Haidee Muller-Isaacs gesels met Dewald Louw. Hy was in 2006 die wenner van die heel eerste Afrikaanse Idols. Vandag is hy ’n sielkundige, wat fokus op eetversteurings.

Danny de Nobrega vertel vir Johan Rademan en Martelize Brink van 'n gratis byeekoms waar sowat 2 000 kinders en ouers kan leer van brandbestryding, brandveiligheid en fynbos.

Dawie Botha vertel vir Johan Rademan en Martelize Brink van die groot damme wat die Vrystaat omring.

Ingrid de Jager gesels oor Care Career Junction, wat help met beskermde werk vir verstandelik gestremde mense.

Dr. Angelique Kritzinger praat oor plantblindheid. Mense ken nie meer die plante in hulle omgewing nie, en sien dit eenvoudig nie meer raak nie.

Maryke Musson gesels oor die ploegskulpslak, wat veral op strande te sien is waar hulle bloublasies en jellievisse eet.

Zonja Penzhorn vertel van anonieme digitale hulpbronne, soos die Chomi kletsbot, wat gebruik word in die stryd teen geslagsgebaseerde geweld.

Daar is al baie gesê dat Nelson Mandelabaai met onder meer twee riviermondings, uitsonderlike strande en die Baakensriviervallei, die Oos-Kaap se natuurhoofstad is. Dié natuur het nou nog ryker geword met die toevoeging van die Nyosi Wildreservaat binne die metro se munisipale grense. Mariska Spoormaker het jagluiperds in die meer as 2 500 hektaar groot reservaat gaan soek, en vir Pieter Kleynhans, operasionele bestuurder, gevra hoekom ‘n wildreservaat so naby die metro gevestig is.

Emma Burger, Brenton Maarman en Craig George praat oor opleidingsgeleenthede vir personeel in die wynbedryf.