Dalena Beyers gesels op op die Verenigde Nasies se Wêreld Habitatdag met Martelize Brink oor die ontwerp van gemeenskappe, in stede daarvan om bloot behuising te ontwerp.

In moeilike tye waar woorde 'n mens dikwels ontbreek, kom die grootste verrassings. Die Suid-Afrikaanse kunstenaar, Lizanne Barnard, het die publiek help ontgrendel aan woorde. Haar WOORDE1, WOORDE2 en WOORDE3-projekte het medekunstenaars ingesluit, maar ook iemand soos Anna Davel die moed gegee om te begin skilder. Daar is ook musikale interaksie tussen Lizanne in Suid-Afrika met haar tweelingsuster, Annemarie van Eeden, in Switserland. Johan Rademan het met Lizanne gesels.

Anneke de Jager gesels met Martelize Brink oor disleksie en hoe dit hanteer kan word.

Eljada Nasorg is 'n residensiële versorgingsfasiliteit vir volwasse persone met intellektuele gestremdhede op Oudtshoorn. Die organisasie fokus op die bevordering en handhawing van persone met intellektuele gestremdhede se volle potensiaal. Die aanleer van handvaardighede is 'n integrale deel van die ontwikkelingsprogram. Haidee Muller het by Eljada se kerse-kamer gaan inloer. Hulle geliefde Tannie Drien Abrahams, wat hulle leer kerse maak, gaan weg, en die spulletjie sien glad nie uit daarna nie.

Quinton Leander en Densa Langdown vertel vir Martelize Brink van die bedrywighede by die Lowensvlei blomplaas by Malmesbury.

Irene Snell-Carroll vertel vir Martelize Brink oor Age-in-action se bedrywighede, en die belang van Wêrelddag vir Ouer Persone.

Gilda Swanepoel gesels met Martelize Brink oor kultuurtoere in Soweto.

Desire Golaith gesels met Martelize Brink oor die samewerking tussen die Gemeenskapskas en Kindred om gemeenskappe in die grootste nood te help.

Gita Carroll gesels met Martelize Brink oor 'n agentskap wat filantropiese projekte vir kliënte saamstel.

Masego Marite vertel vir Martelize Brink van tradisionele Zoeloekleredrag. Ons vind uit wie dra wat en wanneer.