Vroeër jare was Santjie Schutte van Zeerust ‘n skoolhoof en ‘n mens wat gehou het van stories skryf. Toe sluit sy by die Zeerust Skrywersgilde aan, en nou, op 86, het sy haar eerste hygroman gepubliseer. Mariska Spoormaker het by haar gaan kuier.

Dr. Zander Oliver praat oor die rol van tandepasta, en wat jy regtig nodig het.

Die Harry Potter-karakter, Draco Malfoy, is skielik ‘n gelukbringer in China. Malfoy vertaal in Mandaryn na Ma Er Fu - Perde bring voorspoed. Die komende jaar is die jaar van die perd.

90 SHADES OF RUBY is die tema van die uitstalling in die Durbanville-galery en Kleimuseum by Rust en Vrede. Die Kleimuseum is enig in sy soort in Suid-Afrika, en is 40 jaar gelede ingehuldig deur die legendariese keramiekkunstenaar, Esias Bosch. Die gebou dateer uit 1840, en om 40 jaar met die oog op Valentynsdag te vier met die kleur van robyne is merkwaardig. Johan Rademan het met kurator Donovan Mynhardt gesels, wat besonders trots is op die 40-jarige viering.

Dr. Mandie Uys vertel vir Martelize Brink van die Babiloniërs se wette, wat steeds in hedendaagse regstelsels se beginsels te vind is.

Ná die opknapping van ‘n fresko in ‘n kapel, lyk die gesig van ‘n engel nou nes Italië se eerste minister, Giorgia Meloni. Op Instagram sê sy dat sy beslis nie soos ‘n engel is nie.

Liezl Owen vertel vir Martelize Brink van die eilandlewe by Cape Cod, VSA. Vandag is dit -12 grade Celsius daar, maar dit is ‘n gewilde vakansiebestemming in die somer.

Haidee Muller-Isaacs vind meer uit van Karoo Kaarte, die KKNK se multidissiplinêre gemeenskapsprogram, wat vanjaar vyf jaar oud word. Dié span het onlangs afgeskop met die beplanning van hulle splinternuwe teaterproduksie, Spoel, wat by die 30ste KKNK debuteer, asook hulle vele ander kreatiewe uitkomste.

Die Spaanse sierskaatskampioen, Tomas-Llorenc Guarino Sabate, moet sy roetine by die Olimpiese Spele verander. Kopiereg is die rede. Hy gebruik al heel seisoen musiek van die Minions-animasiefilm, maar het nie toestemming om dit by die Winter Olimpiese Spele te gebruik nie.