Pieter le Roux praat oor die impak van die pandemie op mense se verhoudings met hulle ouers met wie hulle nie kontak kan hê nie.

Haidee Muller-Isaacs het gaan kuier by die veteraanaktrise Kristie Herbst, wat desjare in die immergewilde Nommer Asseblief die rol van Tannie Kriekie se dogter, Belinda Jonker, gespeel het. Sy is ook die ma van die bekende akteur, Anrich Herbst.

Prof. Chris Aucamp gesels met Johan Rademan oor die Erfeniswet.

Een van die tragiese slagoffers van Covid-19 is David Makolo. Dié onderwyser het onlangs, nadat hy oorlede is aan Covid-19, in absentia sy doktorsgraad onvang. Hy was, volgens sy studieleier, dr. André de la Harpe, soos baie ander studente uit Afrika, gemeenskapsgerig, en die Bethal en Butterworthgemeenskappe het hom na aan die hart gelê. Die Xhosa-gemeenskap het ‘n groot onderwysman en visionêr verloor, maar sy drome mag dalk steeds bewaarheid word om sentrums van uitnemendheid te stig. André de la Harpe van die Skiereiland Universiteit van Tegnologie vertel die aangrypende verhaal aan Johan Rademan.

Prof. Matie Hoffmann gesels met Johan Rademan oor die Naval Hill-planetarium in Bloemfontein.

Haidee Muller-Isaacs gesels met Jessica Ruiters van Wellington, wat begin werk het as skoonmaker en vandag 'n kantoorbestuurder is wat haar goed van haar taak kwyt. Sy vertel vir Haidee van haar moeilike, maar wonderlike kinderjare, hoe sy haarself op die rekenaar touwys gemaak het, en hoe sy eers teen geen betaling begin werk het net sodat sy ondervinding kon opdoen.

Helena Sheridan vertel vir Johan Rademan van SKOP, die Sutherland Kunsopvoedingsprojek en 'n plastiekhernuwingsonderneming, Fanplastiek.

Dr. Wilhelm Rothman is ‘n dosent by die Skiereiland Universiteit van Tegnologie. Hy het ‘n besondere belangstelling in programmering in die IT-bedryf, maar tref ook ‘n korrelasie met wiskunde en gee sy mening oor die metodiek wat dikwels in wiskunde-onderrig ontbreek. Musiek, wiskunde en IT loop hand aan hand in die Rothmangesin. Sy seun is die bekende sanger, komponis en kitaarspeler, Loki Rothman, terwyl sy dogter Margot die klankbaansnit van die rolprent, Fiela se kind, gesing het, en onlangs ‘n platekontrak losgeslaan het. Johan Rademan het met hom gesels.

Nicolie Smuts vertel van die juwele wat sy uit klavieronderdele maak.

Ismail Mohamed praat oor die Artfluence Menseregte Kunstefees, wat 'n samewerking tussen Suid-Afrikaanse en Nederlandse kunstenaars is.