ဘိဋီကာ - ၂

ဗြိတိသျှကိုကိုမောင်

16+

“ဘိ” နဲ့ပတ်သက်လို့ကတော့ ကျွန်တော်တို့ ကိုယ်တွေ့ကို ပြောရမယ်ဆိုရင်တော့၊ ကျွန်တော်တို့ ငယ်ငယ်က ကျွန်တော်ကပဲခူးသားပေါ့နော်၊ ပဲခူးမြို့မှာနေတာ။ ကျွန်တော်တို့ ပဲခူးမြို့က ငယ်ငယ်ကဆို၊ ကျွန်တော်တို့ ငယ်စဉ်အခါက ဒီ “ဘိ” နဲ့ပတ်သက်ပြီးတော့ တော်တော်ကြီးကို နာမည်ကြီးတဲ့ မြို့ပေါ့နော်။ တခြားမြို့တွေ ….

ဗညားမော်

နွေဦးဟာ ရွက်ဟောင်းကို ချွေပြီး ရွက်သစ်တွေကို ဝေစေလိမ့်မယ်။ နွေဦးမှာ ခေတ်ဟောင်းက ကြွေကျသွားပြီး ခေတ်သစ်က စိမ်းမြခက်ဝေလာလိမ့်မယ်လို့ ကျွန်တော်တို့အားလုံး ယုံကြည်ထားကြတာပါပဲ။ သဘာဝလောကမှာ ပြောင်းလဲမှု ဖြစ်စဉ်က သဘာဝအလျောက်ဖြစ်သွားပေမဲ့ လူ့လောကမှာတော့ ပြောင်းလဲမှု ဖြစ်စဉ်အတွက် ကျွန်တော်တို့ ရင်းနှီးပေးဆပ်ရတာတွေဟာ မနည်းလှသလို ဒီပြောင်းလဲမှု ဖြစ်စဉ်အတွက် ကြိုးပမ်းတိုက်ပွဲဝင်နေရတဲ့ ကာလအတွင်း ခံစားရ တွေ့ကြုံရတဲ့ အနိဋ္ဌာရုံတွေကို မလွှဲရှောင်တမ်း ရင်ဆိုင်နေရတော့ ခေတ်သစ်မရောက်ခင် ဒီအကာလကြီးကိုလည်း ဘယ်သူမှ လိုလားလက်ခံကြတာမဟုတ်ပါဘူး။ ဒီအရေးတော်ပုံကြီးကို အောင်မြင်စွာ ဖြတ်ကျော်နိုင်မှပဲ လွတ်လပ်ငြိမ်ချမ်းမယ့် ခေတ်သစ်ဦးရောင်နီကို ဖူးကြရမှာကြောင့်သာ အားတင်းဖြတ်ကျော်နေကြရတာပါပဲ။ ဒါပေမဲ့ နုပျိုတဲ့ အရွယ်နဲ့ လွတ်လပ်ပျော်ရွှင်ရမယ့် လူငယ်ဘဝကို စွန့်လွှတ်ထားရပြီး မျှော်လင့်ဖွယ် အခွင့်အလမ်းတွေ ဝေဆာနေတဲ့ အခြေအနေကို ဗြုန်းဆို ပျောက်ဆုံးသွားရတဲ့ လူငယ်တွေဟာ ဒီခေတ်ကို မုန်းတယ်လို့ ပြောခွင့်မရှိပေဘူးလား။ ဘာကြောင့်ဆို အရေးတော်ပုံကြီးထဲမှာ အများစုဟာ သူတို့တွေပဲ။ အားကောင်းမောင်းသန် ပါဝင်တော်လှန်နေတာ သူတို့ တွေပဲ။ ပြောကြစို့ဆိုရင် အဆုံးအရှုံးအများဆုံးဟာလည်း သူတို့ ဘဝတွေပဲလို့ မဆိုနိုင်ပေဘူးလား။ ဒါကြောင့်သာပဲ PlugX ရဲ့ ကဗျာတပုဒ်ထဲမှာ “'ချစ်ကြိုက်နေတာမဟုတ်ဘူး ၊ စစ်တိုက်နေတာ”ဆိုတဲ့/ မရယ်ရတဲ့ဟာသကြီးက ငါတို့ဆီမှာ ခေတ်စားတယ်။” ဆိုတဲ့ စာသားမျိုးကို တွေ့ရနိုင်တယ်။ အောင်ဖြိုးဝေရဲ့ ကဗျာတပုဒ်ထဲမှာ “စစ်ကြီးပြီးရင် ဂစ်တာမတီးတော့ဘူး၊/ မင်းတို့ချည်းပဲ ပျော်ကြ” ဆိုတဲ့ စာသားမျိုးကို ဖတ်ရနိုင်တယ်။ ဒါကြောင့် နွေဦးထဲက ကဗျာတစ်ပုဒ်မှာ လူငယ်လေးတယောက်ရဲ့ အသံကို ကိုယ်စားပြုပြီး “ဒီခေတ်ကို ငါ မုန်းတယ်” လို့ ခေါင်းစဉ်တပ်ထားရင် ဒါအငေါ်တူးနေတာမဟုတ်ဘူး။ သူတို့ရဲ့ ခံစားချက်ကို ကျွန်တော်တို့ အလေးအနက်ပြုရပါလိမ့်မယ်။ ဒါပေမဲ့ ဒီလူငယ်တွေဟာ ဒီခေတ်ကို ငါ မုန်းတယ် ဆိုပြီး ဒီခေတ်ကနေ ရှောင်ပုန်းနေတဲ့ သူတွေ မဟုတ်ပါဘူး။ ဒီခေတ်ကို တည့် ရင်ဆိုင်ပြီး မုန်းတဲ့ ဒီခေတ်ကြီးကို ဆုံးအောင် သတ်ပစ်မယ့် အဆုံးထိအောင် သွားမယ့် လူငယ်တွေ ဖြစ်နေတာကို တွေ့ရပါလိမ့်မယ်။

