Driesestig

Dieetkundige Irene Labuschagne verduidelik wat 'n diabetesdieet is.

Dit was nog altyd Solly Luyt, ‘n voorste linie paramedikus in die stryd teen Covid-19, se droom om ‘n nooddienswerker te wees, maar toe word hy as jongman afgekeur omdat hy kwansuis te kort sou wees. Hierna het hy 20 jaar lank by die Volkswagenfabriek op Kariega gewerk, maar sy droom het bly druk. Toe Solly dus 12 jaar gelede die geleentheid gekry het om by 'n private ambulansdiens aan te sluit, het hy dit aangegryp. Nou staan hy bekend as Superhero Solly, die man wat oral en altyd mense in Covid-nood bystaan. Mariska Spoormaker het hom in die ambulansdiens se operasionele kamer gaan opsoek.

Meurant Botha vertel vir Johan Rademan en Martelize Brink van afdraende bergfietsry, of downhill mountain bike.

Danielle Oswald gesels met Johan Rademan en Martelize Brink oor die uitbranding van mediese personeel in senior fasiliteite.

Danie van Wyk is 'n bekende in onderwyskringe. Hy was die hoof van verskeie skole in die Wes-Kaap, en was betrokke by onderwysvakbonde. Danie was destyds die hoofonderhandelaar in die Raad op Arbeidsverhoudinge en die Staatsdiensbedingingsraad. Haidee Muller-Isaacs het by sy huis gaan koffie drink om oor sy komvandaan, Fraserburg, te gesels, en oor sy liefde vir resepteboeke en reis. Hulle het ook geluister na 'n langspeelplaat of twee.

Adri Führi vertel vir Martelize Brink van die ontwikkeling van meisies in minder gegoede gebiede in die vakgebiede van wetenskap, tegnologie, ingenieurswese en wiskunde; en die werk van die Melisizwe Computer Lab-projek in dié verband.

Prokureur Robert de Rooy gesels met Martelize Brink oor sy strokiesprentkontrak vir vrugteplukkers. Op sy dag was die kontrak die eerste ter wêreld.

Herman Watney praat oor die waarde daarvan om onafhanklike sekerheidsraad te kry. Sekerheid is 'n wyer begrip as sekuriteit.

Gifberg se naam het 'n interessante oorsprong. Johan Rademan het Mike Spies bo-op die berg in die Suide van Namakwaland ontmoet, waar die Gifbergpas aan die voet van die Knersvlakte bestyg kan word. Leipoldt en rooibostee kom ook onder die loep.

Die egpaar, Flip en Tilla de Wet, albei 74 jaar oud, is al 18 jaar lank voltydse langpad-toerders wat op alle lengte- en breedtegrade van Suid-Afrika al hulle tentpenne ingeslaan het. Mariska Spoormaker het hulle op Pofadder in die hande gekry. Tilla vertel waar dit alles begin het.