በ2011 የፖለቲካ እዉቅና ያገኙት ሙስጠፋ አብዱል ጀሊል፣ መሐመድ ጅብሪል፣ አብዱረሒም ኤል-ካይብና መሰሎቻቸዉ ያቺን የነፃነት ተፋላሚዎች፣ የአፍሪቃ ሐብታም፣ ቅንጡ ሕዝብ ሐገርን ለፓሪስ፣ለንደን ዋሽግተኖች ጦር ያስረክባሉ ብለዉ ዑመር፣ ኢድሪስ፣ ሙዓመርም ሆኑ ተከታዮቻቸዉ በርግጥ ሊያስቡ አይችሉም።ግን ሆነ።

በፊላዴልፊያው የ800 እና 1,500 ሜትር የሩጫ ፉክክር ኢትዮጵያዊቷ አትሌት ድርቤ ወልተጂ በማሸነፍ የግራንድ ስላም ተሸላሚ ሁናለች ። የአውሮጳ ሻምፒዮንስ ሊግ ዋንጫን ያሸነፈው ፓሪ ሳን ጃርሞ ደጋፊዎች ፓሪስ ውስጥ ባስነሱት ነውጥ ከአምስት መቶ በላይ ሰዎች ታሰሩ ። ኦስማን ዴምቤል የሻምፒዮንስ ሊግ ምርጥ ተጨዋች ተብሎ ተሰይሟል ።

በኢትዮጵያ የፌደራል መንግስት እና በህዝባዊ ወያኔ ሓርነት ትግራይ (ሕወሃት) መካከል የተፈጠረው እሰጥ አገባ እየተባባሰ የሄደ መስሏል። ለሁለት ዓመታት የዘለቀውን አስከፊውን ደም አፋሳሽ ጦርነት በፕሪቶሪያ በተደረሰ የሰላም ስምምነት መግታት የቻሉት ሁለቱ ኃይላት ስምምነቱን አጽንተው ዘላቂ ማድረግ ግን ተስኗቸዋል።

የትግራይ ሕዝብ "የተለየ መንገድ" ስለሚያስፈልገው እና አሁን በክልሉ ያለው ችግር "በነበረበት መንገድ የሚፈታ" ባለመሆኑ መቋቋሙን በአቶ ጌታቸው ረዳ የሚመራው ዲሞክራሲያዊ ስምረት ትግራይ ፓርቲ ገለፀ። ፓርቲው ከክልል እስከ ቀበሌ አባላት በመመልመል እስከ አንድ ወር ተኩል ባለው ጊዜ ውስጥ በመቐለ መሥራች ጉባኤ የማካሔድ ዕቅድ አለው።

በምዕራብ ወለጋ ዞን ጊምቢ ወረዳ ውስጥ የሚገኙ የተፈናቀሉ ዜጎች ባለፉት ሁለት ወራት ሰብአዊ ድጋፍ እንዳላገኙ አስታውቋል፡፡ በየወሩ የ15 ኪ.ሎ ድጋፍ ለተፈናቀሉ ዜጎች በነፍሰ ወከፍ ይቀርብ እንደነበር የገለጹት ነዋሪዎቹ ከመጋቢት ወር ወዲህ ሰብአዊ ድጋፍ እንዳልመጣላቸው ተናግረዋል፡፡ ዞኑ በበኩሉ በዚህ ሳምንት እርዳታ መላኩን ገልጿል።

የማላዊ ነርሶች ወደ እስራኤል ሂደው እንዲሰሩ የሀገሪቱ መንግስት ከእስራኤል ጋር ስምምነት ፈርሟል፤ ስምነቱ በሀገሪቱ ድጋፍ እና ተቃውሞ ገጥሞታል። በሌላ በኩል በዲሞክራቲክ ኮንጎ የቀድሞው ፕሬዚዳንት የጆሴፍ ካቢላ አማፅያንን መቀላቀላቸው የሀገሪቱን ሰላም አደጋ ላይ ይጥላል በሚል ስጋት አሳድሯል።

ፖላንድ ሕገ-ወጥ ስደትን ለመከላከል ኢትዮጵያ እና ኤርትራን ጨምሮ በስድስት ሀገራት ዘመቻ መጀመሯን አስታወቀች። የፖላንድ ውጪ ጉዳይ ሚኒስትር ራዶስላው ሲኮርስኪ በኤክስ ባጋሩት ቪዲዮ በሕገ-ወጥ መንገድ ድንበር ያቋረጠ ሰው ጥገኝነት እንደማይሰጠው ያስጠነቅቃል። በዘመቻው ሶማሊያ እና ግብጽ ጭምር መካተታቸውን ውጪ ጉዳይ ሚኒስትሩ አስታውቀዋል።

ከ15 የተባበሩት መንግሥታት የጸጥታ ጥበቃ ምክር ቤት አባላት መካከል ትላንት ዓርብ በነበረው ድምጽ አሰጣጥ ዘጠኙ የውሳኔ ሐሳቡን ደግፈዋል። የውሳኔ ሐሳቡ ያገኘው የድጋፍ ድምጽ ለመጽደቅ ከሚያስፈልገው ዝቅተኛው ነው። ስድስት ሀገራት ማለትም ሩሲያ፣ ቻይና፣ አልጄሪያ፣ ሴራ ሊዮን፣ ሶማሊያ እና ፓኪስታን ድምጸ ተዓቅቦ አድርገዋል።

15 ሺህ የሚጠጉ ኢትዮጵያውያን አይሁዶች ወይም ቤተ እስራኤላዊያን በ36 ሰዓታት ውስጥ ከአዲስ አበባ እስራኤል የገቡበት ዘመቻ ሰሎሞን 34 ዓመት ሞልቶታል።ከቦሌ አለም አቀፍ አየር ማረፊያ በቀጥታ ቴላቪቭ በ35 የአውሮፕላን በረራዎች ወደ እስራኤል የገቡት ቤተ እስራኤላዊያን ዛሬ በሁለቱ ሀገራት ግንኙነት ላይ በጎ ድልድይ መሆናቸውም ተገልጿል።

ሸቀጣሸቀጥ ጭነው ወደ ትግራይ የሚጓዙ ተሽከርካሪዎች፥ ወደ ትግራይ እንዳይገቡ በአፋር እና አማራ ክልል በሚገኙ የፍተሻ ጣብያዎች መከልከላቸው ተገለፀ። የትግራይ ግዚያዊ አስተዳደር በዚህ ክልከላ ጉዳይ ከፌደራል መንግስቱ ማብራሪያ ጠይቋል።