        ဒါပေမဲ့ အဆုံးမရှိတဲ့ လွတ်လပ်မှုတွေနဲ့ ပျော်ရွှင်နေရမယ့် သူတို့ရဲ့ လူငယ်ဘဝကို စတေးပစ်ရတဲ့ ဒီခေတ်ကို မုန်းတယ်လို့ ဆိုလာရင်လည်း ဆိုခွင့်ပြုရမှာပဲ ဖြစ်တယ်။ ဘာကြောင့်ဆိုတော့ ဒီခေတ်ကြီးကို ရင်ဆိုင်ဖို့ ရဲရဲရင့်ရင့် တိုးဝင်သွားတဲ့ နွေဦးအရေးတော်ပုံရဲ့ အဓိက အင်အားစုဟာလည်း ဒီလူငယ်တွေပဲ မဟုတ်လား။ ဒီခေတ်ကို ရဲရဲ ရင်ဆိုင်တဲ့ သူတွေဟာ ဒီခေတ်နဲ့ ပတ်သက်ပြီး ပြောရေးဆိုခွင့် အပြည့်အဝ ရှိတာပဲ မဟုတ်လား။ ဒီခေတ်ကို သာသလို ရှောင်နေတဲ့ သူတွေကတော့ ဒီခေတ်နဲ့ ပတ်သက်ပြီး ထင်လိုရာ ထင် တင်လိုရာ တင် အသင်တို့မှာ ပြောရေးဆိုခွင့်ကတော့ အပြည့်မရှိနိုင်ပေဘူး။ ခေတ်ကို ဖန်တီးဖို့ ပါဝင်ကြိုးစားရုန်းကန်တိုက်ခိုက်နေသူတွေရဲ့ ခံစားမှုနဲ့ အသံတွေသာ ဧကန် အလေးထားခွင့် ရသင့်ပါရဲ့။ ဒီအသံတွေဟာ နွေဦးရဲ့ ပြန်ကြားချက် အစစ်အမှန်တွေ ဖြစ်တယ်။ ဒီအသံတွေမှာ ရင်နာရ ဒီအသံတွေကို ကြင်နာရ ဒီအသံတွေနဲ့ အားတက်ရ ဒီအသံတွေအတွက် အားပေးရ။ ကျွန်တော်တို့ဟာ ရှေ့တန်းကို မထွက်နိုင်တဲ့အခါ နောက်တန်းမှာ ကိုယ်နိုင်သမျှတာဝန်ကို မပျက်မကွက်ရအောင် ဒီအသံတွေက လှုပ်နှိုးပါတယ်။ အစဉ်အပျက် ထွက်နေတဲ့ မြစ်ကွေ့ လူထုတော်လှန်ရေးစာစဉ် အတွဲ ၂ အမှတ် ၂၃ ကနေ ဒီကဗျာကို ရယူပါတယ်။ ကဗျာဆရာ ကိန်း(ခရမ်း) ရဲ့ ကဗျာဖြစ်ပါတယ်။ စစ်တလင်းမှာ ဦးခေါင်းဘေးက ပျံသန်းထွက်သွားတဲ့ ကျည် အရေအတွက်ကို မှတ်သားနေရတဲ့ လူငယ်တွေရဲ့ ခေတ်အတွင်းက စကားသံ တစလို့ မှတ်ယူနိုင်ပါတယ်။ ဒီခေတ်ကို ငါမုန်းတယ် တဲ့။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၇ ရက်နေ့  ရဲ့  Podcast အသံလွှင့်အစီအစဉ်မှာတော့ 

