Francois Viviers praat oor aanlynswendelskemas, en hoe jy jouself kan beskerm.

Projekbestuur is dikwels die verantwoordelikheid van 'n enkele projekbestuurder. Die verskil met persoonlike projekbestuur is dat jy self direk aan die proses moet deelneem. Ons weet baie keer wat ons wil bereik, maar alte dikwels bly dit net een groot droom. Jacqui January praat met Dominic Paris, ‘n oudonderwyser en projekbestuurder, oor die belangrikheid van beplanning, beplanning, beplanning…

Maryke Musson vertel vir Martelize Brink hoe daar in Nederland met geelstert op land geboer word.

Marizanne reis vrou alleen vir maande op ‘n slag per fiets deur die wêreld. Sy het al reise onderneem in Suid-Amerika, Israel, Australië, verskeie Wes-Europese lande en in Maleisië, Thailand en Indonesië. Sy is nou oppad na Die Spaanse Riviera.

Calvyn du Toit vertel vir Martelize Brink wat sintropiese landbou behels, en waarom mense al hoe meer na hierdie manier van boer kyk.

Kurator Nomama Mei vertel vir Martelize Brink van die Kwelera Nasionale Botaniese Tuin in Oos-Londen. Dit is Suid-Afrika se tiende nasionale tuin, en word op 10 hektaar gebruikte grond langs die Kwelera Natuurreservaat ontwikkel.

Van Kariega tot medekomponis van die platinum jubileum-lied vir Koningin Elizabeth II wie se 70-jaar regeerperiode gevier word. Dié hoë eer het Anton van der Merwe, boorling van Kariega (Uitenhage) en deesdae in Brittanje, te beurt geval toe hy gevra is om as een van net twee komponiste, een segment vir dié lied te komponeer. Mariska Spoormaker het met hom gepraat toe hy in Nelson Mandelabaai gekuier het.

Die dansende Lipizzaner-perde het van Kyalami in Johannesburg na die Paarl verhuis. Haidee Muller-Isaacs het die perde se stalle gaan besoek, en vind meer uit van hierdie besonderse perderas.

Louis Venter vertel vir Martelize Brink van ryhuise wat in gewildheid toegeneem het, en waarom dié leefstyl hom pas.

In elke dorp of stad is daar mense wat hulle tyd en bronne beskikbaar stel aan hulle gemeenskappe. Dis vrywilligers wat ‘n onbaatsugtige taak verrig, meestal sonder vergoeding. Die belangrikste vaardighede wat jy vir vrywilligerwerk nodig het, is deernis, ontferming en ʼn oop gemoed, om te doen wat gedoen moet word met ʼn positiewe ingesteldheid. Jacqui January stel ons voor aan een so ‘n omgeemens.