Samara Cloete praat oor sosiale emosionele geletterdheid, en hoe jy dit aanleer.

Prof. TG Barnard vertel vir Martelize Brink hoe 'n mens water suiwer.

‘n Bateleur is ‘n roofvoël, maar hierdie bateleurs roof nie, hulle vlieg vir die omgewing. Dis ‘n groep vlieëniers wat omgewingsbewaringsorganisasies op ‘n vrywilligersbasis bystaan. Jacqui January het by een van die lede van die Bateleurs gaan kuier.

Marshall Nelson vertel vir Martelize Brink hoe die Youth Media Movement in Mitchells Plain mense voorberei vir die 4de industriële rewolusie. Dit sluit in die bou van hommeltuie en 3D-drukkers. Hulle doen hommeltuigsokker-demonstrasies om mense se belangstelling te prikkel.

Thomas en Donné Breytenbach is die eerste Suid-Afrikaanse tweeling wat saam aan die Statebondspele gaan deelneem. Johan Rademan en Martelize Brink het met hulle gesels.

Emile Joubert werk in die wynbedryf, maar sy pad met kos kom al sy lewe lank met hom saam. Hy kuier in Haidee Muller-Isaacs se sitkamer, waar hy vertel hoe hy as sesjarige saam met sy ouers in Engeland moes gaan woon toe sy pa daarheen verplaas is. Hy het die kosbaarste herinneringe aan sy ma, en vertel vir Haidee van sy interessante lewensreise, en sy kosmemoirs wat hy pas vrygestel het.

Magdalene Minnaar gesels oor haar grootwordjare, haar loopbaan as operasanger en nou as artistieke direkteur van Kaapstad Opera.

Marion Holm vertel vir Johan Rademan en Martelize Brink van haar rol as Florence in RSG se nuwe middagvervolgverhaal, Ou liefde Roes deur Joe Kleinhans.

Monte Engelbrecht gesels met Johan Rademan en Martelize Brink oor die komende naweek se Curriebekerfinaal op Kimberley, en wat dit vir Griekwasrugby beteken.

Roy Ernstzen praat oor die impak en herstelvooruitsigte van die brand verlede week in die Helderberg Natuurreservaat. Die brand is deur 'n groot hoeveelheid reën gevolg.