တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ ဒီကနေ့ ဇွန်လ ( ၁၉ ) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။

ဆံပင်ဋီကာ - ၃

ဗြိတိသျှကိုကိုမောင်

ဗညားမော်

နွေဦးထဲက ကဗျာတွေကို ဖတ်ရင်း တပ်မတော် စာတိုက် ဆိုတဲ့ ဟိုး ရှေးကာလများမှာ မြန်မာ့အသံ ရေဒီယိုကနေ လွှင့်ထုတ်ပေးခဲ့တဲ့ ကဏ္ဍတခုကို ပြေးပြီး သတိရမိတယ်။ အခုချိန်မှာ ဒီကဏ္ဍ ဆက်ပြီး ရှိနေသေးရော့သလား ပြေးနားမထောင်မိပါ။ မြန်မာစစ်တပ်မှာ မြဝတီဆိုတဲ့ ကိုယ်ပိုင် ရုပ်သံ မီဒီယာရှိလာနေတာတောင် ကြာလှပြီကပဲ။ ပြောချင်တာကတော့ အဲ့ဒီ အသံလွှင့်ကဏ္ဍဟာ မိသားစုနဲ့ အဆက်အသွယ်ပြတ်နေတဲ့ စစ်သားတွေကို သတင်းစကားပါးဖို့ အသံလွှင့်ဌာနကို စာရေးထည့်သွင်းနိုင်ခဲ့တဲ့ နေရာပါပဲ။ “အဆက်အသွယ် မရသည်မှာ ကြာပြီဖြစ်ပါ၍” ဆိုတဲ့ စကားစုဟာ ဒီစာတိုက်ထဲဝင်လာတဲ့ စာတွေမှာ အခရာပေါ့။ အဲ့ဒီအစောပိုင်းကာလတွေမှာ မြန်မာ့တပ်မတော်ဆိုတာ ပြည်သူလူထုရဲ့ ရင်ထဲ ရှိနေသေးတဲ့ အချိန်လို့ ဆိုနိုင်တော့ ဒီကဏ္ဍဟာ သက်ဆိုင်သူတွေအတွက် အသက်သွေးကြောဖြစ်သလို မသက်ဆိုင်သူတို့အတွက်လည်း ခရီးသွားဟန်လွှဲ နားထောင်ကရုဏာသက်စာနာဖွယ် ဖြစ်ပါတယ်။ အခုအချိန်မှာတော့ မြန်မာနိုင်ငံမှာ မြန်မာစစ်တပ်ဆိုတာ ဂိုးသွားပါပြီ ဂွမ်းသွားပါပြီလို့ပဲ ဆိုရပါလိမ့်မယ်။ တပ်တောင်တာဗိုလ်ထု အစုစုတွေဟာ စစ်ဂိုဏ်းအုပ်စုရဲ့ လူသတ်လုယက်မီးရှို့ လုပ်ရပ်တွေကို မခံမရပ်နိုင်တဲ့ ပြည်သူတွေထဲက အလုအယက် ပေါ်ပေါက်လာခဲ့တာ ဗိုလ်တထောင် တပ်တထောင်လို့ ဆိုချင်လည်း ဆိုကြရော့။ မီးကျရာမှာ ထွက်ပြီး မီးငြှိမ်းကြရတာကိုး။ အရင်ကတည်းက လောင်ကောင်းတုန်း စစ်မီးလျှံရှိတဲ့ တိုင်ရင်းသား ဒေသတွေမှာလည်း အီးအေအို တွေရှိတုန်း။ တိုင်းရင်းသားလက်နက်ကိုင်အင်အားစု ဆိုတဲ့ အခေါ်အဝေါ်ကနေ အဓိက အင်အားစုတွေဟာ အနှစ်သာရရှိစွာ တိုင်းရင်းသား တော်လှန်ရေးအင်အားစု ဆိုတဲ့ ခေါင်းစဉ်အောက်ကို နွေဦးတော်လှန်ရေးရဲ့ တပ်အစုစုနဲ့ ချိတ်ဆက်ပြောင်းလဲနိုင်ခဲ့ကြ။ အဆက်အသွယ် အချိတ်အဆက်နဲ့ ဒေသ ပရောဂတွေအရ မူလ အကွဲကွဲအပြားပြား စတင်ခဲ့တဲ့ တပ်တွေလည်း အားလုံးလိုလို အားကောင်းအောင် ပေါင်းစည်းနေကြလေပြီ။ 

