Driesestig

Op vlerksleeptoepassings kry mense langer as 6 voet by verre die meeste aandag. In Engeland word daar nou partytjies vir enkellopendes gehou, maar jy moet korter as 6 voet wees om in te kom.

Op 1 Oktober 2027 is dit die opening van die Rugby Wêreldbeker-eindtoernooi in Perth, Australië. Die gasheerland se openingswedstryd is teen Hongkong – China. Johan Rademan gesels met die Direkteur van Rugby by Sandy Bay RFC in Hongkong, oud-Vrystater Marno Meyer, wat ook in die afrigtingspan van die Wêreldbekergroep ingesluit is. Die kanse dat selfs Paul Roos Gimnasium en Paarl Gimnasium ook op die veld sal draf, is in dié stadium baie goed.

Dr. Jo-Marie Bothma praat oor anhedonie. Dit is wanneer jy nie meer plesier kry uit dinge wat voorheen vir jou lekker was nie.

‘n Italianer het sy loteryboodskap verkeerd verstaan. Van sy loterykaartjie is daar gesê: Nie betaalbaar. Dit was egter omdat die bedrag van €1 mijoen te groot vir by die winkel was. Toe gooi hy dit weg. Eindelik is dit uit die vullisvragmotor gered.

Haidee Muller-Isaacs gesels met Basil May, oudrektor van die Wesley Onderwyskollege. Hy is steeds besig, en op een of ander manier betrokke by die jeug en die onderwys. Hy is bekommerd omdat vandag se kinders nie kan lees nie - selfs op sekondêre skool bly dit 'n uitdaging. Haidee vind meer uit oor die nuwe leeshoekie wat hy en 'n gemeentelede by hulle kerk begin het.

Marissa Groenewald vertel van haar vreemde sport. Sy staan bekend as The Rope Runner. Sy spring tou terwyl sy hardloop. Sy het vanjaar haar tweede Comrades só voltooi, en doen dit as ‘n aktivis teen mensehandel.

In New Jersey in die VSA het ‘n polisieman hom soos ‘n bos vermom om motorbestuurders op selfone te vang.

Emmie Bedeker vertel vir Martelize Brink van Khorixas in Namibië waarheen hulle jare gelede as studente getrek het.

Ouma Elma Bloem van Mosselbaai se kleinkinders het aan haar lippe gehang as sy eers losgetrek het met haar stories. Almal van hulle is nou al groot, maar Ouma Elma vertel steeds die mees fassinerende stories van haar en Mia, haar hondjie, wat sy by die DBV "gered” het, se avonture.

Nieu-Seeland het pas sy derde amptelike taal gekry – Engels, wat deur 95% van die bevolking gepraat word. Snaaks genoeg is Engels nie ‘n amptelike taal in Engeland nie.