးရယန္တရားထဲက မထွက်လာနိုင်တဲ့ ဝန်ထမ်းတွေဟာ သူတို့အထက်က ဂုတ်ခွစီးထားတဲ့ စစ်ဂိုဏ်းအုပ်စုနဲ့ တဘက်တည်းသမားတွေ အဖြစ် အလိုလျောက် ကျရောက်သွားပါတယ်။ ဒီအခါ ကျွန်တော်တို့သူငယ်ချင်းတွေဟာ သူငယ်ချင်း ဖြစ်နေသေးရဲ့လား။ 

        တချို့သူငယ်ချင်းတွေဟာ နွေဦးအစမှာ အကြမ်းမဖက် အာဏာဖီဆန်ရေးလှုပ်ရှားမှုမှာ တက်ကြွစွာပါခဲ့တယ်။ လုပ်ငန်းခွင်ကို ကျောခိုင်းထွက်ခွာခဲ့တယ်။ ဒါပေမဲ့ စစ်ဂိုဏ်းအုပ်စုရဲ့ အန္တရာယ်၊ ရန်စွယ်နဲ့ သွားစွယ်ဖွေးဖွေးက မလွတ်ကင်းနိုင်တဲ့ အခြေအနေမှာ ဒီယန္တရားထဲကို ခေါင်းငုံ့ပြန်ဝင်သွားခဲ့ကြတယ်။ တချို့သူငယ်ချင်းတွေဟာ အကြမ်းမဖက်နည်းက လိုရာမရောက်နိုင်ဘူး ကိုယ့်အသက် အိုးအိမ်စည်းစိမ်ကို လက်ချည်းသက်သက် အနုနည်းချည်းသက်သက်နဲ့ ကာကွယ်လို့ မရဘူး၊ ပြည်သူ့အာဏာ ပြည်သူ ပြန်ရဖို့ ပြည်သူ့စစ်တပ်ကို ပြည်သူတည်ထောင်ရမယ်လို့ သဘောပေါက်သွားတဲ့ အချိန်မှာ စစ်မှာတမူ အိုင်ချင်းထဲကလို အိုးစားဖက်ကိုတောင် မရှာဘဲ တော်လှန်ရေးစစ်တပ်စတင်ရာ နေရာတွေဆီ ထွက်ခွာသွားခဲ့တယ်။ တချို့သူငယ်ချင်းတွေကတော့ ဝေလေလေ လုပ်သာတဲ့ အချိန်မှာ တို့လူလေးများ ဆိုသလေး တိုင်သံပေးခဲ့ကြပြီး တော်လှန်ရေးခရီးက ဘဝတွေ အသက်တွေရင်းပြီး ကြမ်းတမ်းတော့မယ့်အချိန်မှာ ကိုယ်ရှိန်သတ်ခဲ့ကြတယ်။ စစ်ဒေသတွေနဲ့ ခပ်ဝေးဝေး ပြည်သူလူထုရဲ့ အပူမီးနဲ့ ခပ်ဝေးဝေး မြို့ပြရဲ့ ဘားတွေ ကလပ်တွေ ပျော်ပွဲတွေ သွားသာတဲ့ အချိန်မှာ ကပ်ကာလကြီးထဲ မွန်းကြပ်လှတယ် ကိုယ့်ကိုယ်ပိုင်ထွက်ပေါက်နဲ့လည်း ကိုယ်ပျော်ကြောင်း ရှာထိုက်တယ်လို့ သဘောရသလားမသိ ပျော်သလိုသာ နေ ကိုယ့်လူရေ အသင်းအဖွဲ့ထဲ မျက်စိစုံမှိတ် ဝင်သွားလိုက်ကြပုံရတယ်။ ဒီအခါ ကျွန်တော်တို့သူငယ်ချင်းတွေဟာ သူငယ်ချင်း ဖြစ်နေသေးရဲ့လား။

