Daar is nou Suid-Afrikaners wat sê hulle fokus eerder op die kere wanneer daar wel krag is as op die beurtkragfases, want só sal hulle die krisis oorleef. Maar oorlewing raak 'n groter kopsorg wanneer jy 'n kleinbesigheid vóór die felle beurtkrag gekoop het, en die aankoop van 'n kragopwekker en diesel nie in die aanvanklike berekening gebring is nie. Dan het 'n mens beurtkrag- én besigheidvasbyt nodig, het Melanie Ruth Pillay van Gail Force Printing op Kariega vir Mariska Spoormaker gesê.

Generaal-majoor Willem Smit vertel vir Martelize Brink van die Bond van Oudpolisiebeamptes Westelike Provinsie. Saam met die sosialisering is daar ook ondersteuning vir oudpolisiebeamptes.

Melt van der Spuy gee vir Martelize Brink raad om die beste te kry uit jou poging met bemarking met video’s. Melt sê, begin net en wees outentiek.

Janco Geldenhuys vertel vir Martelize Brink oor planne om oneffektiewe gloeilampe van die mark af te haal. Hy sê LED-lampe is die beter opsie.

‘n Aktrise en ‘n beroepsfotograaf se paaie het gekruis, en net daar en dan skiet die kreatiewe vonk op om na-ure in die middestad ‘n onbenutte gebou met ‘n intieme teater te omskep in ‘n kreatiewe teaterjuweeltjie. Johan Rademan het ’n jaar later met Nardus Engelbecht en Lara Hatting by Die Toneelhuis gaan kuier.

Pianis Charl du Plessis gesels oor sy loopbaan agter die klavier en hoe hy met sy Steinway vleuelklavier deur die land toer.

Die Kaapse pulmonoloog, dr. Delano Rhode, se stem hoor jy gereeld op RSG, eers in alhoebekker en nou weer op Vrydae op Intussen met Eloise. Haidee Muller-Isaacs het meer oor hierdie passievolle dokter en sy absolute liefde vir kinders gaan uitvind.

Aktrise Jawaahier Petersen sê: wees net lekker. Sy vertel van haar studiekeuse, draaipunte in haar loopbaan en dat sy bang is om te droom, want drome word waar.

Die Paarl se fiksheidsghoeroe, Olivia Losper, is meer as net ’n fiksheidsafrigter - haar hart is gekoppel aan haar werk. Moed verloor doen sy nie sommer nie, hoor Haidee Muller-Isaacs.