Driesestig

Mariska Spoormaker het gaan kuier by Chris Muller, oud-skoolhoof en sy vrou Elise, wat sonder ’n oomblik se huiwering vir jou sal sê een van hulle kinders is ’n vark. Haar naam is Mona, sy weeg 110 kilogram, en wanneer sy verjaar, sing Elise vir haar...

Stefan Gerber vertel vir Martelize Brink van sy wolverwerkingsfabriek in die Paarl, wat sorg dat die volledige wolwaardeketting van begin tot einde weer op plaaslike bodem te vinde is.

‘n Spaanse atleet in die 20km-stapitem by die Europese Atletiekkampioenskap is haar bronsmedalje kwyt toe sy vyf meter voor die wenstreep haar plek op die podium begin vier het, en sy twee meter voor die wenstreep van agter verby gegaan is.

Facebook-plasings wat wys hoe ‘n groep branderplankryers in hulle viertrekvoertuie oor die groen heuwels van die Wildekus ry om die ideale branders te vind, het dr. Div de Villiers, voormalige hoof van die Oos-Kaapse Groen Skerpioene, rooi laat sien. Hy het aan Mariska Spoormaker gesê dié soort video’s skep die indruk skep dat jakketrakke kan maak soos hulle wil wanneer hulle die Wildekus besoek.

Koshistorikus Hetta van Deventer-Terblanche praat oor gemmer, borrie en galangal.

Fidji se Eerste Minister het by die Oceania Atletiekbyeenkoms ‘n bronsmedalje vir gewigstoot in die 75 tot 79 jaar ouderdomsgroep gewen.

Hollywood-aktrise Anna Greene vertel hoe sy voor die kameras beland het. Sy gesels ook oor wat haar opgewonde maak in haar rol as filmvervaardiger.

Johan Rademan vind meer uit van die Hester Rupert en Jan Rupert sustermuseums in die Juweel van die Groot Karoo, Graaff-Reinet. Kurator Elize-Mari Schoonbee vertel wat daar te sien is, en van hulle 2025-kunstenaarsprojek.

Marelize Keyser vertel vir Martelize Brink van haar Robotikaleerlinge wat ‘n skaakbord vir siggestremdes ontwerp het. Jair February en Abigail Schubert sien darna uit om Suid-Afrika in ‘n kompetisie in Australië te gaan verteenwoordig. Jair se siggestremde ma, Velindie February, vertel hoe sy deel van hulle proewe was.

Chinese is onthuts ná ‘n video wys hoe ‘n waterval wat ‘n toeristeaantreklikheid is, met water uit ‘n pyp aangevul word.