Jacqui January gesels met Teo Taljaardt van 'n wildsplaas naby Brits in Noordwes. Hy vertel van sy werk, en hoe dit hom noop om sy houding te verander en sy kennis uit te brei - van skottelgoedwas tot om meer te leer van die klipperige rante, die plantegroei en die diere. Hulle sit op Teo se bakkie waar hy van die zebras vertel.

Die damvlakke is kritiek laag in Nelson Mandelabaai, maar steeds moet verbruikers gemaan word om water te bespaar. In Port Elizabeth kry jy egter die 66-jarige Barbara Nixon wat op praktiese wyse sorg dat haar huishouding van drie mense skaars vier kiloliter water per maand gebruik. Sy het aan Mariska Spoormaker verduidelik hoe hulle dit regkry.

Clifford Retief vertel vir Johan Rademan en Martelize Brink van die rol van sout in dierevoeding.

Dr. Etienne van der Walt vertel vir Johan Rademan en Martelize Brink van die reuksintuig se skakel met geheue.

Hein Wagner vertel vir Johan Rademan en Martelize Brink van 'n nuwe akademie wat op die been gebring is as opleidingsfasiliteit vir siggestremdes.

'n Bekende en hoogsgerespekteerde wetenskapskrywer en -joernalis met 'n belangstelling in klimaatsverandering het wenkbroue laat lig en 'n debat ontlok ná haar ontboeseming oor haar ineenstorting. Lizma van Zyl gesels met Leonie Joubert oor haar wanhoop weens die gevolge van klimaatsverandering, en haar dapper reis sedertdien.

Marcelle du Plessis vertel vir Johan Rademan en Martelize Brink van die Paws on the Promanade-hondeloop ten bate van die Mdzananda Dierekliniek in Khayelitsha.

Elke jaar op 14 Maart word Wêreld Kwiltdag gevier. Hierdie eeuoue vorm van naaldwerk het begin uit nood, en is vandag een van die grootste stokperdjies wêreldwyd. Jacqui January het met die Kwiltkoningin Maretha Fourie van die Witwatersrand se Kwiltgilde gesels.

Dr. Trudy Jansen gesels met Johan Rademan oor biomimiek, en hoe die wetenskap by plante en diere leer.

Bradley Bailey gesels met Johan Rademan oor sy rol as welstandkampioen, en die werk wat op grondvlak gedoen word.