စတဲ့သတင်းများနဲ့အတူ “ဒုတိယဗိုလ်ချုပ်ကြီးနှင့်အရူးအန့်ကူ” ဆိုတဲ့ ဧရာဝတီအယ်ဘမ် အက်ဆေးကို နားဆင်ရမှာပါ။ 

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၆ ရက်နေ့  ရဲ့  Podcast အသံလွှင့်အစီအစဉ်မှာတော့ 

စတဲ့သတင်းများနဲ့အတူ စာရေးဆရာလင်းခါးရဲ့ “ဘဝအတွက်ကြီးမြတ်တဲ့ခရီးထွက်မယ်” ဆိုတဲ့ အက်ဆေးကို နားဆင်ရမှာပါ။ 

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၅ ရက်နေ့  ရဲ့  Podcast အသံလွှင့်အစီအစဉ်မှာတော့ 

စတဲ့သတင်းများနဲ့အတူ “ပြိုင်ဘက်တွေဆီက နည်းပညာအပြင် နည်းဗျူဟာတွေပါ ခိုးကူးဖို့ အားထုတ်နေတဲ့ တရုတ်လေတပ်” ဆိုတဲ့ ကမ္ဘာ့သတင်း၊ ကမ္ဘာ့မြင်ကွင်း ဆောင်းပါးကိုနားဆင်ရမှာပါ။

အခုနားဆင်ရမှာကတော့ DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၄ ရက်နေ့  ရဲ့  Podcast အသံလွှင့်အစီအစဉ်မှာတော့ 

တဲ့အကြောင်း စတဲ့သတင်းများနဲ့အတူ စာရေးဆရာမင်းသေ့ရဲ့  “တရုတ်က အန်ယူဂျီကို ငိုပြနေတဲ့ ကလေး လို့ မြင်နေတယ်” ဆောင်းပါးကိုနားဆင်ရမှာပါ။

အခုနားဆင်ရမှာက DNA ရဲ့ 7 pm Podcast အစီစဉ်ပဲဖြစ်ပါတယ် ။ ဒီကနေ့ ဇူလိုင်လ ၃ ရက်နေ့  ရဲ့  Podcast အသံလွှင့်အစီအစဉ်မှာတော့

စတဲ့သတင်းများနဲ့အတူ  “နွေဦးထဲက ကဗျာ၊ ကဗျာထဲက နွေဦး” ကိုနားဆင်ရမှာပါ။

ဘိဋီကာ - ၁

ဗြိတိသျှကိုကိုမောင်

16+

“ဘိ” ဆိုတာ ဘန်းစကားပါ။ ယဉ်ယဉ်ကျေးကျေး ပြောရရင်တော့ ပြည့်တန်ဆာတန်းပေါ့ဗျာ။ 

ပြည့်တန်ဆာဆိုတဲ့ ဒီအသက်မွေးဝမ်းကျောင်းဟာ ကျွန်တော်တို့ ကမ္ဘာဦးကတည်းကနေစပြီးတော့ အခုချိန်ထိ အစောဆုံးတည်ရှိခဲ့တဲ့၊ အစောဆုံးတည်ရှိခဲ့တဲ့ အသက်မွေးလမ်းကျောင်းတွေထဲမှာပါတဲ့ လုပ်ငန်းတခုပေါ့လေ။ ကျွန်တော်တို့ ရှေ့  ကျောက်ခေတ်ကနေ တဖြည်းဖြည်းယဉ်ကျေးလာတဲ့အခါမှာ တအိုးတအိမ် ထူထောင်လာကြတယ်၊ တလင်တမယားစနစ်တွေ ပြုကျင့်လာကြတဲ့အချိန်မှာ . . . .

