Georgia McTaggart, Reandra Maree en Ursula Murtz vertel vir Johan Rademan en Martelize Brink hoe Help Up te werk gaan om riviere en informele woongebiede skoon te maak met vrywillgers en werklose mense, wat namens jou in ruil vir jou skenking dit doen.

Die 13-jarige Abriella Bredell vertel vir Johan Rademan en Martelize Brink hoe sy vanoggend die jongste meisie nog geword het om om Robbeneiland te swem. Terselfdertyd het haar 11-jarige suster Issataya van Kaappunt tot Valsbaai geswem om nog 'n rekord op te stel.

Lizma van Zyl gesels in die eerste van twee programme met prof. Francois Engelbrecht, 'n lid van die Verengide Nasies se Interregeringspaneel vir Klimaatsverandering, oor die afgelope jaar se welslae en mislukkings, wat betref die beperking van kweekhuisgasvrystellings.

Die veearts dr. Ingrid de Wet vertel vir Johan Rademan en Martelize Brink van die situasie met troeteldiere en Covid 19.

Elsabe Brits vertel vir Johan Rademan en Martelize Brink van die rol van wetenskapjoernaliste tydens iets soos die Coronavirus situasie.

Louise Schoonwinkel vertel vir Johan Rademan en Martelize Brink oor die belangrikheid van leerroetine vir skoolgaande kinders en aanlyn-hulp in die dae van tuis bly.

Minister Anroux Marais vertel vir Johan Rademan en Martelize Brink van die uitgebreide dienste wat biblioteke deesdae aanbied.

Chris Spies kom uit Cradock se wêreld, en het op Oudtshoorn grootgeword. Hy was predikant in Burgersdorp in die jare tagtig. Hy noem dit sy eintlike universiteit. Tien jaar lank het hy daar probeer brûe bou tussen gemeenskappe, maar het gou besef dis nie altyd so maklik nie. Later word hy die streekorganiseerder van die Wes-Kaapse Vredeskomitee van 1992 tot 1994. Hy vertel vir Haidee Muller van daardie tyd se harde gesprekke, en wat hy vandag in Afrikalande doen.

Nico Bezuidenhout vertel vir Johan Rademan en Martelize Brink van die lugreëling in vliegtuie.

Lynette Barnes vertel vir Johan Rademan en Martelize Brink van die propolis wat bye maak.