Driesestig

Kenneth Makatees, die operasionele hoof van SAUK in Kaapstad, praat oor Swartwoensdag en die belang van joernalistieke vryheid.

Haidee Muller-Isaacs het by Companjesdrift buite Stellenbosch gaan kyk hoe die vrolike Lena Conradie makataankonfyt aanmekaarslaan. Lena is op Montagu gebore. Sy vertel vir Haidee wat sy alles by haar ouma Lena geleer het.

Die afgelope week was Nasionale Vetsug-week. Dieetkundige Ronel Beukes verduidelik hoe om dié probleem te oorkom.

Waarvoor mag jy in 'n werksadvertensie vra? Dit het onlangs op Twitter gegons oor 'n nagklub wat presies gevra het wat hulle in 'n kandidaat soek/ Hoe wettig is dit?

Prof. Wikus van Niekerk wat op die Gautrainprojek gewerk het, vertel hoe die geraas van treine, veral in beboude gebiede, bestuur word deur die ontwerp van infrastruktuur om die trein.

Een en twintig jaar lank was Danieta Ferreira die hoof van Kleuterland Bewaarskool op Despatch. Sy is nou 64 jaar oud, en naby aftrede. Sy het besluit stilsit is nie vir haar nie, sy gaan eerder veldverpleër en assistent-ambulansbestuurder op Ascension in die Atlantiese oseaan word. Mariska Spoormaker het haar op haar laaste werksdag by skool gaan opsoek.

Mariette Wheeler vertel van haar pad as navorser op Marioneiland tot 'n onderwyser, wat haar liefde vir die natuur, veral die see, met die nuwe generasie deel. Sy is onlangs aangewys as die beste onderwyser in die land.

Dr. Kobus Roux praat oor die rol wat genetiese toetse in geestesgesondheid speel.

Christelle Colman gee raad oor die risiko's verbonde aan reis tydens die pandemie, noudat dit makliker is om weer oorsee te gaan.

In die Tsitsikamma het Mariska Spoormaker op verskeie pakke wolwe en wolfhondkruisings afgekom, en toe die hartseer storie by Robin McDonald van die Tsitsikamma Wolf Sanctuary gehoor. Basies kom dit daarop neer dat hierdie wolwe en/of wolfhondkruisings óf mishandel is óf deur hulle voormalige eienaars oorhandig is aan die hawe, omdat hulle nie meer kans gesien het vir hulle onvoorspelbare gedrag nie.