        သူငယ်ချင်းတွေအကြောင်းကို လူငယ်ကဗျာဆရာ PlugX က ကျနော့်သူငယ်ချင်းဆိုပြီး ရိုးရိုးပဲ ခေါင်းစဉ်ပေးပြီး ရိုးရိုးပဲ စကားပြေဝါကျတွေနဲ့ ကဗျာတပုဒ်ရေးလိုက်ပါတယ်။ ကဗျာဆရာက သူငယ်ချင်းတွေအပေါ် သံယောဇဉ်ရှိတယ်ဆိုတာ သံသယဖြစ်ဖွယ် မရှိပါဘူး။ သူ့ကဗျာထဲမှာ စိတ်နာစကားတွေ ရန်ငါ ပြတ်ဖို့တွေလည်း ထည့် ရေးဖွဲမထားပါဘူး။ သူ့သူငယ်ချင်းအကြောင်း ရေးရင်း တခြား သူငယ်ချင်း ရှေ့တန်းကတုတ်ကျင်းထဲက လှမ်းဖုန်းဆက်တဲ့ တယောက်ကိုလည်း ကဗျာဝါကျ တနေရာမှာ ထည့်ထားတယ်။ ဒီကဗျာထဲမှာ အဓိက ကတော့ “ဥရောပမှာ အကောင်တကောင်ဖြစ်လောက်တဲ့ အထိ ဂျင်ခြေလည်ချင်လည်နေမယ့်” သူငယ်ချင်း။ ဒီအခါ ကျွန်တော်တို့သူငယ်ချင်းတွေဟာ သူငယ်ချင်း ဖြစ်နေသေးရဲ့လား။ 

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ ဒီကနေ့ ဒီဇင်ဘာလ (၂၂) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ ဒီကနေ့ ဒီဇင်ဘာလ (၂၁) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ ဒီကနေ့ ဒီဇင်ဘာလ (၂၀) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ ဒီကနေ့ ဒီဇင်ဘာလ (၁၉) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

ကြံခင်းကရုပ်ရှင်သရုပ်ဆောင်

   မြန်မာ့ရုပ်ရှင် အဖြူအမဲဖလင်ခေတ်မှာ ကျော်ဟိန်းအကယ်ဒမီရသွားတဲ့ “အကာကအချစ်၊ အနှစ်ကမေတ္တာ” ဆိုတဲ့ ရုပ်ရှင်ကိုသတိရကြမယ်ထင်ပါတယ်။ ကျော်ဟိန်းနဲ့ဆွေဇင်ထိုက်တို့က အဓိကသရုပ်ဆောင်များ ဖြစ်ကြပြီး ကောလိပ်ဂျင်နေဝင်းနဲ့ ဒေါ်စိန်ခင်တို့က အဓိကဇာတ်ပို့တွေဖြစ်ကြပါတယ်။ ထိုဇာတ်ကားမှာ ဒေါ်စိန်ခင်က ကောလိပ်ဂျင်နေဝင်း (ကိုရင်ဩ)ရဲ့ ညီမအပျိုကြီးနေရာက ပြောင်မြောက်စွာ သရုပ်ဆောင်နိုင်ခဲ့ပါတယ်။

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ ဒီကနေ့ ဒီဇင်ဘာလ (၁၈) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

