Driesestig

‘n Man in Amerika sukkel met ‘n kragrekening wat styg, al doen hy wat. Toe die diensverskaffer gaan kyk wat gebeur, besef hulle hy betaal al 18 jaar lank sy bure se krag.

Swemafrigter Rocco Meiring vertel vir Martelize Brink van swem in Suid-Afrika. Verskeie Olimpiese swemmers, onder andere Tatjana Smith, Kaylene Corbett en Erin Gallagher, word deur hom afgerig.

Vyf jaar gelede het Mariska Spoormaker in die Kougaberge kennis gemaak met Bloedneus, ’n stokou Isuzu-bakkie wat met drade en genade aanmekaar gesit is. Sy het nie gedink Bloedneus sou vyf jaar later nog loop nie, maar toe vind sy uit dié bielie brul nog vasberade voort.

Dieetkundige Saskia Zietsman vertel van allulose se plek tussen al die suikervervangers en versoeters.

As sesjarige het Andi Norton van Arizona ’n Lego-stukkie in sy neus gedruk. Ná 26 jaar is dié vergete blokkie eindelik uit.

Reinhardt van Zyl vertel van die eilandlewe op Mauritius, en hoe hy daar beland het.

Dr. Simo Sauer vertel vir Johan Rademan van die vier hoofgroepe waarin slange gegroepeer word, en watter die gevaarlikes is.

Therina Wentzel praat oor eko-toeganklikheid, soos rolstoeltoeganklike strande en staproetes.

Een van die redes vir hoë koffieprys is droogte. Dit veroorsaak dat Viëtnamese boere eerder durian vir die Chinese mark verbou. Dié vrug stink so, dat dit op openbare vervoer verbied word in Thailand, Japan, Singapoer en Hongkong.

Kadys Prins gesels oor die wêreld se krokodilspesies, en hoe hy met krokodille boer.