አስመላሽ ተካ ለኢትዮጵያ ቋንቋዎች የማሽን ትርጉም አገልግሎት የሚያቀርበው ልሳን ኩባንያ ተባባሪ መሥራች ነው። መቀመጫውን በርሊን ያደረገው ልሳን በሥራው ከአርቴፊሺያል ኢንተለጀንስ ጋር በጥብቅ ይተሳሰራል። አስመላሽ የአንድ ለአንድ እንግዳ ነው። አሜሪካ እና ቻይና ስለሚወዳደሩበት ቴክኖሎጂ እና ለአፍሪካ ስለሚኖረው ፋይዳ እሸቴ በቀለ አነጋግሮታል።

የኢትዮጵያ አገራዊ ምክክር ኮሚሽን የትግራይ ክልል በአገራዊ ምክክር ሂደት ተሳታፊ እንዲሆን ኮሚሽኑ ለክልሉ ጊዜያዊ አስተዳደር እና ባለድርሻ አካላት ጥሪ አቀረበ፡፡ኮሚሽኑበኦሮሚያ እና አማራ ክልሎች ለሚገኙ ታጣቂ ኃይሎች እና እስካሁን በምክክር ሂደቱ መሳተፍ ላልጀመሩ የፖለቲካ ድርጅቶችም የተሳትፎ ጥሪ አቅርቧል፡፡

«ከጥር ወር አንስቶ ከ100 በላይ ውሾችን ከአዲስ አበባ ጎዳናዎች ታድገናል» ይላሉ የአዲስ ፓውስ መስራቾች ። ውሾቹን ከጎዳና አንስተው የት እና እንዴት እንደሚንከባከቡ፤ ለምንስ ይህንን ለማድረግ እንደተነሳሱ ገልፀውልናል።

በሰሜን ወሎ፣ ደቡብ ወሎ እና ኦሮሞ ብሔረሰብ አስተዳደር ዞኖች የተማሪዎች እና የመምህራን ስደት እየጨመረ ነው። በአንዳንድ ወረዳዎች ወላጆች ልጆቻቸውን እስከ ስምንተኛ ክፍል ድረስ ብቻ በማስተማር ወደ አረብ ሀገራት ይልካሉ። በ2017 ከሐብሩ ወረዳ ብቻ ወደ 52 መምህራን ሥራ መልቀቃቸውን የአካባቢው ባለሥልጣናት ተናግረዋል።

ኢሕአዴግ ሥልጣን የያዘበት የግንቦት 20 አከባበር በተቀረው ኢትዮጵያ ቸል ተብሎ በትግራይ ሲዘከር ታሪኩ አሁንም መወዛገቢያ ሆኗል። የእነ አቶ ጌታቸው ረዳ ዴሞክራስያዊ ስምረት ትግራይ የተደበላለቀ አቀባበል ገጥሞታል። ፕሬዝደንት ኢሳያስ አፈወርቂ የኤርትራ 34ኛ የነጻነት በዓል ሲከበር ባሰሙት ንግግር ለኢትዮጵያውያን አጀንዳ ሰጥተው ሰንብተዋል።

ለሃገራቸውንና ለማኀበረሰባቸው የላቀ አስተዋጽኦ ያበረከቱ ግለሰቦችና አንድ ድርጅት በዩናይትድስቴትስ ከሚገኘው "ማኀበረ ግዩራን ዘረ ኢትዮጵያ" የክብር ተሽላሚ ሆኑ። ግብረ ሰናይ ድርጅቱ ሜሪላንድ ውስጥ ባካሄደው ሥነ ስርዓት በትምህርታቸው ከፍተኛ ውጤት ላስመዘገቡ ተማሪዎችም የማበረታቻ ሽልማት መስጠቱን የድርጅቱ ኃላፊዎች ለዶቼ ቬለ አስታውቀዋል።

በኤርትራ 34ኛው የነጻነት በዓል ላይ ፕሬዚዳንት ኢሳያስ አፈወርቂ ብዙ ስለተባለለት የቅርብ ጊዜውን የኢትዮጵያ እና ኤርትራ ዲፕሎማሲያዊ ግንኙነት ከመሻከርም አልፎ ውጥረት ውስጥ መግባቱን የገለጹበት ንግግር አድርገዋል። በግልጽ የተነገረው የሁለቱ አገራ ዲፕሎማሲያዊ ግንኙነት ወዴት አስከፊ ስጋት ይወስድ ይሆን?

የኤርትራው ፕሬዝዳንት ኢሳያስ አፈወርቂ ስለ ኢትዮጵያ ያቀረቡትን ብርቱ ወቀሳ በተመለከተ የተጠየቁት የውጭ ጉዳይ ሚኒስቴር ቃል አቀባይ አምባሳደር ነቢያት ጌታቸው ኢትትዮጵያ "ከጎረቤቶቿ ጋር አሁንም ቢሆን በጋራ ተባብሮ መሥራት ላይ ያተኮረ መርህ" እንደምትከተል ተናግረዋል።

በደቡባዊ ጀርመን በባቫርያ ግዛት ሙኒክ ከተማ እና አካባቢዉ የሚኖሩ ኢትዮጵያዉያንን ያቀፈዉ የባህል ማኅበር የተመሰረተበትን 30ኛ ዓመት በተለያዩ ዝግጅቶች እና ዉይይቶች አከበረ። የባህል ማኅበሩ 30ኛ ዓመት የምስረታ በዓሉን ሲያከብር ኢትዮጵያዉያንና ትዉልደ ኢትዮጵያዉያን፤ ጀርመናዉያን ብሎም ከተለያዩ የዓለም ሀገሮች የመጡ እንግዶች ነበር።

በአማራ ክልል ደቡበ ወሎ ዞን «ገራዶ» በተባለ መጠለያ ጣቢያ የሚገኙ ተፈናቃዮች «ተለዋጭ ቦታ ሳይዘጋጅልን አካባቢው ለባለሀብት ተስጥቷል በሚል መኖሪያ ድንኳናችን እየፈረሰብን ነው» አሉ ። የደቡብ ወሎ ዞን አደጋ መከላከልና ምግብ ዋስትና ጽ/ቤት «ችግሩ መፈጠሩን አረጋግጫለሁ» ብሏል ።