Heide Botha gesels met Johan Rademan en Martelize Brink oor brei en breiprodukte.

Dr. Thinus Marais praat oor die mites van breinvliesontsteking.

In die Baai het Mariska Spoormaker op ‘n Saterdagoggend saam met lede van die Voetsac-voetslaangroep gaan stap, en 'n vrou raakgeloop wat glo elke kind behoort soveel as moontlik in die natuur te stap. Sy is Theresa Naidoo, ‘n ywerige stapper en ook 'n Voetsac-stapleier.

Maryke Musson van die Twee Oseane Akwarium vertel vir Johan Rademan en Martelize Brink meer van volhoubare akwakultuur.

Sandra Prinsloo gesels met Johan Rademan oor die verwerking van Elsa Joubert se roman, Spertyd, wat sy weer planke toe bring.

Veearts dr. Ingrid de Wet gesels met Johan Rademan oor honde en katte wat jeuk.

Marius Strauss is ‘n gebore Namakwalander, wat ‘n restaurant besit en ‘n braaier van formaat is. Hy is ook ‘n ywerige versamelaar van kultuurhistoriese items, Africana en artefakte wat strek van swepe, knipmesse, rookpype, koperpotte, swartkruitvoorlaaiers, statebybels tot musiekspelers en boeke. Johan Rademan het by sy huis gaan inloer en met die man wat deesdae in Parow sy restaurant bedryf, maar sy wortels in Nababeep het, gaan gesels.

Joani van Vuuren vertel vir Martelize Brink van die SABS se nuwe standaarde vir handreinigers, en die implikasies daarvan vir verskeie rolspelers.

Marieke Kruger vertel vir Martelize Brink van die rehabilitasie van en werkskepping vir oudgevangenes deur middel van visuele kuns.

Ben Nel vertel vir Martelize Brink van twee organisasies se ondersteuning aan outehuise en bejaardeklubs in die Vredendal-omgewing.