ဆိုရရင်တော့ လက်နက်ကိုင် ဖက်ပြိုင်နေတဲ့ တပ်တွေကြားမှာ မြတ်တဲ့ တပ်နဲ့ ယုတ်တဲ့ တပ်၊ စစ်တဲ့ စစ်သားနဲ့ မစစ်တဲ့ စစ်သား နှစ်ပိုင်း ကွဲပြားသွားကြလေပြီ။ ဒါကြောင့် စစ်ဂိုဏ်းအုပ်စု လက်ဝယ် ဆုပ်ကိုင်ထားဆဲ ဖြစ်တဲ့ နိုင်ငံပိုင် အသံလွှင့်ဌာနမှာ တပ်မတော်စာတိုက် ရှိသေးလား မသိသော်လည်း ပြည်သူလူထုရဲ့ နွေဦးတော်လှန်ရေး အရေးတော်ပုံ တပ်သားအဖြစ် အကျုံးဝင်တဲ့ စစ်သည်တော်တွေ တပ်ဖွဲ့တိုင်းမှာ ရှိနေတဲ့အတွက် သူတို့အတွက် စစ်သည်တော် စာတိုက် ကဏ္ဍတခု ဘယ် အသံလွှင့် မီဒီယာတခုကနေ စီစဉ်ပေးနိုင်မလဲ။ ဆက်သွယ်ရေးလိုင်းများ ဖြတ်တောက်တာကို မခံရနိုင်တဲ့၊ ဒါမှမဟုတ် တနည်းနည်းနဲ့ ကျော်လွှားဆက်သွယ်နိုင်တဲ့ နေရာတွေ ရောက်နေတဲ့ နွေဦးစစ်သည်တွေဟာ အွန်လိုင်းမီဒီယာတွေနဲ့ မိုဘိုင်းဖုန်းတွေကနေ သူတို့ရဲ့ မိဘဆွေမျိုးတွေနဲ့ တနည်းနည်း ဆက်သွယ်ရနိုင်ပေမဲ့ အဲ့ဒီလို ဆက်သွယ်မှု ဧရိယာပြင်ပကို ရောက်နေတဲ့ ဒါမှမဟုတ် ဆက်သွယ်မှု ပိတ်ဆိုထားတဲ့ ဧရိယာအတွင်း ကျနေတဲ့ သူတွေဆီ နောက်တန်းက ချစ်ခင်သူတွေက သတင်းစကားပါးနိုင်ဖို့ လမ်းတလမ်း ဖောက်ပေးလို့ရရင် အဆင်ပြေမှာပဲလို့ စိတ်ကူးယဉ်မိတယ်။ အဲ့ဒီလို စစ်သည်တော် စာတိုက် ကဏ္ဍမှာ ဖတ်ပြဖို့ ကောင်းမယ့် ကဗျာတပုဒ်ကို ဒီတပတ်မှာ တင်ဆက်ချင်ပါတယ်။ မိမိရဲ့ သံယောဇဉ်ရပ်ဝန်းနဲ့ အဆက်အသွယ် ပြတ်တောက်နေသူ နွေဦးစစ်သည်များ ဒီကဗျာကို နားထောင်ရတဲ့အခါ စိတ်ဓာတ်ခွန်အား တစုံတရာ ရလိမ့်မယ်လို့ ယုံကြည်မိပါတယ်။ ကဗျာဆရာ မောင်လင်းရိပ်ရဲ့ ကဗျာတပုဒ်ဖြစ်ကြောင်းပါခင်ဗျား။

တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ ဒီကနေ့ ဇွန်လ ( ၁၆ ) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။

တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ဒီကနေ့ ဇွန်လ ( ၁၅ ) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။

တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ ဒီကနေ့ ဇွန်လ ( ၁၄ ) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။

တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ ဒီကနေ့ ဇွန်လ ( ၁၃ ) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။

