Van 6 Oktober tot 10 November laat die dierewelsynsorganisasies in die Spaanse dorp, Terrassa, geen aannemings van swart katte toe nie, om te verhoed dat hulle Halloween-versierings word.

Martelize en Johan hoor van die werk wat Farm Sanctuary SA doen. Hulle het ‘n skilderskaap, Baanksy. Pigcasso, die skildervark, was ook by hulle. Pigcasso is in the Guiness Book of World Records vir ‘n kunswerk deur ‘n dier, wat vir $25 000 verkoop is. Dr. Jane Goodall het ook van Pigcasso se skilderye gehad in haar huise.

Koskonsultant Heleen Meyer praat oor die gebruik van suiker, en praktiese maniere om dit te vervang.

In Kalifornië in die VSA is die het die polisie te make met ‘n vreemde situasie. ‘n Bestuurderlose taxi het ‘n onwettige u-draai gemaak. Die taxi kon egter nie beboet word nie, siende dat daar nie ‘n bestuurder was wat die oortreding begaan het nie.

Haidee Muller-Isaacs maak kennis met Magdalena Hendricks, wat al 40 jaar lank by Heuer Pianos op Stellenbosch werk. Toe sy skool los om te gaan werk, wou sy eers net klaviere afstof. Vandag is dié 75-jarige Wellingtonner een van die beste klaviertegnici, en al te beskeie daaroor. Haidee het gaan hoor hoe haar pad tot hier geloop het.

Dieetkundige Valpré Huisamen praat oor voeding in die verskillende fases van die menstruele siklus.

Na 30 jaar maak Leila se haarmuseum in die VSA toe. Die museum het meer as 3 000 items wat meestal haarkuns is, maar ook lokke van bekendes soos Marilyn Monroe. Kunswerke van hare was voor foto’s ‘n manier om gestorwenes te onthou.

Daar was ten minste vyf spanne hommeltuig-operateurs by vanjaar se NAMPO Kaap op Bredasdorp in die Overberg. Boere het van oral oor gereis om met die fokus op die winterreënvalstreek se behoeftes, na nuwe innovasie en tegnologie te kom kyk. Corius Visser was een van hulle. Johan Rademan het met hom oor ou metodes en nuwe innovasies gesels.

Wetenskaplikes werk aan ‘n lewende rekenaar, waar stamselle gebruik word om neurone te skep. Dit ontwikkel in trosse, wat organoïede genoem word.

Marie-Louise Burden vertel vir Martelize Brink van Taiwan waar sy al byna 15 jaar woon.