Driesestig

In Iowa, VSA, is daar ‘n gesin wat virvyf5 geslagte na mekaar ‘n verjaarsdag op 14 September deel. Die geboortes strek van 1907 tot 2025, en hou nou die Guiness-wêreldrekord.

Danie Snyman vertel van Loxton se bome. In 1899 met die onstaan, het mnr. N.J.H. Theunissen meer as 400 bome langs Loxton se nuwe strate geplant, en weekliks van sy plaas ingery dorp toe om die boompies nat te maak.

Toe Steve Prater sy oog verloor, vervang hy dit met ‘n prostese met die logo van die Amerikaanse voetbalspan, Kansas City Chiefs, daarop.

Corné Gaspar vertel vir Martelize Brink van die lewe in Figuira da Foz in Portugal. Ons hoor onder andere van palings in hulle restaurante.

Talitha de Klerk vertel vir Martelize Brink van Rhythm of Hope Outreach, wat met dans vreugde bring. Sy is vereer deur Nation Builder in hulle Proteas of Mzansi-inisiatief.

Japan se Toshisuke Kanazawa is op 90 ‘n liggaamsboukampioen. Hy wil nog aan die Wêreld Liggaamsboukampioenskappe deelneem in die bo 60-kategorie, en vir Arnold Schwarzenegger wys wat hy kan doen.

Marine bioloog Maryke Musson praat oor langtermyn-aanneming tussen spesies, soos ‘n narwal wat by baloegawalvisse woon.

In vandag se landbounuus: AgriSA en Agbiz doen ‘n beroep op die BRICS-lidlande om landbouhandel tussen lede te verdiep. Die Registrateur vir Diereverbetering verloor ’n appèlaansoek. Die Suid-Afrikaanse kanolabedryf skep nuwe geleenthede. Promtek Africa onderteken ’n samewerkingsooreenkoms met Stellenbosch Universiteit.

Felix Spies Siyafunda Education Foundation vertel vir Martelize Brink van die Ig Nobel-toekennings, wat toegeken word vir watenskaplike navorsing oor vreemde onderwerpe.