နွေဦးထဲက ကဗျာ၊ ကဗျာထဲက နွေဦး ၁၀၅

ဗညားမော်

တော်လှန်ရေးနဲ့ ချစ်ခြင်းမေတ္တာ ဘာဆိုင်သလဲလို့ ထင်မိပါသလား။ မိစ္ဆာတွေလို လူထုပြည်သူတွေကို လူမဆန်စွာ နိုင်လိုမင်းထက် ရေကုန်ရေခန်း ဆက်ဆံပြုမူနေတဲ့ စစ်ဂိုဏ်းသားတွေရဲ့ ရန်စွယ်ဖွေးဖွေးအောက် အကြောက်တရားနဲ့၊ ဒေါသစိတ်နဲ့ ကိုယ့်ကိုယ့်ကိုယ် ခုခံကာကွယ်နေရတဲ့ အများစုမှာ မေတ္တာစိတ် မေတ္တာဓာတ်က ဘယ်ကနေ ဝင်လာနိုင်မလဲ။ ကိုယ့်ပြည်သူလူထုအပေါ် လိုင်စင်ရ ဓားပြ လူသတ်သမားတွေအချိုးနဲ့ အမျိုးမျိုး နှိပ်စက်နှောက်ယှက်နေတဲ့ ဒီစစ်ဂိုဏ်းသားတွေရဲ့ ရန်က ကာကွယ်ဖို့ သူသေကိုယ်သေ ပစ်ခတ်တိုက်ခိုက်ပြီး စစ်ခင်းနေရတဲ့ တော်လှန်ရေးတပ်သားတွေရဲ့ စိတ်ထဲမှာရော ချစ်ခြင်းမေတ္တာအတွက် နေရာရှိနိုင်ပါ့မလား။ ဒွန်ဂျွန်းရဲ့ ကဗျာထဲကလို (လူတယောက်ဆုံးပါးတဲ့အခါ ထိုးလေ့ရှိတဲ့) ဘုရားကျောင်းက ခေါင်းလောင်းထိုသံကြားရင် အဲ့ဒါ ဘယ်သူ့အတွက်မှ မဟုတ်၊ ခင်ဗျားအတွက် ထိုးတဲ့ ခေါင်းလောင်း။ လူဆိုတာ အထီထီးရပ်တည်ရတဲ့ ကျွန်းမဟုတ်လို့၊ ကျည်းတိုက်ကုန်းမြေရဲ့ တစိတ်တပိုင်းဖြစ်လို့၊ မြေအငူ တခု ပင်လယ်ထဲ မျောပါသွားရင် ဥရောပတတိုက်လုံးအဖို့ ဆုံးရှုံးမှုပဲ ဆိုတာ သိနေရက်၊ ရန်သူသေရင်တောင် လူတယောက် သေတဲ့ အနေ ဖြစ်တော့ ဝမ်းသာမှု ပြဖို့မဟုတ်ဆိုတာ ဆင်ခြင်နေရက်  သူတို့ရဲ့ သူမတူရက်စက်ယုတ်မာမှုဒဏ်တွေကြောင့် နှလုံးသားတွေ အေးခဲပြီး လူသေတာကို ဝမ်းသာအားရ ဖြစ်နေကြရတယ်။ အရပ်သားတွေကို အစုလိုက် အပြုံလိုက် ပစ်သတ်၊ အစုလိုက်အပြုံလိုက်သေကြေအောင် အရပ်ဖက် ပစ်မှတ်တွေကို ဗုံးကြဲချ လေကြောင်းတိုက်ခိုက်မှု လုပ်နေကြတဲ့ စစ်ဂိုဏ်အုပ်စုဟာ နိုင်ငံသားချင်း ဖြစ်တဲ့ ပြည်တွင်းစစ်လိုမျိုးမှာကို လူသားမဆန်တဲ့ စစ်ရာဇဝတ်မှုတွေကို ထင်ထင်ရှားရှားနဲ့ အများအပြား ကျူးလွန်နေခဲ့ကြတာ။ ဒီလိုမျိုးစစ်ပွဲဟာ ကျွန်တော်တို့ရဲ့ လူသားစိတ်ဓာတ်ကို ခက်မာစေခဲ့၊ ချစ်ခြင်းမေတ္တာဆိုတာကို ခေါင်းပါးစေခဲ့တယ်။ တနည်းအားဖြင့် အမုန်းတရားကို လောင်စာဖြည့်မှန်းမသိ ဖြည့်ပြီး တိုက်နေကြရတယ်။ လူ့သိက္ခာရှိတဲ့ ရန်သူဆိုရင် ရန်သူကျဆုံးတာ တိုက်ပွဲအတွက် အောင်မြင်မှု ဆိုပေမဲ့ ဒွန်ဂျွန်းရဲ့ ကဗျာထဲကလို လူသားတယောက်သေတာ အားလုံးအတွက်ဆုံးရှုံးမှု၊ နိုင်ငံအတွက်ဆိုရင် နိုင်ငံသားတယောက် သေဆုံးတာဟာ လူ့စွမ်းအားအရင်းမြစ် တနည်းအာဖြင့် ကျေပြုန်းတာပဲ မဟုတ်ပါလား။ ဒါပေမဲ့ သူတို့အုပ်စုရဲ့ အကုသိုလ်တွေက ကြီးကြီးမားမားနောက်ခံရှိနေတာ သေချာတဲ့အတွက် သူတို့ရဲ့ အဆုံးသတ် သူတို့ရဲ့ သေခြင်းကို ကျွန်တော်တို့ဟာ ဝမ်းသာအားရရှိနေရပုံတွေ၊ ဒါဟာ ဝမ်းနည်းစရာပေပဲလား။ 

