Driesestig

Die elfjarige Elkeisa Jacobs van die Sandsakkies op Dysselsdorp moes 2014 die skool verlaat as gevolg van haar mediese toestand. Sy is met brongiëktase gediagnoseer. Dis 'n kroniese longsiekte, wat beteken daar is ‘n permanente vergroting en dilatasie van die gedeeltes van die lugweë van die long. Dit kan nie herstel word nie, en lei daartoe dat slym in Elkeisa se lugweg opbou. Sy moet so te sê 24 uur gekoppel wees aan ‘n suurstofmasjien. Die gaan maar broekskeur met die familie, maar nou het sy danksy die goedhartigheid van 'n mediese maatskappy, 'n draagbare suurstofmasjien gekry ter waarde van R33 000. Haidee Muller-Isaacs het meer gaan uitvind.

Ira Bekker vertel vir Johan Rademan en Martelize Brink hoe sy natuurlike produkte uit die veld of tuin vir drukwerk gebruik.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe wat onder die letter R val, word bespreek deur Niek van den Berg en Hannes Bester van HGG se Welvaart-sake-eenheid, en Edmund du Plessis, van Helderberg Insurance Brokers.

Kliniese hipnoterapeut en psigoterapeut, dr. Elmari Mulder Craig, en neurochirurg dr. Francois Swart vertel van 'n breinoperasie op 'n pasiënt wat wakker was tydens die operasie. Dr. Mulder Craig het hom voorberei met hipnose, en het hom tydens die operasie bygestaan.

Lesley de Reuck, die bestuurshoof van die Kaapstadstadion, gesels oor sy liefde vir sport en die uitdagings om hierdie ikoniese stadion te bestuur.

Kindersielkundige dr. Truida Botha vertel hoe jy die nuus aan jou kinders moet breek dat jy ‘n nuwe lewensmaat het.

Oudpolisiekolonel Una Saayman vertel vir Haidee Muller-Isaacs van haar grootworddae op Mosselbaai, en hoe sy later in haar lewe die wonder van wedlope ontdek het.

Die Baai spog met een van die eerste aanlegte in Suid-Afrika waar indringerhout en plantmateriaal deur ‘n vergassingsproses in ‘n hoëgraad koolstofproduk omgeskakel word. Dié koolstofproduk kan met groot voordeel in die landbou, mynbou en mediese veld aangewend word. Mariska Spoormaker het by die aanleg naby Seaview gaan inloer, en Japie Buckle, direkteur van Hive Ecosystems, daar aangetref.

Veearts dr. Ingrid de Wet praat oor die behoeftes en skete van senior troeteldiere.

Jaap Lourens van Sentech vertel vir Martelize Brink van die uitdagings met FM-senders in Suid-Afrika, en hoe die onderhoud- en instandhoudingsprosesse werk.