Karen Els kuier by Martelize Brink en vertel van haar reis van lugwaardin tot haar ervarings op Masterchef en Kokkedoor Vuur en Vlam waar sy en spanmaat Gert Joubert koning gekraai het.

Hetta van Deventer-Terblache praat oor peper, die rockster van speserye.

‘n Man in Pole het tussen winkelpoppe in die winkelvenster gestaan en gewag tot die winkel sluit, voor hy juwele gesteel het.

Danie Morkel het verskeie wêrelddele besoek om te studeer - handelsooreenkomste in Marokko, wynbou in Australië en Frankryk en branderplankry in Indoniesië. Hy is tans tuis by die Diemerskraal Vliegveld by Wellington. Johan Rademan het hom gevra waar hy wortel geskiet het.

Ivor Swartz gesels oor geestesgesondheid, en die jaarlikse vlieërfees in Kaapstad, wat om die draai is.

Willy Mathys is op Calvinia gebore, en woon al jare lank in Kuilsrivier. Hy hou van stories vertel, en is al jare lank afgetree. Hy belsuit toe om 'n boek met sy stories saam te stel. Haidee Muller-Isaacs het meer gaan uitvind oor die stories, wat Willy so smaaklik vertel.

Prof. Nico Steytler gesels oor sy ma, die skrywer Elsa Joubert, wat vandag 101 jaar oud sou wees.

Die Russiese Ortodokse Kerk is ontevrede met die nuwe 1000 Roebel-noot. Die kerk op die noot word sonder ‘n kruis op die koepel uitgebeeld, hoewel die werklike kerk ook nie ‘n kruis op die koepel het nie. Die verspreiding van die noot is vir eers gestaak.

Die Maroela is inheems aan Suider Afrika, en amper elke deel van die boom kan vir menslike verbruik benut word. Jacqui January het gaan hoor hoe die lekkerste drankie of bredie van die skille van die vrugte gemaak word. Sy gesels met Petra Terblanche, wat werk met landelike vroue in Limpopo. Hulle leer mekaar van die gebruike van hierdie besonderse boom.