ဗညားမော်

နွေဦးထဲက ကဗျာတွေဟာ တစိတ်တပိုင်းဟာ သေခြင်းနဲ့ ပတ်သက်တာတွေ ဖြစ်နေတတ်တာဟာ တော်လှန်ရေးနဲ့ စစ်ပွဲနဲ့ ဆက်ဆံရတဲ့ နွေဦးအရေးတော်ပုံအတွက် အဆန်းတကြယ်မဟုတ်။ အထူးအားဖြင့် အသက်ကို နှင်းထားတဲ့ နွေဦးသူရဲကောင်းများအတွက် ပိုလို့ အဆန်းတကြယ်မဟုတ်။ ဆူစူး၍လျှင်/ အပ်နှင့်ထွင်သည်/ အသင်ဘာပြောချင်သနည်း ဆိုတဲ့ တော်လှန်ရေးလို့ ခေါင်းစဉ်ပေးထားတဲ့ မောင်သာရ ရေးခဲ့တဲ့ ကဗျာကို အမှတ်ရစရာ။ ဒါပေမဲ့ ဆူးတွေက နက်နက်စူးထားတော့ ဆူးကို ထွင်လို့ မပြီးမချင်း အသည်းခိုက်အာင် နာရသူတွေ ဘယ်လောက်တောင် ရှိနေပြီလဲ။ မြသက်သက်ခိုင်က စတဲ့ အပြစ်မဲ့ အရပ်သားပြည်သူတွေကို ဘယ်နှယောက်လောက်အထိ ကျွန်တော်တို့ အမည်နဲ့ တကွ မှတ်သား ကြေကွဲနိုင်ကြသလဲ။ ကျွန်တော် ဝန်ခံပါရစေ။ အိမ်ထဲထိဝင်လာ အိမ်ပေါ်ထိ တက်လာပြီး ကြောက်လို့ အဖေ့ရင်ခွင်ထဲ ပုန်းနေရှာတဲ့ အပြစ်မဲ့ ကလေးမလေးကို ပစ်သတ်သွားတဲ့ အဖြစ်က ရှိခဲ့ပြီး အဲ့ဒီကလေးမလေးရဲ့ နာမည်ကို ကျွန်တော် မေ့သွားပြီ။ အခု အပြစ်မဲ့ အညှင်းပန်း အသတ်ဖြတ်ခံရတဲ့ ပြည်သူလူထုဟာ ထောင်ဂဏန်း အရေအတွက် အတော်များလာတဲ့အခါ အမည်နာမနဲ့ လူတွေအဖြစ် မှတ်မရတော့ဘဲ ကိန်းဂဏန်းတွေအဖြစ်ပဲ ပြောင်းပြီး သိလာရတဲ့အဖြစ်ဟာ ဘယ်လောက် ရင်နာစရာကောင်းသလဲ။ သေမင်းဟာ အပြစ်မဲ့သူတွေရဲ့ အသက်တွေကို နုတ်သွားနေခဲ့တာ နိုင်ငံတော်ရဲ့ ရင်ဝကို စူးနေတဲ့ ဆူးကို နုတ်ပြီးသည့်တိုင်မှပဲ အဆုံးသတ်နိုင်တော့မှာလားလို့ တွေးမိနေတယ်။ 

