Merlyn van der Rheede praat oor vanjaar se tema vir Vrouedag - Vroue in leierskap: die bereiking van 'n gelyke toekoms.

Vra enige inwoner van Despatch, en hy of sy sal jou dadelik kan sê waar pryk die dorp se draaiende waterwiel al jare lank. Maar nou is die wiel nie net stil nie, dit is heeltemal weg! Mariska Spoormaker het vir Frans Swanepoel, ‘n gemeenskapsleier van Despatch, gevra wat gebeur het.

Lance Witten vertel vir Martelize Brink van 'n platform om mense te help om plaaslike kosmakers te ondersteun.

‘n Omgewingsvriendelike leefstyl het wêreldwyd posgevat. Van die voordele is nie net bewustelike besluite in en om die huis nie, dit kan ook ekonomies wees. Jacqui January vertel van ‘n baie persoonlike gebruiksitem – herbruikbare sanitêre doekies.

Dr. Linda-Louise Geldenhuys gesels met Martelize Brink oor die impak van Covid-19 op vroue in die werkplek.

In die kurkdroë Nelson Mandelabaai het die sakekamer met die Adopt a School-veldtog begin om vyf begunstigde skole se waterinfrastruktuur 100% funksionerend te kry, en om boorgate by sommige skole te sink. Met Gift of the Givers as implementeringsagent en Ford SA as borg, vorder die werk fluks. Mariska Spoormaker het gaan inloer by die Laerskool Fontein in Gelvandale.

Dr. Miemie du Preez gesels met Johan Rademan en Martelize Brink oor borsvoeding en die impak wat Covid-19 daarop het.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Hendrik Gerryts, die uitvoerende hoof van HGG Finansiële Groep, en Jaco Minnie, 'n prokureur en aktebesorger verbonde aan die regsfirma Miller Bosman Le Roux, sit hulle gesprek oor uitkomste uit 'n geldpenarie voort. Die voordele en gevolge van boedeloorgawe en bankrotverklaring kom onder die loep.

Jean de Villiers gesels met Johan Rademan en Martelize Brink oor rugby, die lewe na rugby en filantropie.

Dr. Melissa Boonzaaier-Davids gesels oor die sones op verskillende dieptes in die oseaan, en die eienskappe van die verskillende vlakke.