တော်လှန်ရေး တိုက်ပွဲကာလဖြစ်တာနဲ့အညီ တနေ့တာသတင်းဖြစ်ရပ်တွေကို နွေဦးတော်လှန်ရေး သတင်းတွေ ကပဲ ဖုံးလွှမ်းထားတတ်ပါတယ်။ တော်လှန်ရေးထဲကလာတဲ့ စစ်ရေး၊ နိုင်ငံရေး သတင်းတွေအပြင် တနေ့တာသတင်းဖြစ်ရပ်တွေထဲ တခြားစိတ်ဝင်စားစရာ လူမှု၊ စီးပွား၊ ဘဝ သတင်းတွေလည်း ရှိနေတာပါ။ ဒီကနေ့ ဇွန်လ ( ၁၂ ) ရက်မှာရရှိတဲ့ တနေ့တာသတင်းဖြစ်ရပ်တွေထဲက သတင်းတချို့ကို DNA Podcast အစီအစဉ်မှာ စုစည်းဖော်ပြပေးလိုက်ပါတယ်။

ဆံပင်ဋီကာ - ၂  

ဗြိတိသျှကိုကိုမောင်

ဗညားမော်

နွေဦးထဲက ကဗျာတွေဟာ စာအုပ်တွေ ဖြစ်လာတယ်။ အီးဘုခ်တွေ ဖြစ်လာတယ်။ နွေဦးတော်လှန်ရေး ရန်ပုံငွေအတွက် ရောင်းချစရာ တွေလည်း ဖြစ်တယ်။ ထူးဆန်းတဲ့ ကိစ္စလို့ မထင်လိုက်ကြပါနဲ့။ ကဗျာစာအုပ်ဆိုတာ ပုံမှန်အားဖြင့် အရောင်းထိုင်း ပစ္စည်းဖြစ်ပါတယ်။ ဒါပေမဲ့ နွေဦးထဲမှာတော့ နွေဦးကဗျာတွေ ပါဝင်တဲ့ ကဗျာစာအုပ်တွေဟာ တော်လှန်ရေးတပ်ဖွဲ့တွေအတွက် ထောက်ပို့ငွေတစိတ်တဒေသကို ဖြည့်ဆည်းပေးတဲ့ အရာတွေလည်း ဖြစ်ပါတယ်။ ပြည်ပမှာ အခြေချနေထိုင်တဲ့ ကဗျာဆရာတွေရဲ့ နွေဦးကဗျာစာအုပ်တွေလည်း ထွက်ခဲ့တယ်။ ပြည်တွင်းက အထူးသဖြင့် လူငယ် ကဗျာဆရာတွေရဲ့ နွေဦးကဗျာအီးဘုခ်တွေလည်း ထွက်ခဲ့တယ်။ အိမ်နီးချင်း ဒုတိယနိုင်ငံကနေ ထုတ်ဝေတဲ့ နွေဦးကဗျာစာအုပ်တွေလည်း ထွက်ခဲ့တယ်။ အခု လတ်တလောမှာ ထွက်နေတဲ့ ပြည်ကက မြန်မာတွေ ဝယ်ယူအားပေးလို့ ရတဲ့ ကဗျာစာအုပ်အမည်က မြို့ထဲကို စစ်ကားတွေ ဝင်လာပြီးကတည်းက တဲ့။ နွေဦးနဲ့ မရှေးမနှောင်း မွေးဖွားလာတဲ့၊ သို့မဟုတ်ရင်လည်း လူသိများလာတဲ့ လူငယ်ကဗျာဆရာ Plug X က ရေးတဲ့ စာအုပ်ဖြစ်တယ်။ 

