Karin Krohn gesels met Johan Rademan en Martelize Brink oor die werking en wetlike aspekte van gemeenskapskemas by aftreeoorde.

Die stylvolle Danya Goosen het beslis nie in sak en as gaan sit toe 2020 haar met al sy ellende begin meesleur het nie. Albei haar ouers is in dié donker jaar oorlede. Die selferkende modemeisie het haar liefde vir mooi klere omskep in ‘n winsgewende spaarsamigheidswinkel, of soos die gonswoord lui, Thrift Store. Haidee Muller-Isaacs het in Elsiesrivier gaan kyk hoe Danya in haar gemeenskap woeker.

Alta Cloete vertel vir Martelize Brink hoe 'n lewe met depressie haar vir Covid-19 voorberei het.

Adele Camarena gesels met Martelize Brink oor die keuse van 'n stylvolle bril.

Dieetkundige Retha Harmse vertel vir Martelize Brink wat jy behoort te eet om van Covid-19 te herstel.

Heidi Mollentze is geen vreemdeling in die vermaakbedryf nie - sy dra verskeie hoede: Heidi is aktrise, stemkunstenaar, dialoog- en optreeafrigter, lektor en lewensafrigter. Sy speel ook gereeld hoofrolle in RSG se radiodramas en middagvervolgverhale. Haidee Muller-Isaacs het haar gevra hoe sy dit alles baasraak, en hoekom sy sê dat mense haar batterye herlaai.

Morné Swanepoel vertel vir Martelize Brink van radiobeheerde modelvliegtuie as 'n stokperdjie, en die Impala skaalmodel wat hy al vier jaar lank aan bou.

Dr. Petre Prins vertel vir Martelize Brink aan wie diamante behoort wat ontdek word, en verwys na 'n knewel van 'n diamant wat onlangs in Botswana gemyn is.

Dr. Linda Meyer gesels met Martelize Brink oor werkersregte te midde van die Covid-19-omstandighede.

Mariska Spoormaker gesels met Marolien Schmidt, ‘n fisioterapeut van die Baai, oor hoe al hoe meer mense deur stres oor die Covid-19-pandemie geraak word. Die stres manifesteer in liggaamspyne en 'n verswakte immuunstelsel.