Dit is nogal iets om by die Kuzuko-wildreservaat in die Karoohartland te kom en geen ander gaste te vind nie, want dit is hier waar Sylvester, die wêreldbekende wegloopleeu uit die Karoo Nasionale Park, suksesvol gevestig is. Die lodge is gesluit vir onderhoudwerk, het Catharina de Lange, algemene bestuurder, aan Mariska Spoormaker verduidelik. Maar ja, met die Covid-pandemie het die oorsese besoekersgetalle só gekrimp dat hulle 40 werknemers moes aflê. Om hulle gewese werknemers te help oorleef, lewer Kuzuko elke maand kospakkies by hulle huise af. Catharina verduidelik hoekom dit gedoen word.

Bettie Niewoudt praat oor pleegsorg in Suid-Afrika .

Hester van der Merwe praat oor vroue se aanslag tot beleggings en vroue
finansiële adviseurs se aanslag tot hulle werk.

Maggi Loubser vertel vir Martelize Brink hoe bakterieë gebruik is om Michaelangelo-standbeelde skoon te maak.

Hannerie Visser gesels met Martelize Brink oor vanjaar se Food XX toekennings wat vroue in die gasvryheidsbedryf vereer.

Marienebioloog dr. Melissa Boonzaaier-Davids gesels verduidelik hoe weekdiere aangepas is om op geweldige dieptes in die oseaan te lewe.

Haidee Muller-Isaacs kuier by motiveringsspreker Rene Arendse. Hulle gesels oor haar liefde vir musiek, hoe sy 'n musiekskool begin het, en nou ook instrumente restoureer. Rene het 'n paar jaar gelede die program, Die Klank van Ons Kultuur, op RSG aangebied.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Casper Marais is 'n direkteur van HGG Finansiële Groep se Konsult-sake-eenheid en ook 'n sakeman met baie ondervinding as entrepreneur. Uit sy eie ondervinding en as beplanner bied Casper 'n ryke skat wenke en raad. Hy lig ons onder meer toe oor die noodsaaklikheid van navorsing vooraf en 'n sakeplan wanneer 'n nuwe sakeonderneming - van 'n tuisbedryf tot 'n groot maatskappy - gevestig word. hggroep.co.za

Yolanda Steyn en Marlise Serfontein gesels met Johan Rademan en Martelize Brink oor perdeterapie om depressie te behandel.

Voedselnood is 'n kille werklikheid vir menige huishoudings in Suid-Afrika. Jacqui January het gaan kyk wat ‘n nie-regeringsorganisasie die afgelope 18 jaar doen om hierdie nood te verlig.