        တကယ်ကတော့ စစ်ပွဲတွေဟာ သူတို့ဖြစ်ပွားရာ လူ့အသိုက်အဝန်းထဲ နယ်မြေဒေသထဲ တိုင်းပြည်နိုင်ငံထဲ ကောင်းတာထက် မကောင်းတာတွေကို ဖြန့်ကြဲပစ်လိုက်ကြပုံပါပဲ။ ဖက်ပြိုင်တိုက်ခိုက်တဲ့ အင်အားစုတွေအနက် ဓမ္မဘက်သားတွေ နောက်ဆုံး အောင်ပွဲရတဲ့အခါမှ ကောင်းမြတ်ခြင်းတွေကို ပြန်လည် တည်ဆောက်ပျိုးထောင်ယူကြရစမြဲပါ။ အဲ့ဒီအခါမှာ လူသားမျိုးနွယ်ချင်း ထားရှိရမယ့် အကျိုးဆောင်စိတ်ဓာတ် တနည်းအားဖြင့် ချစ်ခြင်းမေတ္တာမျိုးစေ့လေးဟာ ကျန်ကောင်း ကျန်ရာ ကျန်နိုင်မှ ဆက်လက် ပျိုးထောင်ယူနိုင်မှာပါ။ စစ်ပွဲကြောင့် ဖြစ်ရတဲ့ အမျက်ဒေါသတွေ အမုန်းတရားတွေနဲ့ ပြန်လည်တည်ဆောက်ရေးမလုပ်နိုင်တဲ့အတွက် နိုင်ရာဘက်က လက်စားချေမှုတွေထက် ခေတ်ပျက်ကြီးထဲ ဖြစ်ပျက်ခဲ့သမျှ အမှုအခင်းတွေကို ကြားကာလ တရားမျှတခြင်းတွေ ဆောင်ကျဉ်းပြီး ရှင်းလင်းပေးရမှာ မဟုတ်ပါလား။ ဒါကြောင့် သတ်ဖြတ်ရက်စက်မှုတွေ လက်တွေ့ရင်ဆိုင်နေရတဲ့ စစ်ပွဲ တိုက်ပွဲတွေကာလမှာကို ချစ်ခြင်းမေတ္တာဆိုတဲ့ စကားလေးကို စာလုံးပေါင်းမမေ့အောင် ကျွန်တော်တို့ ကြိုးစားနေရပါတယ်။ တကယ့်အဖြစ်တွေမှာ သရော်လေသံလေးနဲ့ ပဲဖြစ်ဖြစ် ကဗျာဆရာကတော့ “ရှေ့တန်းမှာတိုက်နေကြတာလည်း ‘ချစ်ခြင်းမေတ္တာ’ နဲ့ပဲ။”လို့ သူ့ကဗျာထဲမှာ ထည့်ရေးပြလိုက်ပါပြီ။ သူက သူ့ကဗျာတလျှောက်လုံးမှာ ရုပ်ဝတ္ထုတွေကိုပဲ ဖြစ်ဖြစ် စိတ္တဇနာမ်းတွေနေရာမှာပဲ ဖြစ်ဖြစ် ချစ်ခြင်းမေတ္တာဆိုတဲ့ စကားလုံးကို အစားထိုး သုံးစွဲ ရေးပြလိုက်ပါတယ်။ နောက်တခေတ်ရောက်တဲ့အခါမှာ ပြန်ပြောပြစရာ ‘ချစ်ခြင်းမေတ္တာ’ တွေ အားလုံး အယောက်စီတိုင်းမှာ ရှိနိုင်အောင်လို့ပဲ ထင်ပါရဲ့။ နွေးနွေးမောင်ရှိန် ရဲ့ ချစ်ခြင်းမေတ္တာ ကဗျာကို ချစ်ခြင်းမေတ္တာ ထားရှိပြီး ဖတ်ကြည့်ကြရအောင်ပါ ခင်ဗျာ။

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ ဒီကနေ့ ဒီဇင်ဘာလ (၁၅) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။