        သေမင်းရဲ့ ကိုယ်စားလှယ်တွေဟာ လေသူရဲတွေအဖြစ် အယောင်ဆောင်ပြီး တောတောင်ကြားက ရွာငယ်လေးတွေဆီ တိုက်ရိုက် ပစ်မှတ်ထား ဗုန်းကြဲ ပစ်ခတ်နေကြတာ ဒါကို စစ်ပွဲလို့ ခေါ်နေကြရတာတဲ့လား။ စစ်ခင်းသူချင်း တိုက်ခိုက်ပစ်ခတ်တဲ့ ကြားက အရပ်သား ပြည်သူတွေ ကြားညှပ်ထိခိုက်ကြတာ ဖြစ်တတ်တဲ့ သဘောရှိပေမဲ့ အရပ်သားတွေကိုပစ်မှတ်ထား တိုက်ခိုက် သတ်ဖြတ်နေတာတွေ အရပ်သားတွေရဲ့ ရွာတွေဆီ ရမ်းသန်း ပစ်ခတ်နေကြတာတွေဟာ နွေဦးအရေးတော်ပုံက ဖယ်ရှားဖို့ပစ်မှတ်ထားကြတဲ့ စစ်ဂိုဏ်းအုပ်စုနဲ့ စစ်အာဏာရှင်စနစ်ဟာ မဖြစ်မနေကို ဒီမြေကနေ ပယ်ဖျက်ပစ်ရမယ်ဆိုတာ သေချာသထက် သေချာနေပါတယ်။ ကဗျာဆရာကတော့ သေမင်းဟာ လူမှားပြီး တမလွန်ကို ခေါ်မိပုံကို ရေးဖွဲ့တယ်။ တစ်ပြည်လုံး ဗြောင်းဆန်နေတဲ့ ဒီလို ကာလတွေမှာဖြင့် သေမင်းဟာလည်း မြေမလေးအောင် ခေါ်ဆောင်သွားရမယ့် လူဆိုးတွေရော အပြစ်မဲ့တဲ့ သာမန်လူတွေပါ ရောကောသောကော လက်မလည်အောင် ခေါ်နေရပုံ ထင်ပါရဲ့။ သတ္တန္တရ ကပ်ကြီးအတွင်း ဥပစ္ဆေဒက ကံပါလာသူတွေဟာ လူဆိုးလူမိစ္ဆာတွေနဲ့အတူ တဖြုတ်ဖြုတ် ကြွေနေကြရရှာတယ်။ ကဗျာဆရာကတော့ ပန်းတွေ ဖူးပွင့်ဖို့ ကျည်ဆန်မိုးပြိုတာလို့ တင်စားပြီး ဆိုလိုက်တယ်။ အပ်နဲ့ထွင်လို့ နာကျင်ရတာကိုလည်း ကျွန်တော်တို့ဟာ ရင်ဆိုင်ရမှာ ဖြစ်တာကြောင့် ကျည်ဆန်မိုးပြိုတာကိုလည်း မျက်မှောက် ပြုကြရမှာ ဖြစ်ပါတယ်။ ပန်းတွေ မဖူးမပွင့်ရခင် အပင်တွေ ကိုင်းကျိုးတာကိုလည်း ခါးစီးခံကြရမှာ ဖြစ်ပါတယ်။ 

      “ငါတို့ဟာ/ ဘယ်ရထားမှာ လွဲခဲ့လဲ/ တခါလွဲရင်/ နှစ်ပေါင်းဘယ်လောက်ကြာတတ်လဲ/ ခင်ခင်ပျိုရေ ငါစောင့်ခဲ့တယ်။”လို့ အောင်ချိမ့် ရေးခဲ့သလို ကျွန်တော်တို့ဟာ အရေးတော်ပုံ ရထားကြီးကို စောင့်ခဲ့ကြရတာ။ ၁၉၈၈ မှာတုန်းက လွဲခဲ့ရတယ်လို့ ဆိုရင် ၂၀၂၁ အလွန်မှာတော့ အလွဲမခံနိုင်တော့ဘူး။ အရေးတော်ပုံကာလအတွင်း သေသူတွေအတွက် သေစာ ရေးထားရပြီးရင် ရှင်သူတွေအတွက် အသက်ဓာတ် မပြယ်ဖို့ ရှင်စာရေးထားရမယ့်ပုံပဲ။ ဘယ်လိုပဲ ဖြစ်ဖြစ် ကဗျာဆရာ နိုင်မွန်အောင်သွင်ရဲ့ နွေဦးထဲက ကဗျာတပုဒ်ဖြစ်တဲ့ သေစာ ရှင်စာ ဆိုတဲ့ ကဗျာကို ကျွန်တော်တို့ ဖတ်ဖို့ ကြုံလာခဲ့ပါပြီ။ ကဗျာက ကြောင်းရေ ၁၁ ကြောင်းပဲ ရှိတဲ့ ကဗျာတိုတစ်ပုဒ်ပေမဲ့ ကျွန်တော် အစောပိုင်းက ကိုးကားခဲ့တဲ့ မောင်သာရရဲ့ ကဗျာမှာ ဆူးထွင်ဖို့ နာကျင်ရတဲ့ တော်လှန်ရေးလို ကျွန်တော်တို့တတွေ နာနာကျင်ကျင်နဲ့ စာလုံးတလုံးချင်း စာကြောင်းတကြောင်းချင်း ကဗျာထဲက ကြောက်မက်ဖွယ် နိမိတ်ပုံတွေကို အရအမိ ဖမ်းယူနိုင်အောင် ဖတ်ကြည့်ကောင်းတဲ့ သေစာ ရှင်စာပါ။  

တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ ဒီကနေ့ ဇွန်လ (၃၀) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။