နွေဦးထဲက ကဗျာ ကဗျာထဲက နွေဦး ၈၅

ဗညားမော်

နွေဦးထဲမှာ ဒုက္ခကို ခါးစည်းခံနေရတဲ့ သူတွေအထဲ စစ်ပြေးပြည်သူတွေက အဆိုးဆုံး ရင်ဆိုင်ရသူတွေပဲ။ စစ်ဘေးရှောင်လို့ ခေါ်လိုက်ရင် တကယ့်ရင်ဆိုင်ရသူတွေရဲ့ ဒုက္ခကို ဖျော့လိုက်သလို ဖော့လိုက်သလို ဖြစ်သွားနိုင်ပြီး ခါးသီးတဲ့ အမှန်တရားကို ရေရောလိုက်တာပဲ ဖြစ်မယ်။ သေပြေးရှင်ပြေး တိုက်ပွဲနဲ့ ဝေးရာကို ပြေးနေရတဲ့ ပြည်သူတွေကို စစ်ပြေးဒုက္ခသည်တွေလို့ပဲ တည့်တည့်ခေါ်မှ အတိမ်အနက်က မှန်တယ်။ စစ်ဘေးက ရှောင်လို့ မရဘူး။ စစ်ဘေးရှောင်စခန်းတွေကိုလည်း လေယာဉ်နဲ့ ဗုံးလိုက်ကြဲ လိုက်ပစ်နေတာဆိုတော့ တိုက်ပွဲမရှိလည်း ရွာတွေဘက် လက်နက်ကြီးနဲ့ လှမ်းထုနေတာဆိုတော့ လွတ်အောင် ပြေး၊ မပြေးနိုင်ရင် မကောင်းသူထိပ် ကောင်းသူထိပ် အသက်ဘေးနဲ့ ကြုံရနိုင်တာကြောင့် လွတ်မယ်ထင်တဲ့ နေရာကို အရပ်သား ပြည်သူတွေဟာ ပြေးပုန်းကြရတာပဲ။ အာဏာလု စစ်ဂိုဏ်းတပ်သားတွေရဲ့ စစ်ကြောင်း ထိုးတယ်ဆိုတာ ရန်သူကို ရှာတိုက်တယ် ဆိုတာထက် ရွာကိုဝင် လုယက်ဖျက်ဆီး မီးရှို့၊ မထင်ရင် မထင်သလို မပြေးနိုင်တဲ့ ရွာသား အရပ်သားကို ပစ်သတ်သွား၊ လူသားဒိုင်းအဖြစ် ဖမ်းခေါ်သွားတာဖြစ်တဲ့ အတွက် လွတ်မယ် ထင်တဲ့ နေရာကို ပြေးကြ ရှောင်ကြရတာ ဖြစ်တယ်။ ဒါဟာ တိုက်ပွဲဖြစ်ရာ နယ်မြေတွေက ပြည်သူလူထု မလွဲမသွေ ရင်ဆိုင်နေကြရတဲ့ အခြေအနေမှန် ဖြစ်ပါတယ်။ 

        ဒါဟာ နွေဦးတော်လှန်ရေး အရေးတော်ပုံစပြီးတဲ့နောက် ပြည်သူလူထုဟာမလွဲမသွေ လက်နက်ကိုင် ခုခံကာကွယ်ရတဲ့ အဆင့်ကို တက်လာကတည်းက ပဋိပက္ခပြင်းထန်ရာ လူထု ခုခံတိုက်ပွဲ ပြင်းထန်ရာ နယ်မြေဒေသတွေမှာ ကြုံရတဲ့ အခြေအနေတွေပါပဲ။ စစ်ပြေးလမ်းမှာ လက်ပန်းကျ ပျက်စီးရတဲ့ သက်ကြီးရွယ်အိုတွေလည်း ရှိခဲ့၊ ပိုးထိ မြွေကိုက်ခံရတဲ့ သူတွေလည်း ရှိခဲ့၊ မိုးမိလေမိ ဖျားနာရတဲ့ သူတွေလည်း ရှိခဲ့။ ဒီလို ဒုက္ခတွင်းထဲမှာပဲ ဒီနိုင်ငံထဲ ဒီလူ့ဘဝထဲ ချဉ်းနင်းဝင်ရောက်လာတဲ့ မွေးကင်းစတွေလည်း ရှိခဲ့ရပါတယ်။ စစ်ပြေးလမ်းမှာ သေလွန်အဆုံးသတ်မှုတွေရှိသလို မွေးဖွားရှင်သန်ခြင်းတွေကလည်း သဘာဝကျစွာ ရှိခဲ့ရပါတယ်။ စစ်ပြေးလမ်းဟာ ဒီစခန်းမှာ တထောက်နားရပေမဲ့ ဒီတထောက်ကို ကျည်ရောက်လာနိုင်ချေရှိရင် နောက်စခန်းကို နောက်တလှမ်း ထပ်ပြေးရတာ ဆိုတော့ ဒီမွေးကင်းစကလေးတွေဟာလည်း ပုခက်စီးပြီး အိုအိုအေး သားချော့တေးနဲ့ အိပ်ရမယ့်အစား