Die reisgogga het Celeste Blaauw in die jare sestig op kampus gebyt. Daai gogga het haar nooit gelos nie. Dit laat jou vooroordele oor ander verdwyn, sê sy. En, sy is 'n reisiger, nié 'n toeris nie vertel sy vir Haidee Muller-Isaacs.

Die stad Bend in Oregon in die VSA vra dat inwoners nie plastiekoë op standbeelde en muurskilderye plak nie. Die gom rig skade aan, en dit kos geld om die oë te verwyder.

Op jou restaurantbord is dit calamari, in die oseaan is dit inkvis, en in vissermanstaal is dit chokka wat in die Indiese oseaan tussen Oesterbaai en Nelson Mandelabaai gevang word. En dit is van die beste calamari in die wêreld – ’n lekkerny wat ongelukkig min Suid-Afrikaners beskore is, want dit word hoofsaaklik na Europa uitgevoer. Mariska Spoormaker het hieroor gepraat met Clive Cantor, calamari-kenner van Port St. Francis.

Die Griekse eiland, Syros, het saam met 25 000 mense ook 3 000 straatkatte as inwoners. Hulle soek vrywilligers om minstens ‘n maand op ‘n slag daar te help om katte te versorg.

Haidee Muller-Isaacs het gaan inloer by Bellville se heel eerste kostuin, waar 'n man wat voorheen haweloos was, vir haar vertel hoe groentekweek sy ganse lewe verander het. Hy woon deesdae saam met ander ywerige tuiniers in 'n ou pastorie in Bellville.

In Japan is ‘n replika van die Gryffindorswaard uit ‘n Harry Potter-film vir ‘n jaar lank verkoop. Owerhede het later besef die replika is skerp genoeg om ’n wapen te wees, wat wetgewing oortree. Die swaarde is nou herroep.

Esther Matthew vertel vir Christelle van Tonder van Suid-Afrika se skilpaaie, en hoe gemaak as jou paaie met een kruis.

Aan die voet van die Bosberg in KwaNojoli, oftewel Somerset-Oos in die Oos-Kaap, staan die Paulet-skrywershuis. Dié historiese huis was eens ’n holte vir die baie besige voet van die bekende Jakes Gerwel, wat onder meer direkteur-generaal in Nelson Mandela se presidensiële kantoor was en ook rektor van die Universiteit van Wes Kaapland. Mariska Spoormaker het by die huis gaan inloer en gepraat met Theo Kemp, uitvoerende direkteur van die Jakes Gerwel-stigting.

‘n Visserman op Mosselbaai het tot ‘n vrou se redding gekom nadat ‘n seestroom haar meegesleur het. Die visserman het sy tot by haar ingegooi. Sy kabeljouhoek het in haar denim gehaak, en hy kon haar inkatrol vlakwater toe.

Haidee Muller-Isaacs loer in by 'n boublokkie-uitstalling in Durbanville in die Kaap. Daar hoor sy meer oor bloublokkieklubs en mense wat passievol oor dié lekker stokperdjie is.