Driesestig

Steven Drotské vertel vir Martelize Brink van Mechelen in België. Hy bring die braai na hulle bierkultuur!

Kortom is een van RSG se gewildste potgooi-besoekpunte, want ‘n groot verskeidenheid kortverhale word Dindagaande om 22:10 daarin voorgelees. Vannaand stel regisseur Johan Rademan ons voor aan Advokaat Piet van Wyk wat in sy bundel, TUSSEN TWEE VURE, sy verskeurdheid as ‘n jong bruin polisieman in ‘n veranderende Suid-Afrika weergee. Die voorleser en bekroonde akteur, Dean Balie, se ouers was beide in die Suid-Afrikaanse Polisiediens. Ons hoor ook van ‘n matrikulant en Proscenium Drama-wenner, Kayle Farmer van Alexanderbaai, hoe dit voel om die ateljee met Dean Balie te deel.

‘n Kragkabel van £430 miljoen het weens klagtes geskuif. Die beplanning was dat dit op ‘n strand deur die simboliese graf van die karakter Dobby uit Harry Potter sou loop.

Veearts dr. Ingrid de Wet beantwoord luisteraars se vrae oor katte en honde.

In hierdie week se landbounuus: Dr. Theo de Jager van Saai en dr. Danie Odendaal van Veearts Netwerk dien nou ook op die Departement van Landbou se Bedryfskoördineringsraad. Die Nasionale Oesskattingskomitee sê die land se verwagte mielie-oes is die grootste op rekord. Gedeeltes van die suidwestelike streek in die Wes-Kaap beleef die droogste Julie nóg. Beoordeling in Agri-Expo se tweede Suid-Afrikaanse Preserveerkampioenskap afgehandel.

Prof. Phillip Strydom vertel vir Martelize Brink hoe om die verskillende datums op vleisverpakking te interpreteer.

‘n Petrolstasie in die VSA gee mense die geleentheid om te dans, om tot 20% afslag te kry.

Kos- en kultuurhistorikus Hetta van Deventer-Terblanche gesels oor historiese kosmites, soos dat nachos Meksikaans is.

Niel Germishuys van die Living Large Stigting stap van Swakopmund in Namibië na Mouillepunt in Kaapstad om geld in te samel vir rolstoele.