Driesestig

Gerrie van Vuren staan op die R23 Heidelberg/Standerton pad so 3km vanaf die N3 met sy padstal. Op 66 jaar het hy sy braaiwa self gebou. Hy bring hulde aan sy vriend Peter wat laasjaar by sy staanplek beroof en vermoor is.

Volstruise het ‘n lang geskiedenis in die Klein Karoo. Dit is bekend dat die San al vir honderde jaar volstruise gejag het vir hulle vleis en die eiers gebruik het as ‘n voedselbron en die lee eierdoppe as houers gebruik het, veral vir hulle water. Jacqui January kuier vandag op Middelplaas in die Klein Karoo en gesels met Michael Joemat wat tussen die volstruis kuikens sit wat hy grootmaak.

Haidee gesels met die jong argitek Henco Posthumus wat vertel oor 'n konstruksiegedrewe organisasie gemik op versoening en herstel deur samewerkings pogings met gemeenskapgebaseerde bedieninge en nie-regerings organisasies in Suider-Afrika.

Martelize gesels met sportsmasseerterapeut en liggaamstegnikus, Miki Kruger oor die belangrikheid van 'n korrekte postuur en die impak op ‘n kind se gesondheid asook in hul volwassene jare is.

’n Man wat byna 24 uur op see in Nieu-Seeland deurgebring het, het sy redders se aandag gekry deur sy horlosie te gebruik om die son te weerkaats.

Haidee kuier by die skrywer en TV-aanbieder Erns Grundling. Hy word vir die eerste keer pa op 44 - en dis boonop identiese tweelingseuns wat een van die dae hul opwagting gaan maak. Erns vertel ook hoe hy nou sy lyf regkry en sweet in die gimnasium vir hierdie groot taak wat op hom en sy vroulief wag.

Martelize gesels oor die belangrikhied van diep-asemhalingsoefening met Dr. Etienne van der Walt, neuroloog by Neurozone.

Martelize gesels met Francois Krige; boomkundige en voorsitter van FOTAG Friends of the Arderne garden oor een van die beste openbare tuin van eksotiese bome in Afrika.

Siviele Ingenieur, Dawie Botha gesels in So is die land gebou oor die tegniese besonderhede van spoorlyne, instandhouding en lokomotiewe in RSA se geskiedenis.

Johan Rademan is in gesprek met Riana Scheepers en Elsabe Ebersohn oor ‘n toevallige eko-bewaringsprojek.