ဆိုင်ကယ်စီးပြီး စစ်ပြေးလမ်းပေါ် ခရီးဆက်ရတာမျိုးပါ။ ဒီလောက် ကိုယ်စိတ်ပင်ပန်းဆင်းရဲကြားက အသက်ပါအောင် မွေးနိုင်ခဲ့ပေမဲ့ ကလေးမိခင်ဟာ သွေးနုနု သားနုနုမှာ ကြုံရတဲ့ ကြီးမား ဆိုးဝါးတဲ့ ကာယိကဒုက္ခ၊ စေတသိက ဒုက္ခတွေနဲ့ ဆိုတော့ ရင်သွေးအတွက် နို့ချိုက ထွက်ချင်မှလည်း ထွက်လိမ့်မယ်။ ဒါကို ကဗျာဖွဲ့သူက  “နို့ရည်ဟာ / အမေ့သားမြတ်ဆီက မစီးကျဘဲ/ အမေ့မျက်လုံးဆီက စီးကျနေလို့/ သမီးလေးတို့ နို့မစို့ရဘူး”လို့ ရေးလိုက်တယ်ဆိုရင် ဒါဟာ ဇာတ်နာအောင် ဖွဲ့လိုက်တာ မဟုတ်ဘူး။ နာတဲ့ ဇာတ်ကို မီအေင် ဖွဲ့ရတာပဲ ဖြစ်ပါလိမ့်မယ်။ ကဗျာဆရာ ခန့်ဝါငြိမ်းဟာ စစ်ပြေးလမ်းက ဇာတ်လမ်းတပုဒ်ကို ဒုန်းဒုန်းနဲ့ ဒိုင်းဒိုင်း ဆိုပြီး ကဗျာတပုဒ် ရေးပါတယ်။ ကဗျာ ခေါင်းစဉ်ကို ကြည့်ပြီး သေနတ်သံတွေ ဗုံးသံတွေလို့ မထင်လိုက်ပါနဲ့။ အဲ့ဒီ အသံတွေကို အစွဲပြုပြီး ပေးလိုက်တဲ့ စစ်ပြေးလမ်းမှာ မွေးဖွားလာတဲ့ အမွှာညီအစ်မ နှစ်ယောက်ရဲ့ နာမည်တွေပါတဲ့။ မဒုန်းဒုန်းနဲ့ မဒိုင်းဒိုင်းပါတဲ့။ မိခင်နို့ရည်မထွက်လို့ နို့ဘူး မဝတဝစို့ပြီး မိခင်ရဲ့ ရင်ခွင်ထဲ မျက်စိသူငယ် နားသူငယ်နဲ့ ချို့ချို့ငဲ့ငဲ့ နေရတဲ့ ဒီကလေးငယ်တွေဟာ နိုင်ငံတော်ရဲ့ ရင်ခွင်ဆီကရော ဘာကို မျှော်လင့်နိုင်မလဲ။ ကဗျာကို ကျွန်တော်တို့ နားထောင်လိုက်ကြရအောင်ပါ။ ဒီကဗျာကို မြစ်ကွေ့ လူထုတော်လှန်ရေးစာစဉ်ကနေ ရယူပါတယ်။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၈ ရက်နေ့ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ “ဦးနှောက်ထက် နှလုံးသားပိုကြီးသူ” ဆိုတဲ့ ဧရာဝတီအယ်လ်ဘမ် အက်ဆေးကို နားဆင်ရမှာပါ။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၇ ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ စာရေးဆရာလင်းခါး ရဲ့ “အိမ်မက်ဟာ အားလုံးအတွက်” ဆိုတဲ့ အက်ဆေးကိုနားဆင်ရမှာပါ။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၆ ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ စာရေးဆရာဗြိတိသျှကိုကိုမောင်ရဲ့ “ အိမ်သာဋီကာ” ကိုနားဆင်ရမှာပါ။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၅ ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ စာရေးဆရာမင်းသေ့ရဲ့ ဆောင်းပါးတပုဒ် ကိုနားဆင်ရမှာပါ။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၄ ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ “နွေဦးထဲက ကဗျာ၊ ကဗျာထဲက နွေဦး” ကိုနားဆင်ရမှာပါ။

