Dertien jaar gelede het die Baaise egpaar Rudi en Ellie Goossens binne die organisasie Vriende van Van Stadens begin om vrywilligerwerk in die munisipale Van Stadens Veldblom-reservaat te doen, en nooit daarmee opgehou nie. Die reservaat, eens amper vergete en verslete, is deesdae 'n inheemse flora-lushof. Die Rotariërklub, PE Sunrise, het nou hulle hoogste toekenning vir gemeenskapsdiens aan die Goossens-egpaar toegeken. David Raymer, president van die Rotariërklub, verduidelik aan Mariska Spoormaker hoekom die Goossens dié toekenning verdien.

Annatjie Reynolds gesels met Johan Rademan en Martelize Brink oor wdie voorbereiding van wildsvleis.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Met die skokkende insinking die afgelope jaar in die ekonomie, besef ons opnuut die rol wat geld op alle gebiede speel. Prof. Johann Kirsten, direkteur van die Buro vir Ekonomiese Ondersoek en professor in Landbou-Ekonomie verbonde aan Stellenbosch Universiteit, skets met statistieke en sy perspektief Suid-Afrika se ekonomiese landskap met die pandemie wat heers. hggroep.co.za

Chris Schoeman gesels met Johan Rademan en Martelize Brink oor die gebrek aan sporthistorici, en die navorsing wat hy oor die Britse en Ierse Leeus gedoen het.

Alta Swanepoel vertel vir Johan Rademan en Martelize Brink wat as 'n veteraanmotor beskou kan word, die uitsonderings wat vir dié motors in wet gemaak word, en die aanpassings wat jy sal moet maak as jy dit vir alledaagse rondrydoeleindes wil gebruik.

Annatjie Reynolds gesels met Johan Rademan en Martelize Brink die verwerking van wildsvleis.

Dr. Marina Joubert gesels met Johan Rademan en Martelize Brink oor top wetenskaplikes as glanspersoonlikhede of celebrities.

Die Tuinroete het nou sy eie Camino-staproete, geskoei op die Camino de Compostela-staproete in die noorde van Spanje, wat jaarliks groot getalle besoekers van dwarsoor die wêreld lok. Diie Tuinroete-camino is die sustersroete van die gewilde Pelgrimstog vir Hoop, wat in die Stellenbosch- en Overberg-omgewing is. Die eerste groep stappers op die roete het in die week van 14 Junie informeel gestap, en die tweede formele groep het op Vrydag 25 Junie in Uniondale begin. Ds. Gert Nothnagel, leraar van die NG Kerk op Herold, het vir Haidee Muller-Isaacs meer van die roete vertel. Sy het ook met ds. Frederick Marais van Stellenbosch en die skrywer en TV-aanbieder, Erns Grundling, gesels.

Melody Kleinsmith gesels met Johan Rademan en Martelize Brink oor die verskillende beroepe in die museumbedryf.

Raoul van den Berg gesels met Johan Rademan en Martelize Brink oor die geskiedenis van vliegtuie bou in Suid-Afrika, die vliegtuie wat plaaslik ontwikkel is, en wat jy moet studeer om dit te kan doen.