        ပြောရရင် နွေဦးတော်လှန်ရေးဟာ လူငယ်တွေရဲ့ အခန်းကဏ္ဍဟာ အခရာကျသလို နွေဦးကဗျာတွေမှာလည်း လူငယ်တွေရဲ့ ကဗျာတွေဟာ အခရာကျတယ်။ တကယ်တမ်း နွေဦး တော်လှန်ကဗျာတွေကို ထက်ထက်သန်သန် ရေးနေသူတွေဟာ တော်လှန်ရေးထဲ တနည်းမဟုတ် တနည်း ပါဝင်နေတဲ့ လူငယ်တွေပဲ ဖြစ်ပါတယ်။ ပြည်ပကနေ လွတ်လွတ်လပ်လပ် ရေးနေသူတွေထဲက ကဗျာဆရာတွေ ဆိုတာ လက်ချိုး ရေလို့ ရပါတယ်။ အဲ့ဒီလိုပဲ ပြည်တွင်းကနေ နွေဦးတော်လှန်ကဗျာကို သတိထားပြီး ချိန်ချိန်ဆဆ ရေးနေသူကဗျာဆရာတွေဟာလည်း လက်ချိုးရေလို့ ရနိုင်ပါတယ်။ တော်လှန်ရေးထဲ ပါဝင်နေကြတဲ့ လူငယ် ကဗျာရေးသူတွေကတော့ မြေပြင်တော်လှန်ရေးအတွေ့အကြုံလည်း နေ့စဉ်နဲ့အမျှ ထိတွေ့နေရတယ်။ တော်လှန်ရေးစိတ် ထက်သန်မှုနဲ့ ဖွင့်ထုတ်ဖော်ကျူးလိုတဲ့ ကဗျာစိတ်ကလည်း ရှိနေသမျှ နွေဦးကဗျာတွေဟာ သူတို့ဆီက တသွင်သွင်စီးလာတယ်။ ဂျပန်ခေတ်ပြီးစမှာ တော်လှန်ရေးအတွေ့အကြုံတွေ သွန်ချလိုက်သလို လူငယ်စာရေးဆရာ ကဗျာဆရာတွေရဲ့ စာပေလက်ရာသစ်တွေ ထွန်းပေါ်လာခဲ့တဲ့ စာပေသမိုင်းကို သတိရမိတယ်။ အခုတော့ ခေတ်အခြေအနေအရ ချက်ချင်းသမိုင်းကို ချက်ချင်းထင်ဟပ်တဲ့ နွေဦးကဗျာတွေဟာ တော်လှန်ရေးကာလထဲမှာကို ထွက်ပေါ်နေသလို စာဖတ်သူ ကဗျာဖတ်သူတွေဆီကို နည်းလမ်းမျိုးစုံနဲ့ ရောက်လာနေတယ်။  ဒီလူငယ် ကဗျာဆရာတွေကို အထူးပြုတဲ့ အနေနဲ့ရော ကဗျာစာအုပ်ရောင်းပြီး တော်လှန်ရေးရန်ပုံငွေအတွက်ကြိုးပန်းနေကြပုံကို ကျယ်ကျယ်ပြန့်ပြန့် သိရှိစေလိုတဲ့ အနေနဲ့ပါ လတ်တလော ထွက်နေတဲ့ မြို့ထဲကို စစ်ကားတွေ ဝင်လာပြီးကတည်းက စာအုပ်ထဲက ကဗျာတစ်ပုဒ်ကို တင်ဆက်လိုက်ပါတယ်။ စာအုပ်အမည်ယူထားတဲ့ ခေါင်းစဉ်နဲ့ ကဗျာကိုပဲ နားထောင်ကြရအောင်ပါ။ ဒီကဗျာမှာ ခပ်ကြမ်းကြမ်း ရေးထားတဲ့ လိင် အသုံးအနှုန်းတချို့ ပါဝင်နေပေမဲ့ လူငယ်ကဗျာဆရာတချို့ ရေးတတ်သလို သုံးတတ်သလို ဂေါ်ချင်လို့ ရှော့ခ်ရစေလိုလို့ သုံးပုံမျိုးမဟုတ်ဘဲ စစ်တပ်ရဲ့ လုပ်ရပ်တွေအတွက် လိုက်ဖက်တဲ့ စကားသုံးတွေလို့ ခံစားမိတယ်။ မြို့ထဲကို စစ်ကားတွေ ဝင်လာပြီးကတည်းက ဆိုတဲ့ ကဗျာဟာ နွေဦးတော်လှန်ရေး အစောပိုင်းကာလကို ရေးသားထားတဲ့ ကဗျာဖြစ်ပါတယ်။ မြို့ထဲကနေ စစ်ကားတွေ မောင်းထုတ်ပြီးတဲ့ အချိန်မှာ ကဗျာဆရာ Plug X ဆီက နောက်ထပ် ကဗျာတပုဒ် ဖတ်ရဖို့ ကျွန်တော်တို့အားလုံး မျှော်လင့်နေကြပါကြောင်း။