Wolfgang Roux is 'n afgetrede houtwerkonderwyser. Sy hande staan vir niks verkeerd nie, en hy kon die beste meubels en kombuiskaste denkbaar maak. Hy is boonop 'n motorfietsliefhebber en hy en sy vrou Anita vat dikwels die langpad op die ysterperde aan. Maar waaroor ons eintlik wil gesels is sy liefde om te versamel, en op 75-jarige ouderdom kan 'n mens 'n paar unieke versamelings verwag. Bajonette op! want hier is Johan Rademan en Wolfgang Roux.

Elizma Berlyn vertel vir Martelize Brink van die uitdagings van blinde- en laevisieleerders, en die leerplan wat by die Pionierskool op Worcester gevolg word.

Wie is Namakwaland se Lyntjie Jaars? Wat is haar komvandaan, en hoekom lê Namakwaland se mense haar so na aan die hart? Haidee Muller drink koffie saam met hierdie vrolike storieverteller en TV-aanbieder om meer oor haar uit te vind. En waar kom die naam Lyntjie vandaan?

Kobus Pietersen gesels oor Tuindag, en nooi mense om die Cliviaversameling, waarna hy omsien, te besoek.

Elana Meyer praat oor die ontwikkeling van die land se langasems, en haar fokus op vroue-atlete.

Shane Anthony Petzer vertel vir Martelize Brink hoe Barrydale die naweek hulle tuine vir die wêreld wys.

Dr. Eugenie-Lien Louw vertel vir Martelize Brink hoe grondprofiele in die landbou gebruik word.

Sam Hofmeyr vertel vir Martelize Brink van die rol van beskermde marienegebiede, en die behoefte om dit te vergroot.

Dr. Carel Stander gesels met Martelize Brink oor die Vrystaatse dorp, Tweeling, wat pas 100 jaar oud geword het.

Eldrid Jordaan gesels met Martelize Brink oor GovChat, die amptelike platform tussen die publiek en regering.