Klimaataktiviste blaas nou sportnutsvoertuie se bande af, en los ‘n pamflet om te verduidelik dat die voertuie nie planeetvriendelik is nie. Só probeer hulle mense ontmoedig om dié soort voertuie te koop, wat die grootste deel van die Verenigde Koninkryk se nuwevoertuigverkope uitmaak.

‘n Groep Amerikaanse huiseienaars het 14 000 ton sand tussen hulle 15 huise en die see gegooi om die huise te beskerm. Die hoop was dat dit vir 3 jaar sou hou. Na 3 dae het ‘n storm reeds meer as die helfte van die nagenoeg $600 000 se sand weggespoel.