‘n Vrou in Australië se huwelik is nietig verklaar nadat haar verloofde van twee dae haar mislei het met ‘n verrassingstroue. Hy het gesê dit is slegs vir ‘n video vir Instagram. Twee maande later vind sy uit die troue is geldig.

Martelize Brink het SANCCOB se rehabilitasiesentrum en skuiling vir pikkewyne besoek, waar Michelle Liebenberg, seniorrehabiliteerder, verduidelik watter pikkewyne permanent gehuisves word weens hulle beserings, en hoe lank die gerehabiliteerde pikkewyne moet kan swem voordat hulle in die natuur vrygelaat kan word.

Jolanda Jacobs verduidelik wat neuroplastisiteit is, en hoe jy jou brein kan herbedraad om dit 'n hupstoot te gee.

Die stad Gent in België het inwoners aangeraai om, as deel van kersboomherwinning, die dennenaalde te eet. Die Federale Agentskap vir Voedselkettingveiligheid het toe uitgewys dat dit dodelik kan wees...

Haidee Muller-Isaacs loer in by poppeversamelaar, Janet Koekemoer-Jooste. Sy leer ken Janet se pratende poppe, wat al ouer as syself is. Janet herstel ook self haar poppe, en maak klere vir hulle. Die pop-parte is 'n duur storie, want dit word meestal ingevoer uit Amerika.

Lydia Von Wielligh-Steyn vertel verder van die gebruik van speserye in parfuum.

Benno-Lutz van der Merwe is n driekampatleet en ysterman. Hy het sonder motorfietservaring en met net ‘n week se voorbereiding, op die ingewing van die oomblik besluit om saam met ‘n vriend die Dak van Afrika te takel. Sal jy ook so iets verstommends radikaal in 2025 aanpak? Johan Rademan het gaan uitvind.

Martelize Brink het op Groot Brakriver by kunstenaar Lize Jonck ingeloer, en gesels oor haar pad van die gasvryheidsbedryf tot kunstenaar.

Klimaatsverandering is deesdae die gonswoord, en ons hoor allerlei redes hoekom dit gebeur. Maar diep in die Winterhoek en Baviaanskloofberge ervaar boere al lankal klimaatsverandering. Meer as 40 jaar gelede het dit byvoorbeeld nog gereeld daar gesneeu en het die Grootrivier standhoudend geloop, onthou Bennie Rathbone van die gasteplaas Hadley. Mariska Spoormaker het met hom by 'n vleisbraaivuur gepraat.