Christiaan Steyn en Hermann Meyeridricks gesels met Johan Rademan en Martelize Brink oor kleiteikenskiet. Christiaan is die juniorkampioen by die Britse Ope. Herman help reël aan die kleiteikenskiet-wêreldkampioenskap wat in 2023 in Kaapstad plaasvind.

Van Wyk Venter vertel hoe ‘n besering sy drome van rugby na opera laat skuif het.

Besighede se deelname aan die bestuur en lewering van dienste en infrastruktuur in gemeenskappe is van onskatbare belang. Regerings wêreldwyd maak gebruik van sulke vennootskappe om beter en kostedoeltreffende dienste te lewer. Suid-Afrika doen tans baanbrekerswerk in hierdie verband, en 44 lande in Afrika neem deel om beter dienste d.m.v. die private sektor te lewer. Jacqui January het meer gaan uitvind…

Catherine Bothma vertel vir Johan Rademan en Martelize Brink van ‘n herwinningsprojek wat poog om eenmiljoen te oorreed om hulle tot herwinning te laat verbind.

Dawie Botha vertel vir Johan Rademan en Martelize Brink van die De Hoop-dam in Limpopo.

Naomi Stolze vertel vir Haidee Muller-Isaacs van haar lewe met vrugbaarheidsprobleme, hoe sy en haar man tweelingdogtertjies aangeneem het, en toe, terwyl sy op kankerbehandeling is, sy skielik uitvind sy is swanger. Daar is nou drie woelwaters in haar huis, en ten spyte dat een van die linge, outisties is, sou sy haar lewe nie anders kon voorstel nie.

Dieetkundige Irene Labuschagne verduidelik hoe sekere kossoorte soos heuning vir veiligheid bestraal word.

Renée Leeuwner vertel vir Martelize Brink van die vrywilligersprogram by die Twee Oseane Akwarium.

Vandaliste is besig om die historiese hart van Gqeberha uit te ruk, maar op grondvlak word die teendruk van inwoners, kunssinniges, sommige politici en toerisme-verteenwoordigers al hoe sterker, het Mariska Spoormaker gevind toe sy die voorstad, Sentraal, besoek het. Daar het sy ook die Baaienaar, Norman John Visser, raakgeloop.

Wouter Kruidenier en Pieter Smit vertel van die Christen Aksie Netwerk, ’n niewinsgewende organisasie, wat die Durbanville-omgewing verfraai deur openbare ruimtes te beplant en te onderhou.