အချစ်ဦးဋီကာ 

ဗညားမော်

နွေဦးထဲမှာ ဇာတ်လမ်းတွေ ရှိရာ ကိုယ့်ဘက်က ဇာတ်လမ်းလည်း ရှိတယ်၊ သူ့ဘက်က ဇာတ်ခန်းလည်း ရှိတယ်။ ကိုယ့်ဘက်က ဇာတ်ဆောင်လည်း ရှိတယ်၊ သူ့ဘက်က ဇာတ်ကောင်လည်း ရှိတယ်။ တကယ်တမ်းက နွေဦးဟာ ဇာတ်အထွတ်ပဲ လို့ ဆိုရမယ်။ သမိုင်းဇာတ်က အကြမ်းဖျင်း ၁၉၆၂ က စတယ်လို့ ယူဆလိုက်ကြပါစို့။ သူ့ဘက်က လူဆိုး ဇာတ်ကောင်တွေရဲ့ စတင်ဖွံ့ဖြိုးရာ အခန်းစဉ်တွေဟာ အဲ့ဒီက စတယ်လို့ ဆိုနိုင်လောက်တယ်။ တကယ့်ဘဝဇာတ်ကတော့ ဇာတ်ခုံပေါ်က ဇာတ်လို ကားလိပ်ချ ကားလိပ်တင်လိုက်ရုံနဲ့တော့ သိသိသာသာကြီး ရုတ်ချည်းပြောင်းပြီး ပြလို့ ရတာမျိုးမဟုတ်တော့ သူ့ဘက်က ဇာတ်ကောင်တွေဟာ ဘီအိုင်အေ ဘီဒီအေက ဆင်းသက်လာတဲ့ မြန်မာ့တပ်မတော် ဖြစ်တဲ့အတွက် အကျင့်ကောင်းတွေ အစဉ်အလာကောင်းတွေ နာမည်ကောင်းတွေက ကျန်ရစ်နေသေးပေမဲ့ စစ်ရေးအင်အားသာ မက နိုင်ငံရေးပါဝါပါ ဆုပ်ဆုပ်ကိုင်ကိုင် ပိုင်သွားတဲ့ စစ်တပ်ဟာ တိုင်းချစ်ပြည်ချစ် စစ်သားတွေအဖြစ်ကနေပြီး အာဏာကို ချစ်တဲ့ စစ်သားတွေအဖြစ် တဖြည်းဖြည်း အသွင်ပြောင်းလဲသွားခဲ့တာဖြစ်တယ်။ သူတို့ဗိုလ်ချုပ်တွေဟာ သူတို့ စစ်သားတွေကို တက္ကသိုလ်ကျောင်းသားတွေရဲ့ အသက်သွေးနဲ့ သားသတ်သမားဇာတ် စပြီး သွင်းပေးလိုက်ကြတာ အားလုံး သိရှိပြီး သမိုင်းဖြစ်ရပ်ပဲ ဖြစ်ပါတယ်။ ၁၉၈၈ မှာ ပြည်သူတွေကိုပါ နိုင်ငံအနှံ့အထိ သတ်ဖြတ်မှုတွေ ဖြစ်ခဲ့ပြီး စစ်တပ်ရဲ့ သားသတ်စိတ်ဟာ အဆင့်တက်သွားခဲ့တာပါပဲ။ တစ်မျိုး ပြောကြည့်ရရင် သူတို့ရဲ့ အုပ်စိုးမှုကို မလိုလားတဲ့ ပြည်သူဆိုရင် ရန်သူလို့ သတ်မှတ်တဲ့ စိတ်အစွဲကို သူတို့ စစ်သားတွေရဲ့ စိတ်ထဲကို သံမှို နှက်ပေးလိုက်တာပါပဲ။ မူလပထမ စစ်အာဏာရှင်ရဲ့ ဉာဏ်နီဉာဏ်နက်နဲ့ ယှဉ်တဲ့ စစ်အာဏာကျင့်သုံးမှုထက် ပိုပြီး ဗြောင်ကျတဲ့ စစ်အာဏာ ကျင့်သုံးမှုဟာ ဒုတိယ စစ်အာဏာခေတ်မှာ ပိုပြီး ပေါ်လွင်လာခဲ့ပါတယ်။ အခြေအနေအရပ်ရပ်အရ ဗြောင်ကျတဲ့ စစ်အာဏာအုပ်စိုးမှုကို ခြေတလှမ်းဆုတ်ဖို့ ကြုံလာတဲ့ အခါမှာ စစ်အာဏာသံခြေကျင်း ခတ်ထားတဲ့ ဖွဲ့စည်းပုံကို အခိုင်အမာပြုပြီး ဒီမိုကရေစီတန်ဖိုးတချို့ကို ဖရိုဖရဲဆင်ယင်ထားတဲ့ လွှတ်တော်နဲ့ စစ်အရိပ်မိုး ဒီမိုကရေစီ အခင်းအကျင်းကို ချပေးလိုက်ရပါတော့တယ်။ အဲ့ဒီကာလမှာ အကောင်းမြင် မျှော်လင့်ချက်တွေနဲ့ နူးညံ့ညင်သာတဲ့ မြန်မာ့နွေဦးလို့ ကျွန်တော်တို့ ပြည်သူတွေ ထင်စားမိခဲ့ကြသေးတာကိုး။ လွှတ်တော်သက်တမ်း နှစ်ကြိမ်အပြီးမှာတော့ အစိုးရဖွဲ့နိုင်လောက်အောင် ပြည်သူ့ထောက်ခံမှု ပြတ်ပြတ်သားသား ရယူနိုင်တဲ့ ပါတီနဲ့ ပြည်သူတွေရဲ့ မြင့်တက်လာတဲ့ နိုင်ငံရေးအသိ ဒီရေမှာ တချိန်ချိန် စစ်တန်းလျားကို လွင့်ပါးသွားတော့မယ့် အရိပ်အခြည်ကို မြင်ပုံရတဲ့ စစ်တပ်နဲ့ စစ်အာဏာအုပ်စုရဲ့ လက်ရှိ မပြီးပြတ်နိုင်တဲ့ အာဏာလု အရေးအခင်းဖြစ်ပေါ်လာခဲ့တာပါပဲ။ အဲ့ဒီမှာမှ ပြည်သူလူထုရဲ့ နွေဦးအရေးတော်ပုံဟာ တန်ပြန်မှုနဲ့ တော်လှန်မှုအတွက် ပေါက်ဖွားလာရတာ ဖြစ်ပါတယ်။ ဒီတကြိမ် နွေဦးကတော့ ပြင်းထန်တယ်။ ဒီတကြိမ်နွေဦးကတော့ အပြီးအပြတ်တိုင် သွားရမှာ ဖြစ်တယ်။ ဒီဇာတ်ထွတ်မှာတော့ အဖြူနဲ့ အမည်းဟာ ပီပီပြင်ပြင် သဲကွဲခဲ့ပါပြီ။ ဒါကြောင့် ကိုယ့်ဘက်က ပြည်သူလူထု အခြေပြုလူကောင်းတွေနဲ့ သူ့ဘက်က အခွင့်အာဏာ အခြေပြု စစ်အာဏာဂိုဏ်းလူဆိုးတွေ ဖက်ပြိုင်ကြရတဲ့ ဇာတ်ခန်းပါပဲ။ ကိုယ့်ဘက်က ဇာတ်လိုက်တွေရဲ့ သူရဲကောင်းအပြုအမူတွေမှာ ကျွန်တော်တို့ဟာ အားတက် အားယူကြရမှာ ဖြစ်ပြီး သူ့ဘက်က ဇာတ်ကောင်တွေရဲ့ မိစ္ဆာဆန်မှုတွေမှာ ကျွန်တော်တို့ရဲ့ အပြီးအပြတ်အနိုင်ယူဖို့ သန္နိဋ္ဌာန်ကို ခိုင်မာစေရမှာ ဖြစ်ပါတယ်။ ကျွန်တော် ရှေ့က ခင်းခဲ့သလို အကြောင်းခြင်းရာတွေနဲ့ ကဗျာဆရာက ချောက်ချောက်သွေ့သွေ့ ပြောမှာ မဟုတ်ပါဘူး။ သူဘက်က ဇာတ်ရဲ့ ရွံရှာမုန်းတီးဖွယ်တွေကို ကွက်ကွက်ကွင်းကွင်းမြင်လာ ခံစားလာရအောင် ခင်းပြမှာ ဖြစ်ပါတယ်။ ဒီကဗျာကို ဖတ်ပြီး ဒီဝိဘစ္ဆဝေဒနာတွေကနေ ကျော်လွန်ဖယ်ရှားဖို့ အာရုံစောနိုင်ကြမှာ ဖြစ်ပါတယ်။ ကဗျာဆရာ နိုင်မွန်အောင်သွင်ဟာ သူ့ကဗျာကို မျောက်ဇာတ်လို့ ခေါင်းစဉ်တပ်ထားပါတယ်။ ဘယ်လို မျောက်တွေများလဲ ကျွန်တော်တို့ ကဗျာကို နားထောင်ကြည့်ကြပါစို့။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၁ ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ  “မင်းသားလေးလိုလွမ်းတဲ့သူ" ဆိုတဲ့ ဧရာဝတီအယ်လ်ဘမ်အက်ဆေး ကိုနားဆင်ရမှာပါ။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၂၀ ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ  “မြို့မငြိမ်း ရေချိုးဆိပ်" ဆိုတဲ့ဆောင်းပါးကို နားဆင်ရမှာပါ။